Galesiaapụ 3:17 - Ibani New Testament

¹⁷ Mịnga a dughoarị ḅẹ́ Tamuno Ebraham na ọḅọọ fịm warị mini ḅẹ́ ori anị warịbẹm. Anịgo n pịrị ólóghó ma kụ́rá ndẹ́ẹ na sue ḅo ḅọ́rọ́ sáá ine anị ọḅọọ ma kaabịgha sị Tamuno mini nyẹ ma pa ḅuuma.

Galesiaapụ 3:17 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 1:17

Tamuno ólóghó ma Mosis ḅara sághịḅom, kụ́ma tọ́rụ́kụrụkụ́rụ́ na karakárá Jizọs Krais ḅara sághịḅom.

Fịrị Ḅara 7:6

Mịma anị Tamuno dugho ọ pịrịnyẹ: <Ị furobie págháḅoapụ mú jẹ́ ámá ngáabẹm, nnị omoni sọ́bẹm, nnị pịghị kụ́rá ndẹ́ẹ pa si ḅara pa nnị na ngáabẹm.

Romapụ 3:25

Tamuno ọ saghị pịrịm, ḅẹ́ ori ọ sụụ ọmbịnyẹ́ ma ḅụ ḅọ́rọ́, na pịghị túminị́ ọ ḅụ nyáná minini ḅụ ḅọ́rọ́, n siiḅụḅarasi nyáná bẹ ḅara. Tamuno mịma mịẹm pa die ḅẹ́ ori karakárá ibiamịẹnyẹḅọ. Ḅọ́rọ́maa sa ori inema nyánam sị nna sii dighi tọ́rụ́si; kụ́ma mị́sa ma ḅụ mịnị nna sii dighi tọ́rụ́sigha sị ori karakárá ibiamịẹnyẹ ma diepágháma.

Romapụ 3:3

Ḅọ́rọ́ nna ḅụ jẹ́apụ minini nyanagha, nna minini nyánágha ma anị mịẹbẹ sị Tamuno mịnị sẹ́kụrọghaḅọ sọ?

1 Kọrịntịapụ 1:12

Kúru a mị ḅara pa anị dugho; ọ́rụ́ḅọ ọ́rụ́ḅọ jẹ́ kịrịnyẹ dughoarị. Gbẹ́rẹ́ḅọ dughoarị ḅẹẹ, <>, jụghọ dughoarị, <>, jụghọ ḅẹẹm <> Jụghọ pịghị ḅẹm, <>

1 Kọrịntịapụ 1:17

Ḅẹ́ Krais i fịrịmagha ḅẹẹ a ḅo mingi saraa kụ́ma ori i fịrịmam ḅẹẹ a ḅo ibi oku ma dugho wásámáa, tuminikiri opu nyẹ́nimiapụ ẹ́gẹ́rẹ́ pa anị dugho wásámaghaa, sị arịị ḅẹẹ Krais fịị mgbẹsẹ sị́ ọ́gọ́nọ ḅoo kụrọ nyanagha nyẹ sọbịgha ḅara.

1 Kọrịntịapụ 10:19

A mịma dugho ḅara ma anị dugho ḅẹẹ n gwaa pa n kárá tamuno pịrị igwaa ḅẹnyẹ ḅẹnyẹ ḅụ imi anịgha ḅẹ́ n kárá tamuno ḅẹnyẹ ḅẹnyẹ ḅụ imii?

1 Kọrịntịapụ 7:29

I jẹa mininiapụ, a dughoarị nyẹ anịị ḅẹẹ, sáá ma ịrụm, mị́sa sághị bịpị muu, taa nyánáapụ duma kọọ sọ́ḅọ́rọ́ n táa nyanagha;

2 Kọrịntịapụ 1:20

Ori anị <> ma sị pa Tamuno minini nyẹ mamgba pịrị. Mịma go Tamuno Jizọs Krais ḅụ sámámgba <> ḅẹm, wa anị ḅẹ́ pa Tamuno bomaarị.

