Galesiaapụ 2:19 - Ibani New Testament

¹⁹ Anị ólóghó ma gboloma ḅara ḅụ, a fịị ólóghó ma pịrịm sị a duma Tamuno ma pịrịbẹ ḅára.

Galesiaapụ 2:19 ပူးပေါင်းရင်းမြစ်များ

Romapụ 4:15

Ólóghó ma Tamuno igani dighi kórómaarị; kụ́ma ólóghó ma ófórigha angaá, ologho kóró so ofori.

Romapụ 5:20

Nnị ólóghó ma pághámaḅom irima mịẹnyẹ sẹ́nị bẹ ḅara. Kuma siiamịẹnyẹ ḅo sẹ́nị sa, Tamuno tọ́rụ́kụrụkụ́rụ́ warị sẹ́nị anị nẹngịma,

Romapụ 6:11

Anị gbẹ́rẹ́ ḅara ma anị sii gboloma sa ọmịnị ọḅụ arịị ḅẹ́ ọ fịịmam, kụ́ma dumafịnị sị Tamuno na mịẹgbólóma nyáná Krais Jizọs ḅụ ḅọ́rọ́.

Romapụ 6:14

Sii mịnị ọmịna nyánáḅọ sọbịgha, tegó ọmịnị ólóghó ma sughubie ofori kụ́ma tọ́rụ́kụrụkụ́rụ́ bie.

Romapụ 6:2

Ọkọfịnị nyẹ ofori! Wa fịị sii pịrịmam, wa tegósi pa anị bie duma kọ bẹ?

Romapụ 7:14

Wa nimim ḅẹ́ ólóghó ma tẹ́mẹ́ ḅụ imi; kụ́ma irị a Tẹ́mẹ́ ḅụ ofori, nnị pa sii dẹrị ómóniḅọ ḅara.

Romapụ 7:4

Anịị anị pịghị ọ nana fịnị ḅara ị́yẹ́ amịnáapụ, anị ólóghó ma gboloma ḅara ḅụ ọmịnị so ọ fịịmam tegó ọmịnị ma anịị Krais ma oju bẹ gbẹ́rẹ́apụ; ọmịnị anị mị́sa n fịị ḅụ saghịma ḅọ ma nyẹẹ wa sọnyẹ sọ bẹ ḅara Tamuno ma fịrịkiri.

Romapụ 8:2

Tegó, Krais Jizọs ḅụ ḅọ́rọ́, Tẹ́mẹ́ ólóghó ma duma pịrịarịḅọ, i dụaḅọ́rọ́māmám, sii na fịị ólóghó ma ḅárabie.

1 Kọrịntịapụ 10:31

Anịgosi ọ mịẹnyẹ gonyẹ́ gonyẹ́, ḅọ́rọ́ ọ nyẹ́fị anịgha ọ nyẹ ḅụụ, nyẹ gonyẹ́ gonyẹ́ mịẹ Tamuno boma ḅụ.

1 Kọrịntịapụ 9:20

A Juuapụ ma na fịrịnwangịarị sáá, a duma kọọm Juuapụ ḅara sị a ine a ineapụ akuoo Krais pịrịbẹ ḅara; karakárányẹ ḅẹẹ ịrị a Mosis ólóghó ma sughubie ofori a ólóghó ma suughu bie fịnịapụ ḅara pa duma kọọm sị a ine nnị akuoo Krais pịrịị.

2 Kọrịntịapụ 5:15

Ọ fịị kị́nị́mamgba pịrịm, sị dumaapụ mịnị duma nna ḅụ pịrịbịgha, kụ́ma n duma ọ pịrịbẹm, fịị sị pịghị fịị ḅụ saghị ḅo nna sịbị go.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Galesiaapụ 3:10

Kórómáarịapụ ḅẹ́ nnị ine Tamuno na karakárá ḅụ fịnịbẹm ólóghó ma koko ḅụ, mịnaapụ ma sifịla ḅụ anịị nnị duma kọọarị nyẹ. Ḅẹẹ, n gịẹ kórómamam ḅẹ́, si fị́lā fịnị kị́nị́mamgba pịrị, <<Ólóghó Diri ma dughonyẹ mamgba mịẹgha ḅo.>>

Galesiaapụ 3:24

Anịgo ólóghó ma anị wa didighiḅọ, akị mú Krais ḅo sáá láa, sị minini ḅụ ḅọ́rọ́ n wa pa Tamuno na karakárá ḅụ ḅụ fịnị.

Galesiaapụ 6:14

Ịrị ọkụ́ma Tamuno minini ma ḅẹ́ a jẹ́nyẹ pa bịpịkpọ wámịna Nyánáḅọ Jizọs Krais mgbẹsẹ sị́ ma sima, anị ḅụ ḅọ́rọ́ tuminikiri ma fịịmam a fịnị angaá, a pịghị fịịmam tuminikiri ma fịnị angaá.

Kolosiapụ 2:20

Ḅọ́rọ́ ọmịnị Krais na fịịm, si dụapaghama nyáná tuminikiri táarị tẹ́mẹ́ ma ḅụ, o tegósi duma kọarị sọ́ḅọ́rọ́ ọmịnị pa tuminikiri bẹapụ, o tegó mini si mịná ologho ma ọ ḅụ kụ́rọ nyáná?

Kolosiapụ 3:3

O fịịmam gosi, ọmịna duma mị́sa n pa Krais na Tamuno bie ḅọghum.

1 Tẹsalonaikaapụ 5:10

Wa sịbị goo fịị ḅo sị wamịnị ọ nana duma bẹ ḅara, wa fịị o, wa duma o, o ḅoo bẹ sáá.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

1 Pita 2:24

Krais o ḅụgbọrụ wámịna sii ma dighiákịm ori oju mgbẹsẹ sị́ ma ọgọnọ, si wa fịị́ siiamịẹnyẹ pịrị, sị duma karakárányẹ ma pịrị, ori oju kii ḅụ ḅọ́rọ́ anị ọ ḅụ gwọọ nyanamaá nyẹ.

1 Pita 4:6

Anị n go ibi oku ma dugho pa fịịmaapụ ma so pịrịnyẹ n dumafịnị sáá, anị ḅara ma ḅụ, nnị n sịbị ḅẹ́rẹ́kọ bẹ mḅẹ́so tuminikiri nnị mịẹnyẹ ḅụ, n kị́nị́mamgba sịbị ḅẹ́rẹ́kọ ḅara. Nnị dumabẹm tẹ́mẹ́ju Tamuno ma dọghụ ḅara.