Galesiaapụ 1:6 - Ibani New Testament

⁶ Anị i tọ́rụ́ nẹngịm ḅẹ́ ọmịnị álála Tamuno ma sịghịmam, Krais tọ́rụ́kụrụkụ́rụ́ ḅụ ọ sịḅọ ma sị pịghị jẹ́ oku daákịarị ọ sị nyẹ ḅẹ́ anịị ibi oku ma.

Galesiaapụ 1:6 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 6:6

Anị opuma ọ tọ́rụ́ nẹngịm ḅẹ́ túminị́ ma minini nyanagha. Anịsáa Jizọs warị nna káláama angaá ma muu sị nyẹ́ pa túminị́ ma diearị.

Ibi Oku Ma Jọn Anị Gịẹ Ḅara 9:30

Owitụ́wọ ma warị n pagharaa ḅẹ́, <

Fịrị Ḅara 15:11

Ọkọ fịnịgha, anịma karakáragha, wa mininim ḅẹ́ wa dụaḅọ́rọ́ma nyánábẹm wámịna Nyánáḅọ Jizọs Krais tọ́rụ́kụrụkụ́rụ́ ḅụ ḅọ́rọ́, nnị sọ pịghị anị gbẹ́rẹ́ ḅara ma dụaḅọ́rọ́ma nyáná bẹ ḅara.>>

Romapụ 10:3

Nnị Tamuno ḅara saghị ḅo karakárá ibiamịẹnyẹ ma nimigha sa warị asọ dọghụ nna nganyẹ pụ́úpágháma ḅo, anị ḅara ma nnị mịnị sịbị tughú Tamuno ma karakárá ibiamịẹnyẹ pịrịgha.

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Romapụ 8:28

Wa nimim bẹnyẹ gonyẹ́ gonyẹ́ ḅụ Tamuno ibinyẹ mịẹ ọ ḅẹlẹmaapụ pịrịpịrịm, ọ sịị́apụ ọ mịẹ dọghụnyẹ gosi.

Romapụ 8:30

Anịgo Tamuno fófóoma wárịapụ, ori na nnị na ọ pịghị ori ipine ma pa n ḅụ sarám.

1 Kọrịntịapụ 4:15

Ḅọ́rọ́ Krais bie, ọ túminị́ gbẹ́rẹ́ pughu na sọ́nọ́a ndẹ́ẹ nyanam dighidighiapụ ḅara, ọ tọgha daapụ nyanagha Krais Jizọs ḅụ, a dugho wásáma ọ pịrị ibi oku ma ḅụ ḅọ́rọ́ a daá sọ ọ pịrịmam.

2 Kọrịntịapụ 11:4

A mịma dughoarị tegó a arịḅom bẹ ḅọ́rọ́ kị́nị́ ọdámáḅom warị jẹ́ Jizọs dugho wásámáa, wamịnị na dugho wásámagha ḅọ, anịgha ọ jẹ́ tẹ́mẹ́ daákịm kịrịnyẹ parị ọ daakị nyẹ ma ḅụ, anịgha kịrị ibi oku na ọ daákịgha nyẹ, ọ ḅụ tẹ́lẹ́ma nnị daákịbẹm.

2 Kọrịntịapụ 2:17

Wamịnị wa isi tọghaapụ fịnị ḅara fịnịgha, Tamuno oku ma pa fẹ́ dẹrị sị sọnyẹ mịẹ, kụ́ma Tamuno wa fịrịmamam gosi, ọrẹ fịrịnwangịapụ ḅara, wa karakárá ḅara pa ẹ́gẹ́rẹ́ ma kọọm Tamuno tórúku.

Galesiaapụ 1:11

O kúru a dugho ọ pịrị ị́yẹ́ a mịnaapụ, a dugho wásámaarị ibi oku ma kị́nị́ ḅara sághị ḅogha.

Galesiaapụ 1:15

Tamuno ọrẹ tọ́rụ́kụrụkụ́rụ́ ḅụ tarị i sẹ́lẹ́akịm nịị nnị i yiigha sa ḅẹ́ a ḅo fịrịnwangị ọ pịrị. Ọ dọghụ sa ḅẹ́ ori ọ Tụ́wọ ma pa i die

Galesiaapụ 1:7

Jẹ́ ibi oku ofori, a mịma dughoarị tegó jẹ́apụ imi ḅụḅáláḅálá pa ọ pịrịarịapụ n pịghị asọ dọghụ Krais ibi oku ma dima dọ́ghụm.

