Galesiaapụ 3:1 - Ibani New Testament

¹ Ọmịnị oḅorisọ Galesiaapụ, tụọ diri pa ọ mịẹ? Ọmịna tórúku, anị ọ ḅụ koro ḅẹ́ ḅara, n dugho ọ pịrịm Jizọs Krais ḅara warị fịị ḅara mgbẹsẹ sị́ ọgọnọ.

Galesiaapụ 3:1 ပူးပေါင်းရင်းမြစ်များ

Matiu 24:24

Ḅẹẹ epele Krais na epele ikiakoroapụ págháḅobẹm sị opu ilíghíma na ḅụ́gbérépuma fịrịnwangị pa oḅori pa n sẹlẹakịapụ ma sị, ḅọ́rọ́ nnị ine bẹ.

Matiu 7:26

Kụ́ma mịị ị́yẹ́ ẹ́gẹ́rẹ́ ma náa ḅo gonyẹ́ gonyẹ́ sị anị pa fịrị ḅụ suagha, a n ḅọ pa oḅori wárị namaḅọ na kịkamabẹm, amịna warị namaḅọ onwo ọ́gọ́nọ.

Ibi Oku Ma Luk Anị Gịẹ Ḅara 24:25

Anịsáa Jizọs warị ḅo nnị ḅẹẹ, <

Fịrị Ḅara 16:6

Nnị warị Frigiya na Galesia párángáa ḅọ́rọ́ nna mú nyẹ ma muu, tegó Tọ́ntọ́ Tẹ́mẹ́ ma minigha sị nnị Tamuno ẹ́gẹ́rẹ́ ma dugho wásámáa Esiya ḅẹrẹtọ yọ.

Fịrị Ḅara 6:7

Tọgha tọghaapụ ibi oku ma naam sị minini. Mininiapụ ma kịẹbịpị Jerusalem ḅụ ḅo dụḅam. Tọgha tọgha igwagwaapụ ḅo Krais ḅụ mininim.

Romapụ 10:16

Izirẹlịawọ mamgbagha ibi oku ma daákịmáapụ. Aizaya kọkọ dugho ḅẹẹ, <>

Romapụ 2:8

Kụ́ma nna ḅụ nna ḅụ balaarịapụ sị karakáráma sịghị sị nnị ine irima nyẹ ma mịẹbẹ ḅara, anịapụ ma Tamuno n dighi iganịbẹm sị nna sịbị ḅẹ́rẹ́kọ.

Romapụ 6:17

Kụ́ma wamịnị ịmịẹḅam pa Tamuno ḅẹbẹm! Tegó gbẹ́rẹ́sa biri ọmịnị omoni sọ sii pịrịm, kụ́ma mị́sa ọ nyánáḅọ karakárá dienyẹ ma ọ tẹ́mẹ́ gbọrụ pa anị dughonyẹ mịẹm.

1 Kọrịntịapụ 11:26

Mịma dughoarị ḅẹẹ ị mị fịtúrú ma fị sáá gonyẹ́ gonyẹ́ pịghị mị ọmọngọ ma ḅụ ḅụụ sa gonyẹ́ gonyẹ́ i Kị́nị́nyánáḅọ ma fịị dugho pághámaarị akị mú o ḅo bẹ sáá láa.

1 Kọrịntịapụ 2:2

A ọ́ nana fịnị sáá, a tẹ́mẹ́bie dighim ḅẹẹ a ị́yẹ́ kóróma pa ḅẹnyẹ ḅẹnyẹ ḅụ warịbịgha kụ́ma, Jizọs Krais na pịghị ori fịị, mgbẹsẹ sị́ ma ọ́gọ́nọ.

2 Kọrịntịapụ 10:5

Na opuamịẹnyẹapụ pa asọ mgbẹsẹ karakárá Tamuno nimi ma pịrịnyẹ gonyẹ́ gonyẹ́ nụ́nụ́ kiri gbi, sii kóróma gonyẹ́ gonyẹ́ akị ịkóli ḅụ sua sị anị Krais bịpị pughu bẹ ḅara.

2 Kọrịntịapụ 11:3

A ḅáláfa nyánam, ḅẹ́ ododó ma aka ḅara pa oḅori pa Ivu sị ḅara ọmịna kóróma gbisiribẹm ọmịna Krais ḅẹlẹma na pịghị ọmịnị ọ tẹ́ghẹ̄arị ḅara ḅụ.

Galesiaapụ 1:2

Mịnga fịnị mịná owiapụ mamgba bịpị suam ḅẹẹ, a Galesia bie fịnị Tamuno kubiri ogbo mamgba bii.

Galesiaapụ 1:6

Anị i tọ́rụ́ nẹngịm ḅẹ́ ọmịnị álála Tamuno ma sịghịmam, Krais tọ́rụ́kụrụkụ́rụ́ ḅụ ọ sịḅọ ma sị pịghị jẹ́ oku daákịarị ọ sị nyẹ ḅẹ́ anịị ibi oku ma.

