Fịrị Ḅara 2:39 - Ibani New Testament

³⁹ Ḅẹẹ Tamuno mini nyẹ ma, o mini ọmịnị na ọmịna awọ pịrịm, na pịghị ḅọlọ angaá fịnịapụ pịghị wámịna Nyáná Tamuno sị ọ ḅụ pịrịbẹapụ mamgba.>>

Fịrị Ḅara 2:39 ပူးပေါင်းရင်းမြစ်များ

Fịrị Ḅara 10:45

Pita na Jọpa ḅụ saghị ḅo sị mininiapụ, anị n tọ́rụ́ daam bẹ Tamuno ori Tọ́ntọ́ Tẹ́mẹ́ dienyẹ ma, mịẹm sị Juughaapụ ma sọ anị nyáná.

Fịrị Ḅara 14:27

Nnị ḅo Antịọkụ láa sa, nnị sọsịapụ ma kobirim sị dugho n pịrị Tamuno nnị pa nwángịmáa fịrị, ọ pịghị asọ findi Juughaapụ pịrịmaá ḅara sị n mininii.

Fịrị Ḅara 15:14

Saimọn mị kirikiri dughofindi wá pịrịmam Tamuno parị Juughaapụ ma na irịa ḅara, sị nna bie túminị́ sẹlẹ́akị ọ ḅụ pịrị.

Fịrị Ḅara 15:3

Sọsị ma, anịị mị fịrị ma pa nnị fịrịma nyẹ nnị warị Fonisiya na Sameriya ḅụ ḅọ́rọ́ dughoarị Juughaapụ ma pịghị Tamuno asọ duamaa ḅara, mị dughonyẹ ma warị opu bieḅẹlẹ akuoo mininiapụ ma ogbobie.

Fịrị Ḅara 15:8

Tamuno, ori sọ kị́nị́mamgba kóróma nimiḅọ onyẹ́sẹ n pịrịm, ori ọrẹ Tọ́ntọ́ Tẹ́mẹ́ pa nnị pịrị ḅara, o pịghị pa wa pịrị ḅara.

Romapụ 11:29

Tamuno tẹ́mẹ́ dima dimagha ọ sẹlẹakiarị ḅọ na ọ karịibimaarịḅọ.

Romapụ 8:30

Anịgo Tamuno fófóoma wárịapụ, ori na nnị na ọ pịghị ori ipine ma pa n ḅụ sarám.

Romapụ 9:24

Wamịnị anịị ọ sịapụ ma, Juuapụ ma bie ngéréghaa kụ́ma Juughaapụ ma bie so.

Romapụ 9:4

Nnị anịị Tamuno ma túminị́; ori oyẹ awọ pa nnị mịẹm pịghị ori ipine pa n die, ori nnị na ọḅọọ fịm sị ólóghó ma pa pịrị, nnị karakárá tẹ́ghẹ̄ ḅárá ma nyánam pịghị Tamuno minini nyẹ ma nyánámam.

1 Kọrịntịapụ 7:14

Ḅẹẹ mininigha deeḅọ ma nnị Tamuno pa n daakị bẹ ḅara ḅụ wárịm nna minini taa ḅụ ḅọ́rọ́ pịghị mininigha táaḅọ ma nnị Tamuno pa a daakị bẹ ḅara ḅụ wárịm nna minini deeḅọ ma ḅụ ḅọ́rọ́. Ḅọ́rọ́ mịma ọkọ fịnịgha, nna awọ Tamuno nímighaapụ fịnị ḅara anịị n fịnị bẹ ḅara; kụma mị́sa anị fịnị ḅara ma nnị Tamuno n daakị bẹ ḅara ḅụ imi.

Ẹ́fịsọsapụ 1:18

A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Ẹ́fịsọsapụ 2:12

Anịsáa ma ḅụ, nnị o fófóomam Krais ḅụ, ọmịnị igoniapụ, pịghị Tamuno sẹ́lẹ́akị Izirẹlịapụ ma na oforii, ọmịnị ọḅọọ ma ḅụ dienyẹ nyanagha, Tamuno mini ori a túminị́ pịrịnyẹ ḅụ gbananyẹ, o mịị tuminikiri bie imim, ọ Tamuno nimigha, ọ pịghị tọ́rụ́ dighinyẹ nyanagha.

Ẹ́fịsọsapụ 4:4

Gbẹ́rẹ́ oju imi, gbẹ́rẹ́ Tẹ́mẹ́ na pịghị gbẹ́rẹ́ tọ́rụ́ dighinyẹ Tamuno go ọ sị nyẹ.

2 Tẹsalonaikaapụ 1:11

Anịị wa go sámámgba tẹ́ghẹ̄ ọ pịrịarịnyẹ, wa pịghị biiarị ḅẹ́ Tamuno pa ọ sị sịị ma ọmịnị anị ḅụ ḅụ́gbẹ́ duma kọọ ori kụ́rọ ḅụ ọ pịghị mịẹsị ọmịnị ine ọ́ mịẹ dọghụ ibinyẹ mamgba mịẹ, sị pịghị ọmịna minini fịrị ma mịẹ kárámá.

2 Timoti 1:9

O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

Hiburuapụ 3:1

Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

Hiburuapụ 9:15

Krais anị ịwọ ọḅọọ ma ḅara saghị ḅoḅọ, sị Tamuno simaapụ ine o minini gbámásó boma ma nyáná bẹ ḅara. Mịma ine kiriakịbẹm ọ fịịmam go, sị siiamịẹnyẹapụ ḅọ́rọ́ma nna siiamịẹnyẹ ḅụ, parị ọḅọọ ma sọ pa imi sa.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

2 Pita 1:10

Anịgo ị́yẹ́ ibi mịnaapụ, ọmịnị ibima ḅụ́kọ́rọ́ma árị ḅẹ́, Tamuno pa ọ sị́ sị ma, na pịghị ọ pa ọ sẹ́lẹ́akị sẹ́lẹ́ ma, anị ọ nana fịnị gbámásom. Ọ ḅọ́rọ́ ọkọ mịẹmịẹ, jẹ́ éné jẹ́ éné ọmịnị ọmịna minini pa ọḅụ gbibịgha.

2 Pita 1:3

Tamuno ori kụ́rọ ḅụ ḅọ́rọ́, wa binyẹ gonyẹ́ gonyẹ́ pa wa pịrịmam mịẹsị wamịnị ine kuu pa Tamuno pịrịbẹ duma kọọ. Ori wa sịḅọ ma ori ipine na ori ibi ḅụ ḅọ́rọ́ mịnanyẹ ma pa wa pịrịm wamịnị ori ma nimi ḅụ ḅọ́rọ́.

Puu Findi 17:14

Nnị owu pa Ánáná Tụwọ ma pághámabẹm, kụ́ma Ánáná Tụwọ ma na ori osiiapụ ma na ọ sẹlẹakịapụ na sẹ́kụrọ ọ pịrị asọduaapụ n sọḅábẹm tegó ori anịị kị́nị́nyánáapụ ma Kị́nị́nyánáḅọ na pịghị ámányánáapụ ma ḅụ Ámányánáḅọ.

Puu Findi 19:9

Anịsáa sookumuḅọ ma warị i ḅẹẹ, mịma gịẹ: <> Sookumuḅọ ma warị jẹ́ dugho, <>