Fịrị Ḅara 4:32 - Ibani New Testament

³² Minini ogbo ma gbẹ́rẹ́ tẹ́mẹ́ nyanam. Gbẹ́rẹ́ḅọ so amịna nyánányẹ ḅẹgha ḅẹẹ ọ́ inyee, kụ́ma nnị nyána nyẹ gonyẹ́ gonyẹ́ nnị pa jụghọ jụghọ na diem.

Fịrị Ḅara 4:32 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 17:11

A mịnị tuminikiri ma ḅụ fịnịbịgha, kụ́ma nnị tuminikiri ma ḅụ imi. A ị damaḅoarị Tọ́ntọ́ Daa, ị́yẹ́ ẹrẹ ḅụ fịnị kụ́rọ ma pa nnị koko, ị pa i pịrị ẹrẹ ma nnị ma gbẹ́rẹ́nyẹ ḅụ fịnị, wamịnị ma sọ gbẹ́rẹ́nyẹ ḅụ fịnị ḅara.

Fịrị Ḅara 1:14

Ogboapụ ḅara n kobiri kobirim opuma sa ngúmágha pa, sị tẹ́ghẹ̄, nnị na ẹ́rẹ́ámáapụ ma, na pịghị Meri Jizọs nyingi, na pịghị ori amịna owiapụ.

Fịrị Ḅara 2:1

Dii a mmẹẹ́ si oyi findi Ḅọ́rọ́ Álálị ma ḅoo sáá, mininiapụ mamgba kobirim gbẹ́rẹ́ angaá ḅụ.

Fịrị Ḅara 5:12

Tọgha ḅụ́gbérépuma fịrị anịị nfịrịmaapụ ma nwángịarị nyẹ túminị́ ma ogbobie. Mininiapụ mamgba ḅo kobiri kobirim nnị pa Solomọn ḅọ́rọ́ yọ sị ngaa.

Romapụ 12:5

Anị gbẹ́rẹ́ ḅara ma, karakárányẹ ḅẹẹ, wamịnị mánámánáapụ, kụ́ma wamịnị gbẹ́rẹ́ ḅụ ḅụ imii Krais bie, wa jụghọ jụghọ na ḅolom, gbẹ́rẹ́ oju ma mụmbụ mụmbụ ḅụ.

1 Kọrịntịapụ 1:10

I jẹa mininiapụ a ọ́ tẹ́ghẹ̄m wámịna Nyánáḅọ Jizọs Krais ẹrẹ ḅụ ḅẹẹ ó gbẹ́rẹ́ bịpịfie si puama ọmịna ogboku bie fịnịbịgha ḅara. Ọ ḅụ pa gbẹ́rẹ́nyẹ mịẹ ọmịna kúkúbie na ọmịna kóróma ḅụ.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.