Fịrị Ḅara 20:28 - Ibani New Testament

²⁸ Ọ tọ́rụ́ pa kiri lama ọmịna ḅụ pịrị, na pịghị Tọ́ntọ́ Tẹ́mẹ́ ma saghị ọ ḅarabie sua ánáná awọ ma pịrị. Ọmịnị ánánákúrúapụ dighi Tamuno sọsị ma pịrị, ori ọ tụwọ ọmbịnyẹ́ pa fẹ nyẹ.

Fịrị Ḅara 20:28 ပူးပေါင်းရင်းမြစ်များ

Matiu 16:18

A dugho ị pịrịm ḅẹ́ ịrị anịị Pita (anịị okpo dapịrị pa siinyẹ), mịị okpo dapịrị ma ḅụ anịị a pịghị ị́yẹ́ sọsị nama bẹnyẹ, fịị kụrọmamgba opu ḅụ́pọ́ ma sọ pịghị anị sọḅabịgha.

Matiu 2:6

<< >>

Ibi Oku Ma Mak Anị Gịẹ Ḅara 13:9

<<Ọmịnị sọ, ọmịnị ọ ḅụ ẹbị. Nnị okubẹm sị ọ pa ḅẹ́rẹ́kọ sịrị mubẹm. Nnị o fombẹm nna kobiri yọ ḅụ, nnị o mịẹbẹm sị ọ sẹ táarịapụ na ámányánáapụ tórúku i sịbị go, sị ọmịnị ibi oku ma dugho wásáma bẹ ḅara.

Ibi Oku Ma Luk Anị Gịẹ Ḅara 12:32

<<Ọmịnị kálá ogbo ánáná, o ḅáláfáma Daḅọ ma, anị ọ ḅụḅẹ́lẹm ḅẹẹ ori ásẹ́mẹ́kiri ma pa ọ pịrị.

Ibi Oku Ma Luk Anị Gịẹ Ḅara 21:34

<<Ọmịnị ọ ḅụ ẹbị sị minima opu fị na ḅụ na ọ dighi akị so, ọ pịghị minima sị tuminikiri ḅụḅáláḅálá opuma ọmịna tẹ́mẹ́bie bii sí ọ ḅáláḅálá ma anịgha éné ma ḅo ọ ḅụ koro tọ́rụ́ pa dighigha sáá, sọ́ḅọ́rọ́ n tughu dia.

Fịrị Ḅara 13:2

Nnị susi Kị́nị́nyánáḅọ pịrị si, ḅurukụ́ma ḅụ tẹ́ghẹ́arị sáá, Tọ́ntọ́ Tẹ́mẹ́ ma dugho nnị pịrịm, Banabas na Sọl sighima i pịrịị, <>

Fịrị Ḅara 14:23

Sọsị gbọrụ gbọrụ, n sẹnịapụ tọ́ọ n pịrịm; tẹ́ghẹ̄ na ḅurukụ́ma na, nnị n saghị Kị́nị́nyánáḅọ ḅara suam, n ḅụ tẹ́mẹ́ gbánáḅọ.

Fịrị Ḅara 20:17

Milẹtọs ḅụ Pọl oku fịrịma Ẹ́fịsọs múm ḅẹẹ sọsị sẹ́nịapụ ma ḅo ọ nana dona.

Fịrị Ḅara 20:29

A nimim ḅẹ́ iyẹ ọḅụgbi anịị piri obiri ọmịnị ogbobie sọ bẹnyẹ, nnị pịghị ánáná áwọ ma warịsobịgha.

Romapụ 16:16

Ọ Krais ḅẹlẹma pa jụghọ jụghọ bii. Krais bie fịnị sọsị mamgba fịrịmam ḅẹ́ a o bii.

