Galesiaapụ 1:4 - Ibani New Testament

⁴ Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara.

Galesiaapụ 1:4 ပူးပေါင်းရင်းမြစ်များ

Matiu 13:22

Nangi ḅụ sóórókoro sịmgbọ́lụ ma anịị oku ma naapụ, kụ́ma mịị tuminikiri ma ḅụḅáláḅálá ma pịghị ngọ oḅori pa kị́nị́ sị, anị kpepumam, mịẹsị anị ine sịmgbọ́lụ suagha.

Matiu 20:28

Anị gbẹ́rẹ́ ḅara ma Tumḅọ yii Tụ́wọ ma ḅogha ḅẹ nnị fịrịnwangị ọ pịrị, kụ́ma ori fịrịnwangị kị́nị́ pịrị sị ori duma pa tọghaapụ sịbị sáá gbẹm.>>

Matiu 26:28

Mịị ị́yẹ́ ọmbịnyẹ́ ma, nnị pa Tamuno na ori a túminị́ na fị ọḅọọ ma mịẹ kárámá nyẹ, nnị ọsụ sara tọghaapụ pịrịm sị n pa siiḅụḅarasipịrị nyáná.

Matiu 26:42

Ori mmẹẹ́ kárámá sáá pa nnị warisom sị muu tẹ́ghẹ̄, <>

Matiu 6:9

Mịị ḅara ma anịị ọ tẹ́ghẹ̄ bẹ ḅara: <<

Ibi Oku Ma Mak Anị Gịẹ Ḅara 10:45

Ḅẹẹ Tumḅọ yii Tụ́wọ ma sọ ḅogha ḅẹẹ túminị́ fịrịnwangị ọ pịrị, o ḅoo fịrịnwangị túminị́ pịrịm, pịghị ori duma pa pịrị sị túminị́ dụaḅọ́rọ́ma.>>

Ibi Oku Ma Luk Anị Gịẹ Ḅara 22:19

Ọ warị pịghị fịtúrú mpara akị warị imiẹḅa pa Tamuno ḅẹẹ, warị anị puu n pịrị ḅẹẹ, <>

Ibi Oku Ma Luk Anị Gịẹ Ḅara 22:42

Warị ḅẹẹ, <>

Ibi Oku Ma Jọn Anị Gịẹ Ḅara 10:11

<

Ibi Oku Ma Jọn Anị Gịẹ Ḅara 12:31

Mị́sa anịị nnị mịị tuminikiri ḅụ ḅẹ́rẹ́kọ bẹnyẹ; mị́sa mịị tuminikiri táarịḅọ nnị o dee pághámabẹm.

Ibi Oku Ma Jọn Anị Gịẹ Ḅara 5:30

Ị́yẹ́ kụrọ ḅụ a ine ḅẹnyẹ ḅẹnyẹ mịẹbịgha; a náaḅara anịị a ḅọ́rọ́ ḅẹ́rẹ́kọarị ḅara ị́yẹ́ ḅẹ́rẹ́kọ pịghị karakáram, ḅẹẹ a asọ dọghụgha ḅẹẹ a ịḅụ ḅẹlẹma bẹnyẹ mịẹ, kụ́ma i fịrịma ḅọ ma bieḅẹlẹma bẹnyẹ.

Ibi Oku Ma Jọn Anị Gịẹ Ḅara 6:38

Ḅẹẹ a sobie kóróḅomam, irị binyẹ mịẹ ḅugha kụ́ma i fịrịmaḅọ ma binyẹ.

Romapụ 1:7

Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Romapụ 4:25

Wámịna sii gosi nnị ọ saghị fịị ḅarabie suam warị pịghị duma ḅụ ọ saghịma, sị ọ wa pa Tamuno na karakárá ḅụ warị bẹ ḅara.

Romapụ 8:27

Tamuno ma wámịna tẹ́mẹ́bie arịarịḅọ, nimim Tẹ́mẹ́ ma kóróma; tegó Tẹ́mẹ́ ma oria túminị́ sịbị go Tamuno ma tẹ́ghẹ̄arị, ori Tamuno ma tọ́warị ḅara ḅụ.

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

Romapụ 8:32

Ori ọ Tụwọ ma ọlọ ọ ḅụ pịrịghaḅọ, kụ́ma ọ saghị pa wamịnị kị́nị́mamgba pịrịm. Ọ pịghị ọ ḅụ ḅọ́rọ́ ḅara findi nyẹ́ gonyẹ́ gonyẹ́ pa wa pịrịbịgha?

