Fịrị Ḅara 5:41 - Ibani New Testament

⁴¹ Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.

Fịrị Ḅara 5:41 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 6:22

Karịiḅi fịnị ọ pịrị túminị́ ọ dighi tọ́rụ́akụ sáá, sị o kịẹ sị, pịghị okombo pịghị o wiri ḅẹẹ, ọmịnị sii túminị́ tegó ọmịnị Tumḅọ yii Tụwọ ma duam gosi.

Ibi Oku Ma Jọn Anị Gịẹ Ḅara 15:21

Mịị ḅara ma anịị n pa ọ mịẹbẹnyẹ ị́yẹ́ ẹrẹ ma gosi, tegó nnị i fịrịma ḅọ ma nimigha.

Fịrị Ḅara 21:13

Kuma ọ wa pagharam ḅẹẹ, <<Ọ tegósi owu i tẹ́mẹ́ nainnainmaarị? Ḅẹẹ a tẹ́lẹ́mámam ḅẹẹ ịkóli ngéréghaa nnị i pa suabẹnyẹ; kụ́ma pịghị fịị Jerusalem ḅụ Kị́nị́nyánáḅọ Jizọs ma ẹrẹ́sị.>>

Fịrị Ḅara 5:21

Nfịrịmaapụ ma sookumuḅọ bịpị pughum, éné ḅa nyẹ ma nnị warị Tamunowarị ma sọ sị sághị nyẹ die. Igwagwaalaḅọ ma na oria túminị́ na warị Izirẹlị sẹ́nịapụ ma sị kobiri sị kubiri ogbo ma bịpị pa ogbo sua, warị bịpị fịrịma ḅẹẹ nnị ịkóli ma bie nfịrịmaapụ pa nna tórúku ḅoo.

Romapụ 5:3

Anị ḅara ma ngéréghaa kụ́ma wa pịghị dụrụkụ tọ́rụ́siarị pịrịm, tegó wa nimim ḅẹ́ tọ́rụ́siarị mịẹm tumḅọ ngịrịma nyáná,

2 Kọrịntịapụ 12:10

Anịgo, Krais sịbị go i bieḅẹlẹm ị́yẹ́ tẹ́mẹ́ oḅuu ḅụ, wirinumo daa, ḅụ́kụro árị, tọ́rụ́siarị arịị, ḅụḅáláḅálá arịị, Krais gosi. Ḅẹẹ i tẹ́mẹ́ oḅuu sáá, anịsáa anịị a kụrọnyẹ.

Filipaiapụ 1:29

Nnị mị tọ́rụ́kụrụkụ́rụ́ ma pa i pịrịmam ọ ḅụ ngéré minini ngéréghaa kụ́ma pịghị tọ́rụ́siarị ọ pịrị.

Hiburuapụ 10:34

Ọ pịghị ikólinaapụ dua tọ́rụ́siarịm nnị pịghị ọmịna ngọ kaakị sa, ọ pịghị bieḅẹlẹ ḅara pa ọmịna faá ma akịm, tegó o nimim ḅẹ́, ọmịna nyẹ ma nẹ́ngị nyẹ nyánam, pịghị fịnị mú gbámásó láa ḅẹnyẹ.

Hiburuapụ 12:2

Wamịnị wámịna tọ́rụ́ pa Jizọs ḅụ gbánā, wámịna minini ḅára fịnịḅọ, saghị sị mú kunema la. Ori ọḅụ daagha mgbẹsẹ sị ma go, kụ́ma tórúku fịnị o kuruarị bieḅẹlẹ gosi, ori ingịrịma nyáná mgbẹsẹ sị ma pịrịm, ori mgbẹsẹ sị́ ọgọ́nọ́ fịị ma ḅụ́gịrịrị balagha. Mị́sa ọ Tamuno imine ma ámáḅara ngá kpọrọfịnịarị.

Jems 1:2

Ḅẹ́ anị o bieḅẹlẹma, tọ́rụ́kịrịkị́rị́ daádighi ọmịna asọ mgbẹsẹ sa.

3 Jọn 1:7

Nnị muarịnyẹ ma muarị Krais fịrị ma gosi, ḅárásua pịrị daákịgha ḅụ mininighaapụ ma ḅarabie.