Fịrị Ḅara 5:5 - Ibani New Testament

⁵ Ananayas mịma náa gbẹ́rẹ́kiri anịị o sóóro kóró fịịnyẹ; naáapụ gonyẹ́ gonyẹ́ ḅáláfa nna ḅụ sọm.

Fịrị Ḅara 5:5 ပူးပေါင်းရင်းမြစ်များ

Fịrị Ḅara 13:11

Kị́nị́nyánáḅọ ḅara ịḅụ kóróbẹm mị́sa, ị tọ́rụ pụụbẹm ị mịnị pịghị ịrụa baá ma arịbịgha mị kálá sáá tụwọ.>> Anị gbẹ́rẹ́kiri itita na kánákáná ọ tọ́rụ́ ma gbẹm, ọ warị saghị ikelekelé kị́nị́ dọghụarị ḅara ḅụ ori ọlọọ bẹḅọ.

Fịrị Ḅara 2:43

Tọgha ḅụ́gbérépuma fịrị na ḅụ́gbérépuma nyẹ anịị kiriakịnyẹ nfịrịmaapụ ogboku, ḅáláfa na osigha ḅo túminị́ ma ḅụ sọm.

Fịrị Ḅara 5:13

Nna ogbobieḅọgha ḅọ, ine kobiri ma sọḅogha, tụ́manyẹ ḅẹẹ túminị́ nna ibi gooarị.

1 Kọrịntịapụ 4:21

I tẹ́ angaá nyẹ ḅẹlẹma? Ị́yẹ́ ḅoo ma a fom nyẹ́ akuoo anịgha ḅẹlẹma na diin tẹ́mẹ́?

2 Kọrịntịapụ 13:10

Anịị a go mị diri ma gịẹnyẹ a ọmịna ḅụ ḅọlọanga fịnị sáá; sị a ḅo láabẹ sáá, a mịnị kụ́rọ na ọmịnị na mịẹbịgha ḅara. Kị́nị́nyánáḅọ mịị kụ́rọ ma pa i pịrị pa ọ mịẹ sẹnịmaa, pa ọnụ́nụ́ka bẹ nyẹ́gha.

2 Kọrịntịapụ 13:2

A ọ birinụ́nụ́ dọ́ghụm ọmịnị ḅọ́rọ́maa sa siinyẹ mịẹapụ, na pịghị jẹ́apụ jẹ́apụ, a parị ḅo sáá a anị gbolomanyẹ dughom, ị́yẹ́ mmẹẹ́ kárámá ḅo, a pịghị sima anị dughobẹm mị́sa a mịnga ofori sáá: ḅẹ́ a jẹ́ pa ḅo bẹ sáá fomḅara ọ gbarịbịgha.

2 Kọrịntịapụ 7:11

Dighi Tamuno ọmịna biesii ma pa mịẹnyẹ, anị mịẹsị ọ saghị nyẹ́ pa nyẹ́ simam anị ọ pụghọ tárịarị ḅara ḅẹẹ o die ḅẹẹ ọmịna ḅara fiafiam, ọkọfịnị igani, ọkọfịnị silé ọkọfịnị pụghọ tárịarị nyẹ, ọkọfịnị fịrịnwangị ịnyọ, ọkọfịnị tọ́rụ́ pa siiarịma irima nyẹ pịrị. Nyẹ gonyẹ́ gonyẹ́ ḅụ ọmịnị ọmịna ḅụ diemam ḅẹẹ irima ọmịna ḅụ ofori ḅẹ́rẹ́ mamgba ḅụ.

Puu Findi 11:13

Anị gbẹ́rẹ́ sáá ma ḅụ opu kirijighe warị kiri ákị; opuámá ma pa oyia kiri die gbẹ́rẹ́ angaá gulugulum n warị pịghị túminị́ tẹ́rẹ́ faá sị a ndẹ́ẹ na oyia si ḅáa. Kọọapụ ḅáláfa ḅoo nna ḅụ bẹ sọọm n warị sobie Tamuno ma opu túmíní.

Puu Findi 11:5

Ḅọ́rọ́ nyẹ pa n láama bi ḅo fịnịfịnị, fịnị nna bịpịbie sághị págháḅobẹm sị nna iruonaapụ gulugulumabẹm. Mịị ḅara ma nyẹ pa n lama biḅọ gonyẹ́ gonyẹ́ nnị nḅọ ḅáabẹm.