Fịrị Ḅara 28:15 - Ibani New Testament

¹⁵ Rom ḅụ fịnị mininiapụ ma, wa gbolomanyẹ naam, warị anị ḅọlọ angaá ma ḅoo Apiyọs Fẹ ama ma, na pịghị Tẹ́rẹ́ Ịnyọ́sárá Wárị saghị ḅo wamịnị na dona. Pọl nna árị sáá, ori ịmịẹḅam pa Tamuno ḅẹm, anị warị opuma ịnyọ pa ọ ḅụ sua.

Fịrị Ḅara 28:15 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 12:13

Nnị warị dim ḅara pẹlẹ akị muu ori na dona ilúghuarị, <>

Fịrị Ḅara 1:15

Tọgha dii ḅo ḅọ́rọ́ sáá, mininiapụ ma kóbiri ogbo ḅo kiriakịm, anị ngaa fịnịapụ mamgba túminị́ suene a si, Pita warị sághị si ẹ́gẹ́rẹ́ẹ́

Fịrị Ḅara 10:23

Pita warị túminị́ ma ḅẹẹ nnị sọḅo, sị anị ngaa múno énéḅama. Éné ḅá sáá anị́ị́ ọ tẹ́lẹ́ma nyẹ sị nnị na muu, Jọpa ḅụ fịnị jẹ́ mininiapụ sọ nnị na múm.

Fịrị Ḅara 10:25

Pita wárị ma sọ sa, anịị Kọnịlọsị ọ nana dona sị sóghóro koro nyẹ ọ ḅụọ osigha ḅụ.

Fịrị Ḅara 11:1

Nfịrịmaapụ ma na isi mininiapụ na Judiya gbọrụ naamam ḅẹ́ Juughaapụ ma sọ Tamuno ẹ́gẹ́rẹ́ ma daákịmam.

Fịrị Ḅara 11:12

Tẹ́mẹ́ ma ị ḅẹm ḅẹẹ, a nnị dua muu sáá ngúmágha ḅara ḅụ. Mịná suene a mịnaapụ ma sọ, Jọppa ḅụ saghị i nana Sizariya múm wamịnị kị́nị́mamgba pịghị Kọnịlọsị warị sọm.

Fịrị Ḅara 12:17

Ọ warị ḅara pa n fọ́ngụ ma ḅẹ́ nnị ẹ́gẹ́rẹ́ ma, ọ warị dughofindi nnị pịrị Kị́nị́nyánáḅọ ḅara warị ọ pághámaḅo ḅara ịkóli warị bie. Ọ warị n ḅẹ́, <<Ọ mịma dugho pa Jems na mininiapụ ma pịrị.>> Anịsáa, ọ warị n wáriso sị jẹ́ ngaa muu.

Fịrị Ḅara 21:5

Kụ́ma wa nyáná nnị pịrị sáá kara sáá, wamịnị n warịsom sị wa muarịnyẹ múm. Nnị kị́nị́mamgba nnị nna taa na awọ na wa ḅọ́rọ́maa ámá ma bie págháḅo posie áká ma ḅom, wamịnị kị́nị́mamgba ẹkpẹrẹkị sị tẹ́ghẹ̄ ngaa.

Fịrị Ḅara 28:14

Wa ḅo anịị ngaa jẹ́ mininiapụ na dona, ḅẹapụ ḅẹẹ, wamịnị nnị ná sọ́nọ́ma dii la nyẹ fịnịị. Anịị wa warị ḅọ́rọ́ Rom láa ḅara.

Romapụ 15:24

mị́sa a ọkọ mịẹbẹm. A dọghụbẹm a ọmịnị arịị a ḅọ́rọ́ ḅọ́rọ́ Spaini múuarị sa, a pịghị dọghụbẹm ọ ḅárásua ị pịrị sị a ine mú anị ngá ma láa, mịma anịị a kálá sa pa ọmịnị na fịnị fama sa.

2 Kọrịntịapụ 2:14

Kụ́ma wa ịmịẹḅam pa Tamuno ḅẹm. Ḅẹ́, wamịnị na Krais na gbẹ́rẹ́nyẹ sọ ḅụ, Tamuno Krais ḅụ, ḅọ́rọ́ sọọḅa pa wa pịrịarị, ọ pịghị wámịna ḅụ ḅọ́rọ́ mịẹsị Krais níminyẹ ma kụ́nụ́ pulo kụ́nụ́ ḅara pa kụ́nụ́ ngámámgba saama.

Galesiaapụ 4:14

Karakárányẹ ḅẹẹ, ị́yẹ́ obi ma, anị ọmịna ḅụ daádighi, kụ́ma ọmịnị i dighisimagha anịgha i sịghịị. Anịmanakaragha ọmịnị i daa kórómam ọmịnị sobie sághị kóróḅo sookumuḅọ daákóróma bẹ ḅara; ọmịnị i daákịm ọ Krais Jizọs daakị bẹ ḅara.

1 Tẹsalonaikaapụ 3:7

Wámịna Daa awọ, wámịna ḅụḅáláḅálá na wámịna tọ́rụ́siarị mamgba ḅụ, ọmịnị wámịna tẹ́mẹ́kụ́rọmamam, ọmịna minini anịị pịghị tẹ́mẹ́kụ́rọ ma pa wa pịrịnyẹ.

Hiburuapụ 13:3

Ikólibie fịnịapụ pa biekóróma, sọ́ḅọ́rọ́ ọmịnị na nnị na ikólibie ma ḅụ imii, ọ tọ́rụ́siarịarịapụ ma pa biekóróma sọ́ḅọ́rọ́ ọmịnị na nnị na tọ́rụ́siarị ma árịarị.