1 Kọrịntịapụ 1:2

wa gịẹ pa ọmịnị Kọrịntị ḅụ fịnị Tamuno sọsị ma pịrịm. Tamuno ọ mịẹm sị o ḅo ori tọ́ntọ́apụ sọọ, Krais Jizọs ḅụ ḅọ́rọ́, ọ pịghị mịẹ kị́nị́mamgba pịrị ḅara ngaa mamgba ḅụ, Krais Jizọs ẹrẹ ma sịapụ ḅẹ́ anị ẹ́rẹ́ ma nna Nyáná ḅo pịghị wámịna Nyánáḅọ:

1 Kọrịntịapụ 10:32

Duma kọọ ị ḅụḅáláḅálá dighi gbẹ́rẹ́ḅọ sọ pịrịbịgha ḅara Juuapụ anịgha Juughaapụ anịgha Tamuno sọsị ma.

1 Kọrịntịapụ 11:22

Ọ́ warị nyánágha ọ fị sị pịghị ḅuu bẹ angaá ọ Tamuno sọsị ma dighisima bẹ sị bẹnyẹ bẹnyẹ nyánágháapụ ma pa ḅụ́gịrịrị bie sua bẹ? A tẹ́ dugho ọ pịrịbẹ mịma gbolomanyẹ? A ọ túminị́ bẹ? A ọkọ mịẹbịgha!

1 Kọrịntịapụ 15:9

Irị anị ịrụḅaḅọ nfịrịmaapụ mamgba ḅụ anịgo nnị nfịrịmaḅọ pa isi na ibighaa, tegó a Tamuno sọsị ma pa tọ́rụ́siarịmam.

1 Kọrịntịapụ 6:20

Ori igbii bịpị pa ọ fẹm, anịgo ọmịna oju ḅụ ọ Tamuno boma.

Galesiaapụ 1:13

Ọ naamam, a pa ngá ḅara a Juuapụ tẹ́ghẹ̄ ma kọọarị sáá, a ọḅụdighigha ḅara pa Krais asọduaapụ ma pa tọ́rụ́siarịma ḅara, a pịghị ị́yẹ́ ịnyọ láa ḅara mịẹm árị ḅẹ́ a Tamuno kubiri ogbo ma gulugulumam.

Ẹ́fịsọsapụ 1:14

Wa Tamuno Tẹ́mẹ́ nyánam gosi, wa tẹ́mẹ́kụ́rọ nyánam ḅẹẹ Tamuno mini ori a túminị́ pịrịnyẹ wa nyánáḅobẹm. Tamuno bi káara dụaḅọ́rọ́ma pa ori a túminị́ pịrịbẹm. O ḅo wa ori ipine túminí.

Ẹ́fịsọsapụ 1:7

Krais ọmbịnyẹ́ ḅụ ḅọ́rọ́ wa dụaḅọ́rọ́ma nyánam, n wámịna siiḅụḅarasi wa pịrịm ori opu tọ́rụ́kụrụkụ́rụ́ gosi.

Ẹ́fịsọsapụ 4:11

Ori anị <> jẹ́apụ ori nnị tọọm ḅẹ́ nnị nfịrịmaapụ sọ; jẹ́apụ ikiakoroapụ, jẹ́apụ ibi oku ma dugho wásámáarịapụ jẹ́apụ Tamuno kubiri ogbo sịbịdaapụ na pịghị nyẹ́dieapụ.

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

Kolosiapụ 1:14

Ọ ḅụ anịị wa dụaḅọ́rọ́ma nyánányẹ, anịị siiḅụḅarasipịrị.

Kolosiapụ 4:17

Dugho Akipọs pịrị, <<Árị ḅẹẹ Kị́nị́nyánáḅọ ḅara ị daaḅọ fịrị ma ị́rị anị nwángị kárámam.>>

1 Timoti 3:1

Mịị tụ́ma dughonyẹ: ḅọ́rọ́ tumḅọ tẹ́mẹ́bie ibima dọ́ghụm ḅẹ́ nḅọ Tamuno kubiri ogbo sịbịdáḅọ sọọ, nḅọ túminị́ osigha pa pịrịbẹ fịrị dọ́ghụm.

