Galesiaapụ 3:14 - Ibani New Testament

¹⁴ Krais mịma mịẹm sị Tamuno mini Ebraham pịrị karịibima ma, Juughaapụ ma sọ nyáná ḅo bẹ ḅara Krais Jizọs ḅụ ḅọ́rọ́, anịgo minini ḅụ ḅọ́rọ́ wamịnị ine Tamuno minini Tẹ́mẹ́ ma nyáná ḅo bẹ ḅara.

Galesiaapụ 3:14 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 11:13

Ḅọ́rọ́ ọmịnị sii láa ḅara pa siiapụ nimim ọ mịnị ibinyẹ pa ọmịnị awọ pịrị ḅara, ọmịna sobie Daḅọ ma anịị ori Tọ́ntọ́ Tẹ́mẹ́ pa ọ ḅara biapụ pịrịbịgha ḅọ?>>

Ibi Oku Ma Luk Anị Gịẹ Ḅara 24:49

I ḅụgbọrụ sọ pa ọ fịrịmabẹm i Daá minini ọ pịrịnyẹ. Kụ́ma o kurufịnịbẹm Jerusalem ḅụ sị sobie saghị ḅo kụ́rọ ma kóróḅo ọmịna ọgọ́nọ́.>>

Ibi Oku Ma Jọn Anị Gịẹ Ḅara 7:39

Tẹ́mẹ́ ma anịị ọ ḅẹarị nyẹ ọ ḅụ mininiapụ ma nyáná ḅo bẹnyẹ ọḅụkụ́nọma. Akị ḅo anịsáa ma láa Tamuno na ori Tẹ́mẹ́ ma pịrịgha tegó Jizọs na ori ipine bie sọgha.

Fịrị Ḅara 2:33

Nnị pịghị ọ saghị Tamuno Daḅọ ma amaḅaranga wárịmam, ọ pịghị ọ ḅarabie Tọ́ntọ́ Tẹ́mẹ́ ma daḅomam o minini ḅara ḅụ. Mị́sa ọ mịnị árị pịghị náanyẹ ma ọ́ ori dienyẹ, ọ pa wámịna ḅụ saram.

Fịrị Ḅara 4:12

Ọ ḅụ ngéré anịị wa dụaḅọ́rọ́ma nyáná bẹnyẹ, tuminikiri gbọrụ ḅụ Tamuno na jụghọ pịrịgha wa ḅọ́rọ́ma bẹḅọ.>>

Fịrị Ḅara 5:32

Wamịnị ónyésẹ mịnanyẹ ma pịrịm wamịnị na Tọ́ntọ́ Tẹ́mẹ́, Tamuno pa ori osiapụ ma pịrịnyẹ.>>

1 Kọrịntịapụ 12:13

Anị gbẹ́rẹ́ ḅara ma, wamịnị kị́nị́mamgba ḅọ́rọ́ Juuapụ anịgha Juughaapụ, ómóniapụ anịgha ḅara na nna sịbị nyánáapụ, mị gbẹ́rẹ́ Tẹ́mẹ́ ma mingi pa wa sara mị gbẹ́rẹ́ oju ma ḅụ suumam, Tamuno anị gbẹ́rẹ́ Tẹ́mẹ́ ma pa wamịnị kị́nị́mamgba tẹ́mẹ́bie suamam.

2 Kọrịntịapụ 1:22

Ori anịị ọrẹ ilíghíma suamaá ḅọ wámịna ḅụ, pịghị Tọ́ntọ́ Tẹ́mẹ́ ma pa wa pịrịmaá ḅo wámịna tẹ́mẹ́bie, mịma anị ọ pa wa tẹ́mẹ́kụ́rọma ọ nyáná kóróma wa pịrịnyẹ.

Galesiaapụ 3:16

Mị́sa Tamuno nyẹ mini pa Ebraham na ọ furobie págháḅo nyẹ pịrịm. Tọ́ndiri ma <> ḅẹgha, kuma o furobie Págháḅo ḅọ, mịma dughoarị gbẹ́rẹ́ḅọ ngéré mịị gbẹ́rẹ́ḅọ ma anịị Krais.

Galesiaapụ 3:2

Ọ mịị gbẹ́rẹ́nyẹ ma dugho i pịrị, ọ Tamuno Tẹ́mẹ́ ma nyáná ḅo ólóghó ma warị ḅụ anịgha ibi oku ma náa sị pịghị anị minini ḅụ ḅọ́rọ́.

Galesiaapụ 4:6

Túminị́ árị bẹ ḅara ḅẹ́ ọmịnị mị́sa ori awọọ, Tamuno ọ Tụwọ Tẹ́mẹ́ fịrịmaḅom anị ḅo o bie fịnị. Tẹ́mẹ́ anịị owuarị nyẹ, <>

Ẹ́fịsọsapụ 2:18

Krais ḅụ ḅọ́rọ́ wamịnị kị́nị́mamgba, Juu na Juughaapụ ine Daḅọ ma fịnị angaá ḅobẹm, gbẹ́rẹ́ Tọ́ntọ́ Tẹ́mẹ́ ma ḅụ.

Ẹ́fịsọsapụ 2:22

Ori ḅụ ọmịnị Juughaapụ so, na jẹ́apụ na; nnị ọ nama gbólomaarị gbẹ́rẹ́ angaá, Tamuno ọ Tẹ́mẹ́ ḅụ ngá angaá.

Ẹ́fịsọsapụ 3:16

A tẹ́ghẹ̄arị ḅẹ́ Tamuno opu ngọ nyánáḅọ ori ipine ḅụ, kụ́rọ pa ọ pịrị, ọ Tẹ́mẹ́ ḅụ ḅọ́rọ́ ọmịnị ịnyọsua bẹ ḅara ọmịna tẹ́mẹ́bie.

Ẹ́fịsọsapụ 4:30

Tamuno Tọ́ntọ́ Tẹ́mẹ́ ma biesima ma, Tẹ́mẹ́ ma anịị Tamuno pa ọ ḅụ ilíghíma suanyẹ ḅẹẹ ọmịnị onyẹẹ, ọmịna sẹ́pịrịarị nyẹ ḅẹ́ éné ma ḅobẹm Tamuno ọ dụapághámaḅo bẹnyẹ.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 3:9

Ọ mịnị siinyẹ pa siinyẹ gbẹ́ẹ̄ ma anịgha wirinumo pa wirinumo gbẹ́ẹ̄, anịmanakaragha ọ karịibima pa o wiriapụ gbẹ́ẹ̄. Tegó Tamuno ma osị sa boma anị o minini ọ pịrịnyẹ.