Galesiaapụ 2:14

A árị sa ḅẹ́ nnị ibi oku ma karakárá dua gbụ́nụ́nụ́ asọ nwángịgha, a dugho Pita pịrịm nnị kị́nị́mamgba tórúku, <<Ịrị Juuḅọ kụ́ma ị duma kọarị sọ́ḅọ́rọ́ ịrị Juughaḅọ. I Juuḅọ ḅara pa duma kọghaa. Anịsa, ị tọ́rọ́ pa ine Juughaapụ ma mịẹbẹ sị n duma kọọ sọ́ḅọ́rọ́ nnị Juuapụ?>>

Galesiaapụ 2:2

A aningáa ma múm tegó, Tamuno ị tọ́rụ́ findim ḅẹ́ a muu. A aningáa fịnị sáá, ngaḅụ, a Tamuno kubiri ogbo ma sịbịdaapụ na ẹ́gẹ́rẹm. Á bim nnị akanyaḅo a dugho wásáma Juughaapụ pịrịarị ibi oku ma, a bigha ị́yẹ́ fịrịị parị sáá, na mị́sa na ḅo papanyẹ sọọ.

Galesiaapụ 2:5

Gbẹ́rẹ́ kịsị kálá sa sọ, wa n dughoarị nyẹ puugha. Wa ibi oku ma karakárá kokowarị ọ pịrịbẹ ḅara.

Galesiaapụ 2:7

Anịmanakaragha, nnị arịḅom ḅẹ́, ibi oku ma dugho wásáma Juughaapụ ma pịrị fịrị ma nníị sághị i ḅárabie suamam, nnị ibi oku ma dugho wásáma Juuapụ pịrị fịrị ma sághị Pita pịrị ḅara.

Galesiaapụ 5:14

Ólóghó mamgba gbẹ́rẹ́nyẹ dughoarị, <>

Galesiaapụ 5:4

Ọmịnị ólóghó ma koko ḅụ ḅọ́rọ́ Tamuno na karakárá ḅụ fịnị dọghụapụ, ọmịnị ọmịna ḅụ fófóomámam Krais ḅụ, ọ Tamuno ma tọ́rụ́kụrụkụ́rụ́ ḅụ sóóró pághámam.

2 Tẹsalonaikaapụ 2:14

Tamuno ọ sị mịma bie suam wa dugho wásáma ibi oku ma ḅụ ḅọ́rọ́; ori ọ sim ḅẹ́ o ḅo ọmịna diekiri akịị wámịna Nyáná ḅo Jizọs Krais ipine ḅụ.

1 Timoti 1:14

Wámịna Nyáná ḅo pịghị opuma ori tọ́rụ́kụrụkụ́rụ́ pa opuma ịḅụ sara wásámam. Ọ Krais Jizọs ḅara saghị ḅo minini na ḅẹlẹma pa i pịrị bimam.

1 Timoti 1:3

A bim ḅẹ́ ịrị Ẹ́fịsọs ḅụ fịnị, a dugho ị pịrị ḅara ma a Masidoniya múuarị sáá. Jẹa túminị́ Ẹ́fịsọs ma ḅụ iruonyẹ anịị nnị diearịnyẹ, asọ dọghụ sị n kikii.

2 Timoti 1:9

O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

2 Timoti 2:1

Mị́sa, irị i tụwọ, sẹ kụ́rọọ́ wa Krais Jizọs ḅụ nyáná tọ́rụ́kụrụkụ́rụ́ ḅụ ḅọ́rọ́.

1 Pita 1:15

Mịma na karagha, ọ tọ́ntọ́ ḅụ fịnị omiẹarị nyẹ gonyẹ́ gonyẹ́ ḅụ, ọ sịị Tamuno ma sọ tọ́ntọ́ ḅụ fịnị ḅara.

2 Pita 1:3

Tamuno ori kụ́rọ ḅụ ḅọ́rọ́, wa binyẹ gonyẹ́ gonyẹ́ pa wa pịrịmam mịẹsị wamịnị ine kuu pa Tamuno pịrịbẹ duma kọọ. Ori wa sịḅọ ma ori ipine na ori ibi ḅụ ḅọ́rọ́ mịnanyẹ ma pa wa pịrịm wamịnị ori ma nimi ḅụ ḅọ́rọ́.

Puu Findi 22:21

Kị́nị́nyánáḅọ Jizọs tọ́rụ́kụrụkụ́rụ́ kị́nị́mamgba na fịnịị. Anị ọkọ fịnịị.