Galesiaapụ 2:4 - Ibani New Testament

⁴ Karakárányẹ ḅẹ́ jẹ́apụ ọkọ dọ́ghụm, oḅori pa kị́nị́ sịarịapụ sọ́ḅọ́rọ́ nnị sọ mininiapụ, mịnaapụ wámịna ogbobie sọḅom ḅọghu ḅara ḅụ, sị n dọghụ pághámaḅo bẹ ḅara wa nyáná ḅụ́nyana wa ḅo Krais Jizọs na gbẹ́rẹ́nyẹ mịẹ sáá, nnị Juuapụ ólóghó ómóniapụ pa wa mịẹ dọ́ghụm.

Galesiaapụ 2:4 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 5:38

Tụ́ma nnị ịwọ iru pa ịwọ iru suanyẹ bie suabẹm.

Fịrị Ḅara 15:1

Jẹa owiapụ Judiya ákị muu Antịọkụ láa, warị saghị mininiapụ ma die bẹ, nnị ḅọ́rọ́ <>

Fịrị Ḅara 15:24

Wa naam ḅẹ́ wamịnị ḅụ bẹ jẹapụ ḅo ḅụḅáláḅálá pa ọ pịrịmam, pịghị nna ẹ́gẹ́rẹ́ ḅụ ḅọ́rọ́ jẹapụ igánimam. Kụ́ma, wa bịpị pa n pịrị sáá ofori sị nnị n mịẹarịnyẹ ma mịẹ.

Fịrị Ḅara 20:30

Sáá ḅobẹm, jẹa túminị́ ọmịna ogbobie saghị epele tiibẹm sị mininiapụ tọ́rụ́ daa n ḅụ pịrịị.

Romapụ 8:15

Tegó Tamuno pa ọ pịrịmaá Tẹ́mẹ́ ma omoni pa ọ mịẹgha, mịẹsị ọ ḅáláfa bẹnyẹ; anịmanakaragha, Tẹ́mẹ́ ma Tamuno awọ pa ọ mịẹm, pịghị Tẹ́mẹ́ ma kụ́rọ ḅụ ḅọ́rọ́ wamịnị owu Tamuno pịrịarị, <>

2 Kọrịntịapụ 11:13

Mịná owiapụ ma nnị tụ́ma nfịrịmaapụghaa nnị mḅụ pa nfịrịmaapụ sị ḅara, kụ́ma nnị ọkọ fịnịgha, nnị nna fịrị ma pa oḅori pa kị́nị́ sịịarị, nnị nna ḅụ dimam sị túminị́ ḅẹẹ bẹ ḅara ḅẹẹ nnị karakárá Krais fịrịmaapụ.

2 Kọrịntịapụ 11:17

Tụ́manyẹ ḅẹẹ mị́sa a dughoarị nyẹ ma anịị Kị́nị́nyánáḅọ biibẹnyegha ḅẹẹ a dugho; mị bịpịkpọ nyẹ ma oḅoriḅọ ẹ́gẹ́rẹ́ ḅara ma anịị a ẹ́gẹ́rẹ́arị ḅara.

2 Kọrịntịapụ 11:20

Ọmịnị ngịrịma nyáná omoni pa o mịẹapụ pịrịm anịgha ọmịnị mbasịapụ, anịgha dia tuú ọ pịrịapụ pịrịm, anịgha ọ dighi teremáapụ, anịgha pịghị ḅara findi ọ ḅụ́rọ́apụ ọmịna tórúku.

2 Kọrịntịapụ 11:26

Ị́yẹ́ tọgha muunyẹ mamgba ḅụ, a opu mingi tẹ́mẹ́ nain nain ma ḅẹ́rẹ́ ḅụ sọmam, na pịghị furuapụ ḅarabie, a tẹ́mẹ́ nain nain ma ḅụ sọmam i jẹa Juuapụ na pịghị Juughaapụ ḅarabie, tẹ́mẹ́ nain nain opu ama bie, tẹ́mẹ́ nain nain elesiri ḅụ, tẹ́mẹ́ nain nain opu tọ́rụ́ ḅụ, tẹ́mẹ́ nain nain oḅori pa kị́nị́ sị mininiapụ ḅarabie.

