Fịrị Ḅara 4:29 - Ibani New Testament

²⁹ Ḅẹ́ mị́sa, Kị́nị́nyánáḅọ nna ẹ́rẹ́ma ma náa n pa wamịnị ẹ́rẹ́ma nyẹ, sị mịẹsị wamịnị ị́yẹ́ fịrịnwangịapụ kụ́rọ kúkúbie nyáná sị ị́yẹ́ oku ma dugho wásáma.

Fịrị Ḅara 4:29 ပူးပေါင်းရင်းမြစ်များ

Fịrị Ḅara 13:46

Kuma Pọl na Banabas ḅáláfaghaa ḅara pa Tamuno ẹ́gẹ́rẹ́ ma dugho wásámam; ḅẹẹ, <

Fịrị Ḅara 14:3

Pọl na Banabas aningáa fịnị ḅọlọm, pịghị ḅáláfaghaa ḅara pa Kị́nị́nyánáḅọ gbolomanyẹ dugho pághámam, ọ pịghị diem ḅẹẹ nna oku, ori tọ́rụ́kụrụkụ́rụ́ gbolomanyẹ, karakárányẹ o kụrọ pa nnị pịrị sị nnị ḅụ́gbérépuma nyẹ na tọ́rụ́ nẹ́ngị fịrị nwángịị bẹ ḅara.

Fịrị Ḅara 19:8

Pọl Juuapụ kobiri yọ ma sọm, sị tẹ́rẹ́ akalụ́ sịbị, ḅáláfaghaa ḅara pa ẹ́gẹ́rẹ́ ma kọ wásáma, tẹ́ghẹ̄ ḅara pa asọ dọghụ sị anị nna ḅụ koro Tamuno amadakiri ma gbolomanyẹ.

Fịrị Ḅara 26:26

Ámányánáḅọ Agiripa, a ine ḅáláfaghaa ḅara pa ẹ́gẹ́rẹ́kọọ ị pịrịbẹm tegó ị mịnanyẹ mamgba nimim. A pịghị nimim ḅẹ́ mịnanyẹ mamgba ḅụ gbẹ́rẹ́nyẹ sọ ịḅụ sáámágháá, tegó mịnanyẹ ma kiri akịịghaa ḅọghu angaá ḅụ.

Fịrị Ḅara 28:31

Ọ Tamuno so amadakiri gbolomanyẹ dugho pághámam, pịghị Jizọs Krais gbolomanyẹ pa túminị́ die, pịghị ḅáláfaghaa ḅara na kikigha ḅara pa ẹ́gẹ́rẹ́kọọm.

Fịrị Ḅara 4:13

Ámáḅẹ́rẹ́dughoapụ ma nnị árịnyẹ n tọ́rụ́ nẹngịm nnị ḅo árị sáá Pita na Jọn nyáná tẹ́mẹ́kụ́rọ nnị nimitẹ́lẹ́ma sáá ḅẹ́ mịnaapụ ma nnị pápátumini nnị pịghị dirinimigha. Anị ḅo nna ḅụkórom ḅẹ́ mịnaapụ ma nnị Jizọs na fịnịmaapụ.

Fịrị Ḅara 4:21

Ámáḅẹ́rẹ́dughoapụ ma warị kụrọma n birinụ́nụ́ warị n wárịso n soo. Nnị arịḅom ḅẹ anị ḅụdam nnị pa tọ́rụ́siarịma, tegó túminị́ mamgba boma pa Tamuno pịrịarị pághámáa nyẹ ma gosi.

Fịrị Ḅara 4:31

Nnị tẹ́ghẹ̄ fama sáá n fịnịngaa ma warị jighe. Tamuno Tọ́ntọ́ Tẹ́mẹ́ warị nnị kị́nị́mamgba ḅụ sọọ bii, nnị warị ḅáláfaghaa ḅara pa Tamuno ẹ́gẹ́rẹ́ ma dugho wásámáa.

Fịrị Ḅara 9:27

Banabas warị ḅo ḅárásua ọ pịrị sị ọ pa nfịrịmaapụ ma fịnịngaa muu ọ warị dughofindi n pịrị Sọl Kị́nị́nyánáḅọ árị ḅara asọogbo, Kị́nị́nyánáḅọ sọ pịghị ẹ́gẹ́rẹ́ kọọ ọ pịrịmaá ḅara ọ pịghị dugho nnị pịrịm Sọl ḅáláfaghaa ḅara pa Jizọs ẹ́rẹ pa Tamuno ẹ́gẹ́rẹ́ ma dugho wásáma ḅara Damasikọs ḅụ.

Fịrị Ḅara 9:28

Sọl warị nnị na fịnị sị Jerusalem mú ikelekele ma ḅáláfaghaa ḅara pa Jizọs ẹrẹ pa Tamuno ẹ́gẹ́rẹ́ ma dugho wásáma.

1 Kọrịntịapụ 14:13

Kịrị ḅẹ́lẹ̄ pa ẹ́gẹ́rẹ́ kọọarịḅọ tẹ́ghẹ̄ na ibim ḅẹẹ n ḅo ine n ḅọ kọọ ẹ́gẹ́rẹ́ ma daadugho.

2 Kọrịntịapụ 3:12

Wa mị tọ́rụ́ dighinyẹ ma nyánam gosi, wa kị́nị́ dighigha.

Filipaiapụ 1:14

Ị́yẹ́ ịkóli bie fịnị ma, pịghị tọgha mininiapụ ma mịẹsị nnị tẹ́mẹ́kụrọ nyáná Kị́nị́nyánáḅọ ḅụ, si ine ibi oku ma dugho wásáma kụrọkúkúbie ḅụ na pịghị ḅáláfagha ḅụ.

1 Tẹsalonaikaapụ 2:2

Ọ kọkọ nimi nnị wa pa tọ́rụ́siarịma ḅara pịghị wa wirikọsị ḅara Filipai ḅụ na wamịnị ọ dámaḅogha sáá Tẹ́salonaika ḅụ. Anịsọnị ḅẹ́ tọghaapụ mini wa pịrịgha, kụ́ma wámịna Tamuno kụrọ kúkúbie pa wa pịrịm sị wamịnị ine ọ ḅarabie saghị ḅo ibi oku ma dugho wásáma ọ pịrịm.

2 Timoti 4:17

Kụ́ma Kị́nị́nyánáḅọ ma ịrị na fịnịm sị pighi ịnyọ pa i pịrịm, anịgosi a ine bifụfụụ́ oku ma dugho wásáma juughaapụ gonyẹ́ gonyẹ́ pịrịm ḅẹ́ n náa; n pịghị i duapághámaḅom ọkụ nama ma bịpịbie.