Fịrị Ḅara 4:31 - Ibani New Testament

³¹ Nnị tẹ́ghẹ̄ fama sáá n fịnịngaa ma warị jighe. Tamuno Tọ́ntọ́ Tẹ́mẹ́ warị nnị kị́nị́mamgba ḅụ sọọ bii, nnị warị ḅáláfaghaa ḅara pa Tamuno ẹ́gẹ́rẹ́ ma dugho wásámáa.

Fịrị Ḅara 4:31 ပူးပေါင်းရင်းမြစ်များ

Matiu 21:22

Ọ ḅọ́rọ́ minini minini ọ binyẹ gonyẹ́ gonyẹ́ tẹ́ghẹ̄ ḅụ ọ nyánáḅobẹm.>>

Ibi Oku Ma Jọn Anị Gịẹ Ḅara 14:12

A karakárányẹ ma dugho ọ pịrịm, ịḅụ minini nyánáḅọ gonyẹ́ gonyẹ́ a nwángịarị fịrị ma nwángịbẹm. Anịḅọ ma mịị ma nẹ́ngịma fịrị nwángịbẹm, tegó a Daḅọ ma dámámụarị.

Ibi Oku Ma Jọn Anị Gịẹ Ḅara 15:16

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Ibi Oku Ma Jọn Anị Gịẹ Ḅara 15:7

Ọ ḅọ́rọ́ iḅụbie fịnị ị́yẹ́ ẹ́gẹ́rẹ́ ma sọ ọmịna ḅụbie fịnị, ọmịnị ọ dọghụnyẹ gonyẹ́ gonyẹ́ bibẹm nnị pịghị anị pa ọ pịrịbẹm.

Fịrị Ḅara 14:3

Pọl na Banabas aningáa fịnị ḅọlọm, pịghị ḅáláfaghaa ḅara pa Kị́nị́nyánáḅọ gbolomanyẹ dugho pághámam, ọ pịghị diem ḅẹẹ nna oku, ori tọ́rụ́kụrụkụ́rụ́ gbolomanyẹ, karakárányẹ o kụrọ pa nnị pịrị sị nnị ḅụ́gbérépuma nyẹ na tọ́rụ́ nẹ́ngị fịrị nwángịị bẹ ḅara.

Fịrị Ḅara 2:1

Dii a mmẹẹ́ si oyi findi Ḅọ́rọ́ Álálị ma ḅoo sáá, mininiapụ mamgba kobirim gbẹ́rẹ́ angaá ḅụ.

Fịrị Ḅara 2:2

Ḅụnimigha sáá anịị nnị ọwụ náanyẹ sobie irisé fieḅára pa fiearị nyẹ, anị warị ngaamamgba sọ bii n kpọrọfịnị ngá.

Fịrị Ḅara 2:4

Tọ́ntọ́ Tẹ́mẹ́ ma nnị kị́nị́mamgba bie sọọ biim, nnị warị jẹ́ ḅẹ́lẹ̄ pa ẹ́gẹ́rẹ́kọọ Tẹ́mẹ́ ma nnị kụrọma ḅara.

Fịrị Ḅara 4:13

Ámáḅẹ́rẹ́dughoapụ ma nnị árịnyẹ n tọ́rụ́ nẹngịm nnị ḅo árị sáá Pita na Jọn nyáná tẹ́mẹ́kụ́rọ nnị nimitẹ́lẹ́ma sáá ḅẹ́ mịnaapụ ma nnị pápátumini nnị pịghị dirinimigha. Anị ḅo nna ḅụkórom ḅẹ́ mịnaapụ ma nnị Jizọs na fịnịmaapụ.

Fịrị Ḅara 4:29

Ḅẹ́ mị́sa, Kị́nị́nyánáḅọ nna ẹ́rẹ́ma ma náa n pa wamịnị ẹ́rẹ́ma nyẹ, sị mịẹsị wamịnị ị́yẹ́ fịrịnwangịapụ kụ́rọ kúkúbie nyáná sị ị́yẹ́ oku ma dugho wásáma.

Filipaiapụ 1:14

Ị́yẹ́ ịkóli bie fịnị ma, pịghị tọgha mininiapụ ma mịẹsị nnị tẹ́mẹ́kụrọ nyáná Kị́nị́nyánáḅọ ḅụ, si ine ibi oku ma dugho wásáma kụrọkúkúbie ḅụ na pịghị ḅáláfagha ḅụ.

Filipaiapụ 1:20

Tẹ́mẹ́bie a binyẹ na pịghị a tọ́rụ́ dighinyẹ anị ḅẹ́ ị́yẹ́ fịrị ma ḅụ a ọḅụ daagha, kụ́ma sámámgba ḅụ, pịghị mị́sa ma ḅụ a opuma tẹ́mẹ́kụ́rọ nyánábẹm sị gboro gboro kuu akuoo Krais pịrịbẹm, a duma a pịghị fịị o.

Jems 1:5

Kụ́ma ḅọ́rọ́ ọmịna bie opu níminyẹ nyánághaḅọ imii, n ḅo Tamuno tẹ́ghẹ̄, ori ibima biiapụ mamgba pịrịbẹm nyẹ́kọ́magha pa.