Galesiaapụ 2:2 - Ibani New Testament

² A aningáa ma múm tegó, Tamuno ị tọ́rụ́ findim ḅẹ́ a muu. A aningáa fịnị sáá, ngaḅụ, a Tamuno kubiri ogbo ma sịbịdaapụ na ẹ́gẹ́rẹm. Á bim nnị akanyaḅo a dugho wásáma Juughaapụ pịrịarị ibi oku ma, a bigha ị́yẹ́ fịrịị parị sáá, na mị́sa na ḅo papanyẹ sọọ.

Galesiaapụ 2:2 ပူးပေါင်းရင်းမြစ်များ

Matiu 10:16

<

Fịrị Ḅara 15:12

Túminị́ mamgba mịnị ine ẹ́gẹ́rẹ́gha, nnị Pọl na Banabas náa n dugho págháma sáá, Tamuno n pa nwángịmáa opuma tọ́rụ daa nyẹ na ḅụ́gbérépuma fịrị Juughaapụ ma bie.

Fịrị Ḅara 15:2

Pọl na Banabas warị mịma go, nnị na opuma nụná nnị warị Pọl na Banabas na pịghị jẹ́apụ Antịọkụ ḅụ fịnịapụ tọ́ọ ḅẹ́ nnị Jerusalem muu sị muu nfịrịmaapụ ma na sẹnịapụ ma arịị mị ḅẹ́rẹ́ ma go.

Fịrị Ḅara 15:4

Nnị ḅo Jerusalem la sa, mininiapụ ma na nfịrịmaapụ ma na sẹ́nịapụ ma n datérémam mịnaapụ ma anịị nnị Tamuno nnị pa nwángị fịrị mamgba dugho pịrịapụ.

Fịrị Ḅara 18:9

Gbẹ́rẹ́ éné Kị́nị́nyánáḅọ dugho Pọl pịrịm múnogha dáwọ ḅụ ḅẹẹ, <<Ḅáláfama, pa ị dughoarị nyẹ ma dugho, anị ḅụ ḅarasima.

Fịrị Ḅara 23:11

Anị dii ma ḅụ, Kị́nị́nyánáḅọ ma Pọl angásá ḅụ sẹm sị ḅẹẹ, <<Ḅáláfáma! Ị onyẹsẹ́ i pịrịmam mị Jerusalem ḅụ, ị pịghị anị gbẹ́rẹ́ ḅara ma mịẹ i pịrịbẹm Rom ḅụ.>>

Fịrị Ḅara 5:34

Kụ́ma nna ḅụ gbẹ́rẹ́ḅọ Gamalel pa sịḅọ, ólóghó nyẹ́dieḅọ, túminị́ mamgba pịghị opuma osigha pa pịrịḅọ, saghị sẹm ámáḅẹ́rẹ́dughoapụ ma ogboku warị ḅẹẹ, nnị kẹ́lẹ́ nfịrịmaapụ ma pa nụ́ngọ angaá warịị.

Romapụ 9:16

Anịma go, nyẹ gonyẹ́ gonyẹ́ fịnị ḅara, tumḅọ dọghụ ḅáragha anịgha mịẹḅara, kụ́ma Tamuno ma lolomakúkúbie ngéré.

1 Kọrịntịapụ 1:23

Wamịnị ma, wa n ḅaupálị Krais ma dugho wásámaarị, mị oku ma anị Juuapụ iganịmaarị, Juughaapụ ma anị nyẹ ḅụ oforighaa nyẹ sọm;

1 Kọrịntịapụ 2:2

A ọ́ nana fịnị sáá, a tẹ́mẹ́bie dighim ḅẹẹ a ị́yẹ́ kóróma pa ḅẹnyẹ ḅẹnyẹ ḅụ warịbịgha kụ́ma, Jizọs Krais na pịghị ori fịị, mgbẹsẹ sị́ ma ọ́gọ́nọ.

1 Kọrịntịapụ 9:24

Ọ kọkọ nimi ḅẹẹ mangị ti ma ḅụ, tọghaapụ mangịm kụ́ma gbẹ́rẹ́ḅọ anịị dienyẹ ma nyánákịarịḅọ. Anịgosi mangịị sị i dienyẹ ma nyánáakị ḅo bẹ ḅara.

