Fịrị Ḅara 21:19 - Ibani New Testament

¹⁹ Pọl sịbịpị pa n siim warị ḅo nyẹ fịnị ḅara mamgba dugho nnị pịrị Tamuno ọ ḅara pa nwángịmáa fịrị mamgba Juughaapụ ogbobie.

Fịrị Ḅara 21:19 ပူးပေါင်းရင်းမြစ်များ

Matiu 23:7

N dọghụbẹm túminị́ osigha ḅara pa sịbịpị pa nna si fẹ́siri ḅụ sị pịghị n sị

Fịrị Ḅara 1:17

Judas ori wámịna ḅụ gbẹ́rẹ́ḅọ, nnị ọ sẹ́lẹ́akịm ḅẹ ori sọ diekiri nyáná wámịna fịrị ma ḅụ.>>

Fịrị Ḅara 14:27

Nnị ḅo Antịọkụ láa sa, nnị sọsịapụ ma kobirim sị dugho n pịrị Tamuno nnị pa nwángịmáa fịrị, ọ pịghị asọ findi Juughaapụ pịrịmaá ḅara sị n mininii.

Fịrị Ḅara 15:12

Túminị́ mamgba mịnị ine ẹ́gẹ́rẹ́gha, nnị Pọl na Banabas náa n dugho págháma sáá, Tamuno n pa nwángịmáa opuma tọ́rụ daa nyẹ na ḅụ́gbérépuma fịrị Juughaapụ ma bie.

Fịrị Ḅara 15:4

Nnị ḅo Jerusalem la sa, mininiapụ ma na nfịrịmaapụ ma na sẹ́nịapụ ma n datérémam mịnaapụ ma anịị nnị Tamuno nnị pa nwángị fịrị mamgba dugho pịrịapụ.

Fịrị Ḅara 20:24

Iyẹ duma iḅụ sọ́nyẹ sọ́gha, a binyẹ a pa ine iyẹ fịrị ma nwángị sịbị láama, si pịghị ine Wányánáḅọ Jizọs Krais pa i fịrịma fịrị ma nwángị fama, fịrịị ma anịị Tamuno tọ́rụ́kụrụkụ́rụ́ ibi oku ma dugho wásáma.

1 Kọrịntịapụ 15:10

Kụ́ma Tamuno tọ́rụ́kụrụkụ́rụ́ ḅụ a mịị fịnị ḅara ma fịnịm, ọ nyáná i pịrị tọ́rụ́kụrụkụ́rụ́ papa faghaa, ọkọgha, a ịnyọsua fịrịnwangị nnị kị́nị́mamgba nẹngịm, anịsọ irịgha kụ́ma Tamuno ma tọ́rụ́kụrụkụ́rụ́ iḅụbie fịrịnwangịarị nyẹ.

2 Kọrịntịapụ 12:12

A ọmịnị na fịnị sa a tọgha pághányẹ mịẹm, ḅụ́gbérépuma nyẹ na ḅụ́gbérépuma fịrịnwangị, inema ḅara ḅụ. Mịma diem ḅẹẹ, ịrị nfịrịmaḅọ.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Kolosiapụ 1:29

Mịma go, anịị a go ịnyọ pa fịrịnwangịarị nyẹ, Krais pa i pịrị ịnyọ mị́sa ịḅụ opuma kụ́rọ fịrị nwángịarị.