Galesiaapụ 3:15 - Ibani New Testament

¹⁵ Ịyẹa mịnaapụ, a éné gbọrụ mịẹarịnyẹ pa nyẹ pa, o diebẹm; mmẹapụ nyẹ mini sáá, anị gịẹ sua diri bie, ḅara pụnụ; ḅẹ́ mịị anị fịnị bẹ ḅara, gbẹ́rẹ́ḅọ ine anị kaabịgha, anịgha nyẹ sua anị ḅụ.

Galesiaapụ 3:15 ပူးပေါင်းရင်းမြစ်များ

Fịrị Ḅara 1:15

Tọgha dii ḅo ḅọ́rọ́ sáá, mininiapụ ma kóbiri ogbo ḅo kiriakịm, anị ngaa fịnịapụ mamgba túminị́ suene a si, Pita warị sághị si ẹ́gẹ́rẹ́ẹ́

Romapụ 1:13

A dọ́ghụm ḅẹ́ sị o nimi ị́yẹ́ amịnáapụ, ḅẹẹ, tọgha sa a tọmam ḅẹ́ a ḅo ọmịnị arịị, kụ́ma nyẹ sámamgba ị́kíkímam. A dọ́ghụm ḅẹ́ ọmịna ogbobie a mininiapụ nyáná ḅo bẹ ḅara, a nyáná ḅara jẹ́ Juughaapụ ma ogbobie.

Romapụ 3:5

Wa tẹ́ dugho bẹ? Ḅọ́rọ́ wámịna mịẹ irima Tamuno ma karakárá ibiamịẹnyẹ ma die pághámaḅoarị, wamịnị ine dugho bẹ ḅẹ́, Tamuno irimam o fomḅara pa wa fom sa? (A tumḅọ ḅara pa gbilaarị.)

Romapụ 6:19

A éné gonyẹ́ gonyẹ́ ḅụ ọ naarị ẹ́gẹ́rẹ́ pa nyẹ pa o diem ọmịna pologha akanyaḅo gosi. Gbẹ́rẹ́sa biri ọmịnị ọmịna ḅụgbọrụ saghị pa ómóniapụ mịẹ ịlọ́lị duma na ólóghó bịpị pughugha duma pịrịm, anị gbẹ́rẹ́ ḅara ma ọmịnị ọmịna ḅụgbọrụ saghị pa ómóniapụ mịẹ karakárá ibiamịẹnyẹ pịrị, tumḅọ dighi mú tọ́ntọ́ duma bie súúarị nyẹ.

1 Kọrịntịapụ 15:32

A ḅọ́rọ́ pirinama na mgbáa sọmam Ẹ́fịsọs ḅụ anịị túminị́ ḅara ḅụ, a tẹ́ sọnyẹ nyanamaá? Ḅọ́rọ́ fịịapụ ma nnị n saighịma duma bie suabịgha, <>

Galesiaapụ 6:18

Ị́yẹ́ amịnáapụ, wa Nyánáḅọ Jizọs Krais tọ́rụ́kụrụkụ́rụ́ ọmịnị kị́nị́mamgba náa fịnị. Anị ọkọ fịnị.

Hiburuapụ 6:13

Tamuno nyẹ minini Ebraham pịrị sa ọ karakáráma nyẹ mininim ḅẹ́ o minini nyẹ ma ori anị mịẹbẹm. Ọ nẹngịḅọ ófórigha sa, ori ọrẹ ẹ́rẹ́ pa ọḅọọ fịịm,

Hiburuapụ 6:16

Túminị́ ọḅọọ fị sáá, nnị n nẹ́ngị ẹ́rẹ́ pa ọḅọọ ma fị fịịm tumḅọ fị ọ ḅoo ma anị ḅẹ́rẹ́ gonyẹ́ gonyẹ́ pẹ́lẹ́arị nyẹ.

Hiburuapụ 9:17

Tumḅọ diri bie gịẹ kóróma ma ḅara nnị ori ngọ die bẹ ḅara ḅẹnyẹ ḅẹnyẹ ḅụ ofori, anị gịẹḅọ ma pa dumafịnị sa, anị ḅo kiri ákịbẹm diri ma gịẹḅọ ma fịịmaá sa.