Galesiaapụ 3:2 - Ibani New Testament

² Ọ mịị gbẹ́rẹ́nyẹ ma dugho i pịrị, ọ Tamuno Tẹ́mẹ́ ma nyáná ḅo ólóghó ma warị ḅụ anịgha ibi oku ma náa sị pịghị anị minini ḅụ ḅọ́rọ́.

Galesiaapụ 3:2 ပူးပေါင်းရင်းမြစ်များ

Fịrị Ḅara 15:8

Tamuno, ori sọ kị́nị́mamgba kóróma nimiḅọ onyẹ́sẹ n pịrịm, ori ọrẹ Tọ́ntọ́ Tẹ́mẹ́ pa nnị pịrị ḅara, o pịghị pa wa pịrị ḅara.

Fịrị Ḅara 2:38

Pita warị nnị ḅẹẹ, <<Ọ́rụ́ḅọ ọ́rụ́ḅọ amịna sii ḅụ pịghị sị mingi sara Jizọs Krais ẹ́rẹ́ ḅụ sị, siiḅụḅarasipịrị nyáná, anịsáa, ọ Tamuno dienyẹ ma nyánábẹm, Tọ́ntọ́ Tẹ́mẹ́ ma.

Fịrị Ḅara 8:15

Nnị ḅo aningáa láa sa, nnị tẹ́ghẹ̄ mininiapụ ma pịrịm ḅẹẹ nnị Tọ́ntọ́ Tẹ́mẹ́ ma daakị.

Romapụ 1:17

Tegó ibi oku ma die pághámaarị Tamuno túminị́ akuo karakárá ibiamịẹnyẹ ḅụ su ori na nnị na, mịma anịị minini ḅụ ḅọ́rọ́ parị ákị mú kunema láa, tọ́ndiri ma dugho ḅara, <>

1 Kọrịntịapụ 9:21

Anị gbẹ́rẹ́ ḅara ma a Juughaapụ ma na fịrịnwangịarị sáá, a Juughaapụ ma ḅara pa duma kọọm sọ́ḅọ́rọ́ Juuapụ ólóghó ma ịḅụ kụrọ nyanagha nyẹ, sị a ine Juughaapụ ma akuoo Krais pịrịbẹ ḅara. Mịma anị dieghaa ḅẹẹ a Tamuno ólóghó ma kokogha; a karakáráma Krais ólóghó ma sughubie imi.

2 Kọrịntịapụ 11:4

A mịma dughoarị tegó a arịḅom bẹ ḅọ́rọ́ kị́nị́ ọdámáḅom warị jẹ́ Jizọs dugho wásámáa, wamịnị na dugho wásámagha ḅọ, anịgha ọ jẹ́ tẹ́mẹ́ daákịm kịrịnyẹ parị ọ daakị nyẹ ma ḅụ, anịgha kịrị ibi oku na ọ daákịgha nyẹ, ọ ḅụ tẹ́lẹ́ma nnị daákịbẹm.

Galesiaapụ 3:14

Krais mịma mịẹm sị Tamuno mini Ebraham pịrị karịibima ma, Juughaapụ ma sọ nyáná ḅo bẹ ḅara Krais Jizọs ḅụ ḅọ́rọ́, anịgo minini ḅụ ḅọ́rọ́ wamịnị ine Tamuno minini Tẹ́mẹ́ ma nyáná ḅo bẹ ḅara.

Galesiaapụ 3:3

Ọ tọ́rọ́ pa ọkọfịnị oḅorisọ bẹ ọmịnị Tamuno Tẹ́mẹ́ pa sághịm, ọ sị ḅẹ́ ọmịnị ine ọmịna ịnyọ pa mị duma kọọ mú kunema láa bẹ?

Galesiaapụ 3:5

Tamuno ori ọ Tẹ́mẹ́ ma pa ọ pịrị, pịghị ọmịna ogboku bie ḅụ́gbérépuma fịrị nwángịị, ḅẹ́ ọmịnị ólóghó ma wárim gosi? Anịgha ḅẹ́ ọmịnị ibi oku ma naam sị anị ḅụ minini?

Hiburuapụ 2:4

Tamuno pịghị onyẹ́sẹ anị pịrịm ọ nwángị íkia fịrị, buapághá fịrị na tọ́rụ́kịrịkị́rị́ ḅụ́gbérépuma fịrị ḅụ, ọ pịghị Tọ́ntọ́ Tẹ́mẹ́ ma dienyẹ die túminị́ pịrịị anị ọ ḅụḅẹlẹ ḅara.

Hiburuapụ 4:2

Wamịnị ibi oku ma naamam, nnị sọ náaḅara. Nnị oku ma naam, kụ́ma anị pa nnị mịẹibi ofori, nnị anị náa sa nnị minini ḅụ ḅọ́rọ́ anị akịịghaa.

Hiburuapụ 6:4

Nnị tọ́rọ́pa ọḅụ pa nna minini gbiapụ akuoo bẹ, sị n sima nna sii ḅụ pịghị? Gbẹ́rẹ́sa biri n Tamuno baá ma ḅụ imi n ḅẹ́lẹ pa sobie dienyẹ ma lámámam pịghị nna diekiri akịm Tọ́ntọ́ ibitẹ́mẹ́ ma ḅụ.

1 Pita 1:12

Tamuno diepágháma mịná ikiakoroapụ ma pịrịm ḅẹ́, nna fịrị ma anị nna ḅárákū sọ́nyẹ sọ n pịrịbịgha kụ́ma anị sọọ nyẹ sọ ọmịnị pịrịbẹm, n pịghị dugho sị ọ náa maá oku ma ókumuuapụ ma bịpị, anịị n sobie saghị fịrịma ḅo Tọ́ntọ́ Tẹ́mẹ́ pa dugho ibi oku. Mịnanyẹ ma anị sookumuapụ ma so bii nyẹ nnị akanyaḅo.