Fịrị Ḅara 5:34 - Ibani New Testament

³⁴ Kụ́ma nna ḅụ gbẹ́rẹ́ḅọ Gamalel pa sịḅọ, ólóghó nyẹ́dieḅọ, túminị́ mamgba pịghị opuma osigha pa pịrịḅọ, saghị sẹm ámáḅẹ́rẹ́dughoapụ ma ogboku warị ḅẹẹ, nnị kẹ́lẹ́ nfịrịmaapụ ma pa nụ́ngọ angaá warịị.

Fịrị Ḅara 5:34 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 2:46

Tẹ́rẹ́ kárámá éné, n ḅo ori arịm Tamunoopuwarị ma bie ori na Juu nyẹ́dieapụ na kpọrọfịnị sị nnị pughu, pịghị nyẹ́ pa n gbilaarị.

Ibi Oku Ma Luk Anị Gịẹ Ḅara 5:17

Gbẹ́rẹ́ éné Jizọs nyẹ́diearị sáá jẹa Farisiiapụ na ólóghó nyẹ́dieapụ anị ngaa kpọrọfịnịarị, Galili na Judiya na pịghị Jerusalem ḅụ fịnị ama gbọrụ ma ḅụ saghị ḅoapụ. Gbámásóḅọ ma sọ kụrọ pa Jizọs pịrịm sị ọ pa obi gwọọ.

Ibi Oku Ma Jọn Anị Gịẹ Ḅara 3:10

Jizọs dughom, Ịrị kọkọ Izirẹlịapụ nyẹ́dieḅọ sị mịnanyẹ ma akanyaḅogha?

Fịrị Ḅara 22:3

<<Ịrị Juuḅọ, Tasọs, Silisiya bie fịnịnyẹ ḅụ anịị nnị ị yii angaá. Jerusalem ḅụ anịị nnị ị dighi pághámaḅo nyẹ, Gamalel ḅụọ sughu anịị a pịghị nyẹ dáwọnyẹ. Nnị ibiḅara pa wámịna tádọ́apụ ólóghó ma pa i diem, a pịghị ibiḅara pa Tamuno ma tẹ́ghẹ̄arị, ọmịnị mịnga fịnịapụ ma mịmgba ọ tẹ́ghẹ̄arị ḅara.

Fịrị Ḅara 4:15

Nnị warị n ḅẹẹ nnị ámáḅẹ́rẹ́dughoapụ kobiri yọ ma wárịso, n warị saghị bịpị pa ogbo sua ḅẹẹ,

Fịrị Ḅara 5:21

Nfịrịmaapụ ma sookumuḅọ bịpị pughum, éné ḅa nyẹ ma nnị warị Tamunowarị ma sọ sị sághị nyẹ die. Igwagwaalaḅọ ma na oria túminị́ na warị Izirẹlị sẹ́nịapụ ma sị kobiri sị kubiri ogbo ma bịpị pa ogbo sua, warị bịpị fịrịma ḅẹẹ nnị ịkóli ma bie nfịrịmaapụ pa nna tórúku ḅoo.

Fịrị Ḅara 5:27

Nnị nfịrịmaapụ ma akuom warị n mịẹsị nnị sẹ ámáḅẹ́rẹ́dughoapụ tórúku, sị opu Igwagwaaḅọ ma nyẹ pa n gbíla.

Fịrị Ḅara 5:35

Ọ warị ḅẹẹ, <<Ị́yẹ́ ama Izirẹlịapụ, ọ ḅáláfa nyáná ọ pa mịnaapụ ma mịẹarịnyẹ.