2 Kọrịntịapụ 3:17

Mị́sa <> ori anịị Tẹ́mẹ́ ma, Kịnịyánáḅọ Tẹ́mẹ́ ma fịnị angaá gonyẹ́ gonyẹ́ asọ pụ́ma nyẹ oforiofori.

Galesiaapụ 1:7

Jẹ́ ibi oku ofori, a mịma dughoarị tegó jẹ́apụ imi ḅụḅáláḅálá pa ọ pịrịarịapụ n pịghị asọ dọghụ Krais ibi oku ma dima dọ́ghụm.

Galesiaapụ 4:25

Haga sẹ Sainai tụ́ndụ pịrịm Arebiya ḅẹrẹtọ yọ ḅụ, mịma sẹ́ mịmgba éné Jerusalem pịrịm anị na anị túminị́ mamgba omoni ḅụ imii.

Galesiaapụ 4:3

Anịị anị fịnị ḅara wamịnị ịrụ sáá, wamịnị omoni sọ tuminikiri ma táarị tẹ́mẹ́ pịrịm, akị mú wa ḅo sẹnị sa láa tẹ́mẹ́ju.

Galesiaapụ 5:1

Krais ḅụ́nyana pa wa pịrịmam. Mị́sa árị ḅẹ́ ọ ḅụ́nyánáapụ ḅara pa fịnịm. Ọ́mị́nị́ jẹ́ pa ómóni sọ ólóghó ma pịrịma.

Galesiaapụ 5:10

A Kị́nị́nyánáḅọ ḅụ tẹ́mẹ́kụ́rọ nyánam ọ fịnị angaá ḅẹ́ ọ jẹ́ kịrị kóróma nyánábịgha, pịghị ọmịna sịbịbie galagalamarịḅọ ma n ḅọ tẹ́ nyẹ, tẹ́ nyẹ o Tamuno ḅara gbẹ́nyẹ nyánáḅobẹm.

2 Timoti 3:6

Nna ḅụ jẹ́apụ epele ḅara pa túminị́ wárị sọsọm sị nna epele dienyẹ ma pa ḅẹrẹtọ amịna minini kụrọgha ẹ́rẹ́maawọ ma pụ́nụ́ma. Mịná ẹ́rẹ́ámáapụ ma anịị nna sii n tẹ́mẹ́bie ḅẹ́rẹ́si pa n pịrịapụ ofori ofori sị nyẹ pịghị pụghọ tarịarịapụ.

Jems 1:25

Kụ́ma ḅọ́rọ́ ị kikiama túminị́ fiimaarị ólóghó ma dighi sị pịghị sa ngúma anị pịrị, ḅẹgha ḅẹ́ ị anị pughu fama sị warị pa bieḅárámá, kụ́ma anị pa fịrị ḅụ sua, Tamuno ị bomabẹm ị mịẹnyẹ gonyẹ́ gonyẹ́ ḅụ.

1 Pita 2:16

O duma kọọ furoawọ ḅara, kụ́ma ọmịnị ọmịna furoawọ kiri ma pa ọ mịẹarị siiamịẹnyẹ ma gbẹ́ẹ̄ ma. Kụ́ma ọ duma kọọ Tamuno fịrịnwangịapụ ḅara.

2 Pita 2:19

Nnị ḅara na ḅụ nyáná mini mịná túminị́ ma pịrịm, kụ́ma nnị omoni so kị́nị́ḅáa duma pịrịm. Ine tumḅọ sọ́ḅányẹ gonyẹ́ gonyẹ́ anị ḅo omoni sọ anị nyẹ ma pịrịm.

1 Jọn 4:1

Ị́yẹ́ ibi nangwọapụ, ọ tẹ́mẹ́ gonyẹ́ gonyẹ́ minini ma, kụ́ma tẹ́mẹ́ mamgba daádighi pa nimi ḅọ́rọ́ nnị Tamuno ḅara saghị ḅo, tegó tọgha tọgha epele ikiakoroapụ tuminikiri ma sọmam.

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.