Galesiaapụ 2:7 - Ibani New Testament

⁷ Anịmanakaragha, nnị arịḅom ḅẹ́, ibi oku ma dugho wásáma Juughaapụ ma pịrị fịrị ma nníị sághị i ḅárabie suamam, nnị ibi oku ma dugho wásáma Juuapụ pịrị fịrị ma sághị Pita pịrị ḅara.

Galesiaapụ 2:7 ပူးပေါင်းရင်းမြစ်များ

Fịrị Ḅara 15:12

Túminị́ mamgba mịnị ine ẹ́gẹ́rẹ́gha, nnị Pọl na Banabas náa n dugho págháma sáá, Tamuno n pa nwángịmáa opuma tọ́rụ daa nyẹ na ḅụ́gbérépuma fịrị Juughaapụ ma bie.

Fịrị Ḅara 18:6

Juuapụ ma ọ nana jine jine sáá pịghị wirinumo pa ọ wiri nna ḅẹ́lẹ̄ pa siinyẹ fie ọ pịrị, ori ọ ḅụ suaḅịtẹ́ ḅụ fịnị fọọ gugu kórómam sị warị n ḅẹẹ, <<Ọmịna pulo ọmịna sịbị gbánaá! Irị i ḅara fiafiam. Mị́sa sághị bịpị muu, a Juughaapụ ma dámámubẹm.>>

Fịrị Ḅara 28:28

Pọl dughofamam warị ḅẹẹ, <> [

Fịrị Ḅara 9:15

Kị́nị́nyánáḅọ warị ọ pagharaa: <

Romapụ 1:5

Tamuno Krais ḅụ ḅọ́rọ́ tọ́rụ́kụrụkụ́rụ́ nyáná wa pịrịm sị wa sị ḅẹ́ wamịnị ḅo nfịrịmaapụ sọọ Krais ma ẹrẹ́sị, sị sẹ gonyẹ́ gonyẹ́ ḅụ wa túminị́ daá bẹ ḅara ḅẹ́ nnị ọḅụụ minini pịghị ọ bịpị pughu.

Romapụ 11:13

A ẹ́gẹ́rẹ́kọọ pịrịarị ọmịnị Juughapụ: ịrị ma Juughaapụ ma nfịrịmaḅọ ḅara ma, a ị́yẹ́ fịrị pa bịpịkpọm,

1 Kọrịntịapụ 9:17

A ḅọ́rọ́ i tẹ́mẹ́bie fịrị ma nwángị kị́nị́ i sumagha pa a gbẹ́ẹ̄ nyẹ nyánábẹm; kụ́ma a fịrị ḅara pa anị nwángịm tegó Tamuno mị fịrị ma saghị i pịrịmam ḅẹ́ a anị nwángịị.

Galesiaapụ 1:16

a ine o gboloma ibi oku dugho wásáma bẹ ḅara pa Juughaapụ pịrị, a mangị mú kị́nị́ gbilaghaa a mịẹbẹnyẹ.

Galesiaapụ 1:18

Tẹ́rẹ́ a kụ́rá ḅo ḅọ́rọ́ sáá, anịị a so Jerusalem mú nyẹ mú Pita na irịa, warị ọ nana aningáa jie a dii fịnị.

Galesiaapụ 1:6

Anị i tọ́rụ́ nẹngịm ḅẹ́ ọmịnị álála Tamuno ma sịghịmam, Krais tọ́rụ́kụrụkụ́rụ́ ḅụ ọ sịḅọ ma sị pịghị jẹ́ oku daákịarị ọ sị nyẹ ḅẹ́ anịị ibi oku ma.

Galesiaapụ 2:11

Kụ́ma Pita ḅo Antịọkụ láa sáá, a gbọ ọ tọ́rụ́ suam ḅẹ́ ori irimam.

Galesiaapụ 2:14

A árị sa ḅẹ́ nnị ibi oku ma karakárá dua gbụ́nụ́nụ́ asọ nwángịgha, a dugho Pita pịrịm nnị kị́nị́mamgba tórúku, <<Ịrị Juuḅọ kụ́ma ị duma kọarị sọ́ḅọ́rọ́ ịrị Juughaḅọ. I Juuḅọ ḅara pa duma kọghaa. Anịsa, ị tọ́rọ́ pa ine Juughaapụ ma mịẹbẹ sị n duma kọọ sọ́ḅọ́rọ́ nnị Juuapụ?>>

Galesiaapụ 2:9

Jems, Pita na Jọn kubiri ogbo ma ákịapụ ḅẹ́ nnị sịbịdaapụ arịḅom ḅẹ́ Tamuno mịị opu fịrị ma pa i pịrịmam, nnị ịrị na Banabas ḅara dam, pa die ḅẹ́ wamịnị mamgba fịrị ma nwángị gbólomaarị, n minim ḅẹ́ ịrị na Banabas Juughaapụ ma ogbobie fịrịnwangị, nnị warị Juuapụ ma ogbobie fịrịnwangị.

1 Tẹsalonaikaapụ 2:4

Anịmanakaragha, wamịnị ẹ́gẹ́rẹ́kọarị Tamuno bi ḅara, tegó ọ́ wa daádighiman sị árị ḅo ḅẹ́ ori ine mị ibi oku dugho wásáma pa wa ḅarabie suabẹm. Wamịnị asọ dọghụgha ḅẹ wa túminị́ tẹ́mẹ́ mịẹ ḅẹ́lẹ́maa, kụ́ma Tamuno tẹ́mẹ́ mịẹ ḅẹ́lẹ́maa, anịị wa mịẹarịnyẹ ori ma anịị pịghị wámịna tẹ́mẹ́bie nimiḅo.

1 Timoti 1:11

Anị dienyẹ ma tumḅọ ine anị árịbẹm n sághị i ḅárabie sua ibi oku ma ḅẹ́ ịrị anị dugho wásámáa, ibi oku ma anịị túminí mamgba ḅụ́gbẹ́ Tamuno ipine diepágháma nyẹ.

1 Timoti 2:7

Anịị Tamuno goo i sẹlẹakị sị i fịrịma nyẹ ori oku dugho wásámā ḅọ ḅara na pịghị nfịrịmaḅọ ḅara ḅẹ́, a mịị minini na tụ́manyẹ ma oku ma pa Juughaapụ ma die! A karakárányẹ ma dughoarị a iruo kọgha.

2 Timoti 1:11

Tamuno nfịrịmaḅọ na nyẹ́dieḅọ pa i tọọmam ḅẹ́ a ibi oku ma dugho wásámáa.

2 Pita 3:15

Kị́nị́nyánáḅọ ingịrịma ma ákị, sọ́ḅọ́rọ́ o findi ị pịrị ḅụ́pọ́ ọ pa ḅọ́rọ́ dụaḅọ́rọ́ma nyáná, wámịna ibi mị́naḅọ Pọl, Tamuno pa ọ pịrị níminyẹ pa ábálálá gịẹ ọ fịrịma ḅara.