Fịrị Ḅara 5:21 - Ibani New Testament

²¹ Nfịrịmaapụ ma sookumuḅọ bịpị pughum, éné ḅa nyẹ ma nnị warị Tamunowarị ma sọ sị sághị nyẹ die. Igwagwaalaḅọ ma na oria túminị́ na warị Izirẹlị sẹ́nịapụ ma sị kobiri sị kubiri ogbo ma bịpị pa ogbo sua, warị bịpị fịrịma ḅẹẹ nnị ịkóli ma bie nfịrịmaapụ pa nna tórúku ḅoo.

Fịrị Ḅara 5:21 ပူးပေါင်းရင်းမြစ်များ

Matiu 5:22

Kụ́ma a dugho ọ pịrịarị amịna mị́naḅọ dighi bieoḅu ḅọ gonyẹ́ gonyẹ́ ḅẹ́rẹ́kọ siri tórúku sẹ́bẹm, pịghị jẹ́nyẹ, amịna mị́naḅọ owiḅọ ḅẹḅọ, <Ịrị oforioforị tumḅọ,> Juuapụ ámáḅẹ́rẹ́dughoapụ ma dáabẹm. Kụ́ma kị́nị́ ḅẹ́ ḅo, <Ịrị oḅoriḅọ!> ẹ́kpẹ́duaama kọrịfịnị bie sọbẹm.

Ibi Oku Ma Luk Anị Gịẹ Ḅara 22:66

Éné ḅáa sáá, Juu ámátáapụ ma donam, sẹ́nịapụ mamgba; igwagwaalaapụ na pịghị ólóghó Nyẹ́dieapụ ma kobirim n warị Jizọs akuoo nna ogbobie.

Ibi Oku Ma Jọn Anị Gịẹ Ḅara 18:35

Paileti pagharam, <<Ị sị ḅẹ́ ịrị Juuḅọ? Ị́yẹ́ a túminị́ na ị́yẹ́ igwagwaalaapụ anịị ị saghị i ḅarabie suaapụ. Ọ tẹ́ nyẹ ị mịẹnyẹ?>>

Ibi Oku Ma Jọn Anị Gịẹ Ḅara 8:2

Dede láa sáá o sima Tamunoopuwárị ma ẹpẹlẹ́ múm, túminị́ ma wárị o gbiriikélékélé ọ wárị kpọrọfịnị sị nyẹ pa n die.

Fịrị Ḅara 22:15

Ḅẹẹ, irị onyẹ́sẹ ọ pịrịbẹm sị dugho kị́nị́mamgba pịrị iyẹ árịmaá pịghị naamaá nyẹ mamgba.

Fịrị Ḅara 22:5

Opu igwagwaḅọ ma na ámáḅẹ́rẹ́dughoapụ mamgba sọ ine onyẹ́sẹ mịma pịrịbẹm ḅẹ́ a dughoarị nyẹ ma karakárányẹ. A nna ḅara ábálálá daaḅom n gịẹ pa ijẹa Juuapụ pịrịnyẹ Damasikọs ḅụ, a warị anị ngaa mú ḅẹ́ a nnị kuu bẹ ḅara sị ịkóli pa nna ḅárásua si Jerusalem ḅo si nnị pa tọ́rụ́siarịma.

Fịrị Ḅara 5:17

Anịsáa, sịbịdaa Igwagwaalaḅọ ma ori túminị́ na pịghị Sadusiiapụ pa sị ogboapụ ma warị sághị opuma nyẹ́mọ́ni nfịrịmaapụ ma pịrị, warị ḅẹẹ nnị papa nna warịsobịgha.

Fịrị Ḅara 5:27

Nnị nfịrịmaapụ ma akuom warị n mịẹsị nnị sẹ ámáḅẹ́rẹ́dughoapụ tórúku, sị opu Igwagwaaḅọ ma nyẹ pa n gbíla.

Fịrị Ḅara 5:34

Kụ́ma nna ḅụ gbẹ́rẹ́ḅọ Gamalel pa sịḅọ, ólóghó nyẹ́dieḅọ, túminị́ mamgba pịghị opuma osigha pa pịrịḅọ, saghị sẹm ámáḅẹ́rẹ́dughoapụ ma ogboku warị ḅẹẹ, nnị kẹ́lẹ́ nfịrịmaapụ ma pa nụ́ngọ angaá warịị.

Fịrị Ḅara 5:41

Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.