Fịrị Ḅara 20:6 - Ibani New Testament

⁶ Wa Filipai ḅụ árụ́ sim, n Yisti bie Ofori Fịturu Álálị ma fị so sáá, sọ́nọ́ a dii ḅo ḅọ́rọ́ sáá, wa ḅo nnị na donam Troas ḅụ, warị anị angaá sọ́nọ́ma dii fịnịị.

Fịrị Ḅara 20:6 ပူးပေါင်းရင်းမြစ်များ

Fịrị Ḅara 12:3

Ori árị sáá ḅẹẹ, mị mịẹnyẹ ma Juuapụ ma ḅẹ́lẹ́mam anịị ọ pịghị muu Pita Kuu nyẹ (mịma kiriakịarị nnị Sughúugha Fịtúrú Álálị ma fịarị sáá).

Fịrị Ḅara 16:10

Pọl mị múnogha dáwọ ma a árịfáma gbẹ́rẹ́kiri, wamịnị anị gbẹ́rẹ́kiri tẹ́lẹ́mam sị sághị Masidoniya muum tegó wa tọpẹ́lẹ́m ḅẹ́ Tamuno wa sịmam ḅẹ́ wa ḅo ori ibi oku ma dugho wásámáa anị ngaa.

Fịrị Ḅara 16:12

Anị ngaa wa ḅọ́rọ́ mú Filipai lam, Masidoniya ḅẹrẹtọ yọ ḅụ fịnị gbẹ́rẹ́ ama, ama ma so Rom sughubie imii, wa tọgha dii fịnịm anị ngaa.

Fịrị Ḅara 16:8

Anịgo n gbẹ́rẹ́sa Misiya ḅụ ḅọ́rọ́ mú Troas lam.

Fịrị Ḅara 20:16

Pọl ọ tẹ́mẹ́bie tọ ḅọ́rọ́mamam ḅẹ́ nnị Ẹ́fịsọs agbabịgha, ọ sa ngumabịgha ḅara Esiya ḅẹrẹtọ yọ, tegó ori álálaarị o Jerusalem láa bẹ ḅara, ọ ḅọ́rọ́ inéné ori anị ngaa láa, Sịmgbọlụ Sughu Álálị ma éné ma na kiriakịgha sáá.

Fịrị Ḅara 20:5

Nnị tárị múm wámịna ḅụ sị mú Troas ḅụ wa kúru.

Fịrị Ḅara 21:4

Anị ngaa wa jẹa mininiapụ arịm warị nnị ná sọ́nọ́ma dii fịnị. Tọ́ntọ́ Tẹ́mẹ́ kụrọ ḅụ n dugho Pọl pịrịm ḅẹ́ o Jerusalem muu ma.

Fịrị Ḅara 21:8

Anị ḅụ éné ḅáa, wa suapághám sị ḅo Sizariya láa. Anị angaá Filipụ Tamuno ẹ́gẹ́rẹ́ dugho wásáma ḅo wárị, anịị wa fịnịnyẹ, Jerusalem ḅụ nnị sẹlẹakị sọ́nọ́ma ḅárásúapụ ma ḅụ gbẹ́rẹ́ḅọ.

Fịrị Ḅara 28:14

Wa ḅo anịị ngaa jẹ́ mininiapụ na dona, ḅẹapụ ḅẹẹ, wamịnị nnị ná sọ́nọ́ma dii la nyẹ fịnịị. Anịị wa warị ḅọ́rọ́ Rom láa ḅara.

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

1 Tẹsalonaikaapụ 2:2

Ọ kọkọ nimi nnị wa pa tọ́rụ́siarịma ḅara pịghị wa wirikọsị ḅara Filipai ḅụ na wamịnị ọ dámaḅogha sáá Tẹ́salonaika ḅụ. Anịsọnị ḅẹ́ tọghaapụ mini wa pịrịgha, kụ́ma wámịna Tamuno kụrọ kúkúbie pa wa pịrịm sị wamịnị ine ọ ḅarabie saghị ḅo ibi oku ma dugho wásáma ọ pịrịm.

2 Timoti 4:13

I ḅo bẹ sáá, a suarị ọgọnọ bịtẹ a wáriso nyẹ Kapọs ḅarabie Troas ḅụ akuoo i pịrị, ị́yẹ́ diri mamgba akuoo, dada nnị nama apara pa mịẹ angaá nyẹ ma.