1 Kọrịntịapụ 9:26

Anị a go mangịarị nyẹ ḅẹẹ a mangị mú sịbị láama, a pịghị oḅoli pa fọ́rụ ḅaghuḅọ ḅara pa ḅaghugha.

2 Kọrịntịapụ 12:1

Anị pa i mịẹibi ofori, kụ́ma a pa bịpịkpọbẹm, mị́sa a múnogha ḅụ kọ dáwọ Kị́nị́nyánáḅọ ọ ḅụ gboloma sị ọ pa i dienyẹ.

Galesiaapụ 1:12

A kị́nị́ ḅara anị nyánáḅoghaa, anịgha kị́nị́ anị pa i die, Jizọs Krais ọ ḅara na anị diefindi i pịrịm.

Galesiaapụ 1:16

a ine o gboloma ibi oku dugho wásáma bẹ ḅara pa Juughaapụ pịrị, a mangị mú kị́nị́ gbilaghaa a mịẹbẹnyẹ.

Galesiaapụ 1:6

Anị i tọ́rụ́ nẹngịm ḅẹ́ ọmịnị álála Tamuno ma sịghịmam, Krais tọ́rụ́kụrụkụ́rụ́ ḅụ ọ sịḅọ ma sị pịghị jẹ́ oku daákịarị ọ sị nyẹ ḅẹ́ anịị ibi oku ma.

Galesiaapụ 2:6

Nna ḅụ jẹ́apụ fịnịapụ sọ́ḅọ́rọ́ nnị sịbịdaapụ a mịma dughoarị tegó a jẹ́ kịrịnyẹ arịgha nna ḅụ na pịghị jẹ́apụ ḅụ; Tamuno ọ ḅẹ́rẹ́kọkọgha túminị́ tọ́rụ́ pa árịarị nyẹ ḅụ ḅọ́rọ́. Nna sịbịdaapụ ma ḅụ gbẹ́rẹ́ḅọ sọ nyanagha n ḅárị bẹnyẹ a dugho pághámaarị ibi oku ma ḅụ.

Galesiaapụ 2:9

Jems, Pita na Jọn kubiri ogbo ma ákịapụ ḅẹ́ nnị sịbịdaapụ arịḅom ḅẹ́ Tamuno mịị opu fịrị ma pa i pịrịmam, nnị ịrị na Banabas ḅara dam, pa die ḅẹ́ wamịnị mamgba fịrị ma nwángị gbólomaarị, n minim ḅẹ́ ịrị na Banabas Juughaapụ ma ogbobie fịrịnwangị, nnị warị Juuapụ ma ogbobie fịrịnwangị.

Galesiaapụ 5:7

Ọmịnị ibiḅara pa mangịarị! Tụọ okiki karakárá ma mịẹ ḅụ?

Filipaiapụ 2:16

Ọmịnị duma pịrị oku ma pa n pịrịarị sáá ọ ḅọ́rọ́ ọkọ mịẹmịẹ, a ḅara pụ́nụ́ nyẹ nyánábẹm a goo ọ pa bịpịkpọ ḅẹnyẹ Krais éné ma ḅụ tegó anị diebẹm ḅẹ́ a ịnyọ pa nwángị fịrị mamgba papa faghaa.

Filipaiapụ 2:29

O bieḅẹlẹ ḅụ ọ datérémaa Kị́nị́nyánáḅọ ḅụ minini ḅo ḅara, osigha pa ọ fịnị ḅara fịnịapụ pịrị.

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

2 Timoti 4:7

A ibi owu sọmam, mangị ma a mangị mú sịbị lámam, a pịghị minini ma wárịmam.

Hiburuapụ 12:1

Wamịnị, wa mị tọgha túminị́ nyanam, wa gbiri ikelekelé si onyẹ́sẹ wa pịrịapụ, anịgo anị ibim ḅẹẹ wa pa ngása, warịị wa pụ́nụ́marịnyẹ gonyẹ́ gonyẹ́ na pịghị wa fángálámaarị sii ma, sị wa pịghị ingịrịma nyána si wámịnị ine kụ́rọ́ma si wámịna tórúku fịnị mangị ma mangịị.