1 Timoti 3:2

Tamuno kubiri ogbo sịbịdaḅọ ori fiesima nẹ́ngị na fiam; gbẹ́rẹ́ táaḅọ ngéré nyáná, ori álála bieoḅughaa, ine ḅụ ọlọ ḅo, kị́nị́ osigha nyáná pịrịḅọ, ine igoniapụ datéréma n ḅo wárị; ine nyẹ́die bẹḅọ;

1 Timoti 3:5

Ḅẹẹ, ḅọ́rọ́ tumḅọ ine amịna wárị tákúbirigha nḅọ tọrọ́ pa ọrụtọ Tamuno kubiri ogbo ma pịrịbẹ?

1 Timoti 4:14

Iḅụbie fịnị tẹ́mẹ́ju dienyẹ ma, ị nyánáḅọ nyẹ nnị ị sịbị ikiakoro sa, na pịghị sẹ́nịapụ ma ḅara pa ị sịbị gbánā sáá, anị dighitọ́rụ́si ma.

1 Timoti 4:16

Ḅụ ẹbị, i duma kọọarị ḅara na pịghị ị nyẹ́diearị ḅara. Pa ị mịẹarịnyẹ ma mịẹ tegó ị́ ọkọmiẹmiẹ ị́ ịḅụ na ị naarịapụ ma duaḅọ́rọ́mabẹm.

1 Timoti 5:17

Ibifịrị nwángịarị sẹ́nịapụ ma sịbịdaapụ ḅara ma anị ḅụ́gbẹm ḅẹ́ nnị mmẹẹ́ kiri kuu pa n pịrị, nyẹ mamgba nẹ́ngị nyẹ, anịị ịnyọsua fịrị nwángịarịapụ ma oku ma dugho wásáma na nyẹ́die ḅụ.

Taitọs 1:7

Tamuno kubiri ogbo sịbịdáḅọ anịị Tamuno fịrị ma ḅara fịnịḅọ, ori ma anịị bịpị ḅụ lánaibighaḅọ, opuamịẹnyẹ tumḅọgha, owi tẹ́mẹ́ nyánágha, iru ḅụ tọ́rụ́ḅamaghaḅọ, ama owu ḅẹ́lẹ́maghaḅọ anịgha igbii pụghọ nyánághaḅọ.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 12:15

Ọmịnị árị ḅẹẹ, ọ Tamuno tọ́rụ́kụrụkụ́rụ́ pa ọḅụgbigha. Gbẹ́rẹ́ḅọ sọ si lakpo nyánáma sị anị wáriso anị sẹnị ḅo opuma ḅẹ́rẹ́ dighi kị́nị́mamgba pịrị.

Hiburuapụ 13:17

Ọmịnị ọmịna sịbịdaapụ osii, pịghị n dughonyẹ mịẹ. Nnị ọmịna tẹ́mẹ́ kúruarị ịnyọsáragha pa, n pịghị dugho Tamuno pịrịbẹ ḅara n ḅárá warị o didighi ḅara. Ọ ḅọ́rọ́ nnị osisii, n bieḅẹlẹ ḅara pa nna fịrị nwángịbẹm, anịgha n sitẹ́mẹ́ pa nna fịrị nwángịbẹm. Anịma sọ́nyẹ sọọ ọ pịrịbịgha.

1 Pita 2:25

Asọ irimáa ánáná fịnị ḅara anị ọ fịnị ḅára, kụ́ma mị́sa ọ pịghịma ḅo ọmịnị Ánánákúrúḅọ na pịghị o mịná biebẹ duma Kokoarịḅọ ma pịrịmam.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.

1 Jọn 1:7

Kụ́ma wa ḅọ́rọ́ baá ma bie asọ nwángị, ori ma sọ baá ma bie fịnị ḅara, anịsáa wa jụghọ jụghọ na mịẹgbólóma nyánam, ọ Tụwọ Jizọs Krais ọmbịnyẹ́ sii gonyẹ́ gonyẹ́ ḅụ wa sịrịsịarị.

Puu Findi 5:9

Nnị ịwọ núme sum ḅẹẹ: <