1 Kọrịntịapụ 15:3

A dáaḅonyẹ a ḅọ́rọ́ma ọ pịrịmam parị nyẹ́la ḅa nyẹ ḅara, ḅẹ́ Tọ́ndiri ma dugho ḅara ḅẹẹ, Krais wa sịbị go fịm,

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Galesiaapụ 6:14

Ịrị ọkụ́ma Tamuno minini ma ḅẹ́ a jẹ́nyẹ pa bịpịkpọ wámịna Nyánáḅọ Jizọs Krais mgbẹsẹ sị́ ma sima, anị ḅụ ḅọ́rọ́ tuminikiri ma fịịmam a fịnị angaá, a pịghị fịịmam tuminikiri ma fịnị angaá.

Ẹ́fịsọsapụ 1:11

Nyẹ gonyẹ́ gonyẹ́ nnị anị mịẹm Tamuno tọ warị ḅara; na ọ dọghụ ḅara na, Tamuno pịghị wa sẹ́lẹ́akị pa onye mịẹm Krais ḅụ ḅọ́rọ́, ọ mịẹ dọghụnyẹ go, ọ pịghị tọ warị ḅara sughu saghị sáá ma ḅụ.

Ẹ́fịsọsapụ 2:2

Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

Ẹ́fịsọsapụ 5:16

Yẹ́ asọ nyáná sa gonyẹ́ gonyẹ́ pa ibifịrị nwángị tegó sáá ma sii sáá.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Filipaiapụ 4:20

Boma fịnị wámịna Tamuno Daḅọ pịrị mú ḅẹsá ḅẹsá láa! Anị ọkọ fịnịị.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 3:11

Tamuno wámịna Daḅọ ma na wámịna Nyánáḅọ Jizọs asọ findi wa pịrị wa ọ fịnịnga ḅoo!

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

1 Timoti 2:6

ọ ḅụ pa pịrịḅọ túminị́ mamgba dụaḅọ́rọ́ma goo. Mịma anị Tamuno pa tuminikiri gbọrụ fịrịma oku ma anị karakárá sáá ma ḅụ.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 2:5

Tamuno náa sookumuapụ ma pa ḅoarị ịwọ tuminikiri ma taa ḅẹapụ mịẹgha, anịị wa ḅẹarị tuminikiri ma.

Hiburuapụ 6:5

Nnị ḅara na árịnyẹ ḅụ n nimim bẹ Tamuno ẹ́gẹ́rẹ́ ma ibim, n pịghị ḅoarị sa ma kụ́rọ nimimam.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

Jems 4:4

Ọmịnị ine Tamuno na sẹghaapụ, o nimigha ḅẹ́ tuminikiri ma na nangwọ sọọ anịị Tamuno na iruonaḅọ mịẹ? Dọghụḅọ gonyẹ́ gonyẹ́ ḅẹ́ n ḅọ tuminikiri na nangwọ sọọ, Tamuno iruonaḅọ sọmam.

1 Pita 2:24

Krais o ḅụgbọrụ wámịna sii ma dighiákịm ori oju mgbẹsẹ sị́ ma ọgọnọ, si wa fịị́ siiamịẹnyẹ pịrị, sị duma karakárányẹ ma pịrị, ori oju kii ḅụ ḅọ́rọ́ anị ọ ḅụ gwọọ nyanamaá nyẹ.

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

1 Jọn 2:2

Krais, ọḅụ anị wa ḅọ́rọ́ sị siiḅụḅarasipịrị nyánáarị nyẹ, wámịna sii ngéréghaa, kụ́ma tuminikiri gbọrụ sii.

1 Jọn 3:16

Mịị ḅara ma anịị wa ḅẹlẹma pa sị nyẹ nimibẹnyẹ: ḅẹ́ Krais ori duma pa igwagwaá wa pịrịm, wamịnị so wámịna duma pa igwagwaá mịnaapụ ma pịrị.

Puu Findi 1:5

Na pịghị Jizọs Krais ḅara, karakárá onyésẹ̄ḅọ ma, parị fịị ḅụ saghị ḅọ ori anịị pịghị tuminikiri ámányánáapụ ma táarịḅọ. Ọ wa ḅẹ́lẹ́mam, ori ọrẹ ọmbịnyẹ́ pa wa dụaḅọ́rọ́māmám wámịna sii ḅụ.

Puu Findi 5:9

Nnị ịwọ núme sum ḅẹẹ: <

Puu Findi 7:9

Mịma ḅọ́rọ́ sáá, a dighim warị tọgha tọgha túminị́ arịị tumḅọ ine kịẹbịgha túminị́! Tọ́rụ́kịrịkị́rị́ túminị́, ọrụ ọrụ ọrụ, sẹ sẹ sẹ ḅụ na pịghị ẹ́gẹ́rẹ́ bịpị ḅụ! Nnị pị́na koro bịtẹ suam sị Ánáná Tụwọ ma tórúku sẹ́fịnịarị na pịghị imine ma tórúku n pịghị dim ḅara ọlọm n ḅárabie.