2 Kọrịntịapụ 9:6

Biekóróma ḅẹ́ bogha sịmgbọlụ dipiḅọ pịghị bogha sịmgbọlụ sughubẹm; opuma sịmgbọ́lụ dipi ḅo pịghị tọgha sịmgbọlụ sughubẹm.

Galesiaapụ 3:15

Ịyẹa mịnaapụ, a éné gbọrụ mịẹarịnyẹ pa nyẹ pa, o diebẹm; mmẹapụ nyẹ mini sáá, anị gịẹ sua diri bie, ḅara pụnụ; ḅẹ́ mịị anị fịnị bẹ ḅara, gbẹ́rẹ́ḅọ ine anị kaabịgha, anịgha nyẹ sua anị ḅụ.

Galesiaapụ 3:21

Mịma anị die ḅẹ́ ólóghó ma anị Tamuno mini nyẹ na kuragha? Ọkọfịnị nyẹ ofori! Ḅọ́rọ́ tuminikiriapụ duma pịrịbẹ ólóghó nyanaḅomam anị sáá, kị́nị́mamgba karakárá ibiamịẹnyẹapụ sọ́bẹm nnị anị kokoarị sáá.

Galesiaapụ 5:16

A dughoarị nyẹ ma mịị anị: Tẹ́mẹ́ ma wáriso sị anị ḅẹrẹtọ ị pịrị, anị sáá, ọmịnị ọmịna ojumẹnị ma dọghụ sii duma mịẹnyẹ ma mịẹbịghaa.

Galesiaapụ 5:4

Ọmịnị ólóghó ma koko ḅụ ḅọ́rọ́ Tamuno na karakárá ḅụ fịnị dọghụapụ, ọmịnị ọmịna ḅụ fófóomámam Krais ḅụ, ọ Tamuno ma tọ́rụ́kụrụkụ́rụ́ ḅụ sóóró pághámam.

Ẹ́fịsọsapụ 2:12

Anịsáa ma ḅụ, nnị o fófóomam Krais ḅụ, ọmịnị igoniapụ, pịghị Tamuno sẹ́lẹ́akị Izirẹlịapụ ma na oforii, ọmịnị ọḅọọ ma ḅụ dienyẹ nyanagha, Tamuno mini ori a túminị́ pịrịnyẹ ḅụ gbananyẹ, o mịị tuminikiri bie imim, ọ Tamuno nimigha, ọ pịghị tọ́rụ́ dighinyẹ nyanagha.

Ẹ́fịsọsapụ 4:17

Kị́nị́nyánáḅọ ẹrẹ ḅụ, a mịma dugho ọ pịrịm pịghị anị ḅụ sẹ ḅẹ́ ọmịnị Tamuno nímighaapụ ḅara pa duma kọọma, amịna kóróma nyẹ́ḅụ oforighaapụ.

Kolosiapụ 2:4

A mịma dugho ọ pịrịarị gbẹ́rẹ́ḅọ so ḅẹlẹ bịpị nyẹ nụná pa oḅori pa ọ sibịẹgha ḅara.

Hiburuapụ 11:13

Mịnaapụ mamgba fịịm pa mininiarị Tamuno mini n pịrịnyẹ ma nyánaḅogha sọ, kụ́ma ḅọlọanga nnị anị arịm sị anị datéréma warị dughopágháma kị́nị́mamgba tórúku bẹ nnị ọ́ igoniapụ na asọnwángiapụ tuminikiri.

Hiburuapụ 7:18

Olom ólóghó ma n sumaa ngása wárim tegó anị ịnyọ nyanagha pịghị nyẹ́ḅụoforị.

1 Pita 1:20

Tamuno ọ sẹ́lẹ́akịmam na n tuminikiri ma tẹ́mẹ́gha sáá kụ́ma n warị ọmịnị go ọ diepágháma mị kunema sáá ma.