Galesiaapụ 2:14

A árị sa ḅẹ́ nnị ibi oku ma karakárá dua gbụ́nụ́nụ́ asọ nwángịgha, a dugho Pita pịrịm nnị kị́nị́mamgba tórúku, <<Ịrị Juuḅọ kụ́ma ị duma kọarị sọ́ḅọ́rọ́ ịrị Juughaḅọ. I Juuḅọ ḅara pa duma kọghaa. Anịsa, ị tọ́rọ́ pa ine Juughaapụ ma mịẹbẹ sị n duma kọọ sọ́ḅọ́rọ́ nnị Juuapụ?>>

Galesiaapụ 3:3

Ọ tọ́rọ́ pa ọkọfịnị oḅorisọ bẹ ọmịnị Tamuno Tẹ́mẹ́ pa sághịm, ọ sị ḅẹ́ ọmịnị ine ọmịna ịnyọ pa mị duma kọọ mú kunema láa bẹ?

Galesiaapụ 4:9

Mị́sa ọ Tamuno nimimáa sáá (anịgha a dugho bẹ ḅẹ́ Tamuno ọmịnị nimimam) ọ tegósi ọḅụpịrị dọghụ mú kụrọ nyanagha na nyẹ ḅụ ofori tuminikiri táarị tẹ́mẹ́ ma pịrịdọ́ghu. O tégósi mú sima omoni sọ dọghụ?

Galesiaapụ 5:11

Ị́yẹ́ a mịnaapụ, ḅọ́rọ́ ḅẹ́ a pa tọ́ngọ̄ pẹ́lẹ́ mịẹnyẹ gbolomanyẹ dugho wásámaarị n tegósi pa i pa tọ́rụ́siarịmaarị? Ḅọ́rọ́ anịma karakárányẹ, Krais mgbẹsẹ sị́ gboloma sị a dugho wásámaarị nyẹ ma ḅẹ́rẹ́ dighibịgha.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

Ẹ́fịsọsapụ 4:14

Wamịnị awọamaapụ ḅara pa nyẹ mịẹbịgha, oḅori pa kị́nị́ sịarịapụ dienyẹ ma duaarịapụ, dinọngụ nyẹ dighi ḅara pa dighiarị nyẹ na fọ́rụ nyẹ dighi ikelekelearị ḅara, pa dighi ikelekelearị nyẹ. Mịná túminị́ ma jẹ́apụ túlúma irima nyẹ bie suam n tẹ́mẹ́bie págháḅo aka na egberi na ḅụ.

Ẹ́fịsọsapụ 5:15

Anịgosi ọ ḅụẹbị ọkọarị duma ḅara, oḅoriapụ ḅáraghaa kụ́ma nyẹ nimiapụ ḅara.

2 Tẹsalonaikaapụ 1:8

Ọ kọrịfịnị ḅẹ́lẹ̄ pa ḅobẹm sị fom ḅárá pa Tamuno sịghịịapụ ma fom na pịghị Krais Jizọs gboloma ibi oku ma osighaapụ.

1 Timoti 6:4

opuamịẹnyẹ anị n ḅọ sịbị kpórómáarịnyẹ n ḅọ ḅẹnyẹ ḅẹnyẹ nimigha. Nnị kụ́rọ pụghọ nyánam sị nyẹ ḅụ ófórigha nyẹ gosi nyẹ nụná pịghị kam sọọ, mịma warị tẹ́mẹ́ akụ, nụná, wiri núme, si ẹ́rẹ́ pa kị́nị́ sị, sitẹ́mẹ́ biegbáná nyanagha jẹ́apụ ḅụ,

Hiburuapụ 11:8

Minini anị Ebraham mịẹnyẹ sị ọbịpị pughu nyẹ, Tamuno osii sa ḅẹ́ ori ọrẹ sẹ wáriso sị o minini ọ pịrị ama ma mú. Ori ọrẹ ámá warịsom nimigha o muarị anga.

Hiburuapụ 5:9

Nnị o mịẹ kpainma sa, ọ warị anị ḅụ ḅọ́rọ́ gbámásó dụaḅọ́rọ́ma pa ọ dughonyẹ mịẹapụ gonyẹ́ gonyẹ́ pịrị.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 4:17

Sa lámam ḅẹ́rẹ́kọ saghị bẹ sa. Tamuno awọ ma sịbị anịị n saghị ḅẹ́rẹ́kọ bẹnyẹ; anị ḅọ́rọ́ wamịnị na saghị saghị, anị tọrọ́ pa Tamuno ibi oku ma mininighaapụ ma na kunema bẹ.

2 Pita 2:18

Nnị bịpịkpọ na oḅori ẹ́gẹ́rẹ́kọọ kọọm, pịghị ojumẹnị tarịarị siinyẹ ma pa diatughu irima asọ ma bie fịnịapụ ogbobie págháḅoarịapụ pịrị.

Puu Findi 18:3

Sẹ gonyẹ́ gonyẹ́ árị iru ma ḅuumam árị amadọghụ ọfịrị iru ma. Tuminikiri ámányánáapụ ánáná amadọghụm, tuminikiri tuḅokọọapụ a pa ngọ kọọm árị furobịgha ngọ opuma pụghọ tarị ma gosi.>>

Puu Findi 2:20

<