Galesiaapụ 3:22 - Ibani New Testament

²² Tọ́ndiri ma dughom ḅẹ́ tuminikiri gbọrụ sii kụ́rọ ma sughubie imi; anịgo n mini wa pịrị dienyẹ ma wámịna minini Jizọs Krais ḅụ ḅọ́rọ́, mininiapụ ma ngéré anịị nnị pa pịrịapụ.

Galesiaapụ 3:22 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 16:16

Mininiḅọ gonyẹ́ gonyẹ́ sị pịghị mingi sara, dụaḅọ́rọ́ma nyánábẹm mininighaḅọ nnị n gulugulumabẹm,

Ibi Oku Ma Jọn Anị Gịẹ Ḅara 12:46

A tuminikiri ma ḅomam baá ḅara, sị ịḅụ mininiḅọ gonyẹ́ gonyẹ́ mịnị kánákánábie fịnịbịgha ḅara.

Ibi Oku Ma Jọn Anị Gịẹ Ḅara 20:31

Kụ́ma mịná angaá nyẹ nnị anị gịẹm o minini bẹ ḅara ḅẹẹ, Jizọs ori anịị Krais ma Tamuno Tụwọ ḅẹ́ i minini minini ine duma nyánábẹm ori ẹ́rẹ́ ḅụ.

Ibi Oku Ma Jọn Anị Gịẹ Ḅara 3:36

Tụwọ ma ḅụ mininiḅọ gonyẹ́ gonyẹ́ duma gbámásó nyánam, kụ́ma Tụ́wọ ma sịghịḅọ gonyẹ́ gonyẹ́ duma arịbịgha, ḅẹ́ Tamuno igani fịnị n ḅọ pịrịm.>>

Ibi Oku Ma Jọn Anị Gịẹ Ḅara 5:24

<

Ibi Oku Ma Jọn Anị Gịẹ Ḅara 6:40

Ḅẹẹ Daḅọ ma binyẹ anịị tọ́rụ pa Tụ́wọ ma dighiḅọ gonyẹ́ gonyẹ́ sị ọ minini duma gbámásó nyánábẹm, a pịghị n ḅọ saghịmabẹm kunema éné ma ḅụ.>>

Fịrị Ḅara 16:31

Nnị ọ pagharam, <>

Romapụ 10:9

Ḅẹẹ ḅọ́rọ́ ị bịpị ḅụ dugho págháma ḅẹ́ Jizọs Krais anịị Kị́nị́nyánáḅọ ma pịghị minini ị tẹ́mẹ́bie ḅẹ́ Tamuno ọ saghịmam fịị ḅụ, ị dụaḅọ́rọ́ma nyánábẹm.

Romapụ 11:32

Tamuno túminị́ mamgba mịẹm nnị bịpị pughugha ikólinaapụ sọ, sị ọ lolomakúkúbie nyáná kị́nị́mamgba pịrịbẹ ḅara.

Romapụ 3:22

Tamuno túminị́ mịẹm nnị karakárá ibiamịẹnyẹapụ sọ, nna minini Jizọs Krais ḅụ ḅọ́rọ́. Tamuno mịma mịẹ Jizọs Krais ḅụ mininiapụ gonyẹ́ gonyẹ́ pịrịm, tegó kịrịnyẹ sọ ofori,

Romapụ 3:23

kị́nị́mamgba siinyẹ mịẹmam anịgosi Tamuno ipine nna ḅụ ḅọlọ angaá ḅụ imii.

Romapụ 5:12

Sii gbẹ́rẹ́ owitụ́wọ ḅụ ḅọ́rọ́ tuminikiri ma sọm, ori sii ma pịghị fịị akuom. Anịgosi fịị tuminikiri gbọrụ mamgba agbam, tegó kị́nị́mamgba siinyẹ mịẹmam.

Galesiaapụ 3:14

Krais mịma mịẹm sị Tamuno mini Ebraham pịrị karịibima ma, Juughaapụ ma sọ nyáná ḅo bẹ ḅara Krais Jizọs ḅụ ḅọ́rọ́, anịgo minini ḅụ ḅọ́rọ́ wamịnị ine Tamuno minini Tẹ́mẹ́ ma nyáná ḅo bẹ ḅara.

Galesiaapụ 3:17

Mịnga a dughoarị ḅẹ́ Tamuno Ebraham na ọḅọọ fịm warị mini ḅẹ́ ori anị warịbẹm. Anịgo n pịrị ólóghó ma kụ́rá ndẹ́ẹ na sue ḅo ḅọ́rọ́ sáá ine anị ọḅọọ ma kaabịgha sị Tamuno mini nyẹ ma pa ḅuuma.

Galesiaapụ 3:23

Kụ́ma minini ma na ḅo laagha sáá, ólóghó ma wamịnị kị́nị́mamgba ikasim ikólinaapụ ḅara, akị mú minini anị ḅụ die sa láa.

Galesiaapụ 3:29

Ọmịnị ḅọ́rọ́ Krais nyẹ nḅẹḅẹ́, ọmịnị Ebraham awọ. Ọ Tamuno mini karịibima ma nyánáḅobẹm.

2 Timoti 1:1

Ịrị Pọl, Krais Jizọs fịrịmaḅọ, Tamuno tọ warị ḅara ḅụ, ḅẹ́ a ḅo Tamuno mini wa pịrị duma wa Krais Jizọs ḅụ minini sáá dugho wásámáa.

Hiburuapụ 9:15

Krais anị ịwọ ọḅọọ ma ḅara saghị ḅoḅọ, sị Tamuno simaapụ ine o minini gbámásó boma ma nyáná bẹ ḅara. Mịma ine kiriakịbẹm ọ fịịmam go, sị siiamịẹnyẹapụ ḅọ́rọ́ma nna siiamịẹnyẹ ḅụ, parị ọḅọọ ma sọ pa imi sa.

2 Pita 1:4

Mịná ipine na mịná ibi ḅụ ḅọ́rọ́, ori ọmịnị wa pịrị opuma dụḅa na nyẹ́la dienyẹ ma pa wa pịrịmam. Mịná diepịrịnyẹ ma ḅụ ḅọ́rọ́, ọ tuminikiri bie fịnị sị tuminiḅaarị pụghọ tarịarịnyẹ ma ḅarabie mangị págháḅobẹm, sị ori tọ́ntọ́ duma ma nyáná.

2 Pita 3:13

Kuma wa Tamuno minini nyẹ ma kurum, ịwọ so ma na ịwọ tuminikiri ma, karakárá ibiamịẹnyẹ taa bẹ angaá.

1 Jọn 2:25

Mịma anị Krais minininyẹ ḅẹ́ ọ pa wa pịrịbẹm duma gbámásó.