Fịrị Ḅara 17:1 - Ibani New Testament

¹ Pọl na Sailas nna muunyẹ múm Amfipolis na Apoloniya ḅụ ḅọ́rọ́ sị ḅoo Tẹ́salonaika lam nnị Juuapụ kobiri yọ árị ngaa.

Fịrị Ḅara 17:1 ပူးပေါင်းရင်းမြစ်များ

Fịrị Ḅara 14:1

Pisidiya ḅụ fịnị Antịọkụ bie kiriakịnyẹ anị pịghị kiriakịnyẹ Aikoniyọm ḅụ: Pọl na Banabas Juuapụ kobiri yọ ma muum sị Tamuno ẹ́gẹ́rẹ́ ma dugho wásáma, nnị anị dugho wásáma ḅara ma mịẹm sị tọgha Juuapụ na Juughaapụ ḅo mininiapụ sọm.

Fịrị Ḅara 15:21

Ḅẹẹ n Mosis ologho ma dugho wásámāmam opu ama gonyẹ́ gonyẹ́ ḅụ, saghị ḅọlọma sa éné éné nnị pịghị anị googom nna kobiri yọ ḅụ, nna Ịnyọ́sárá Éné gonyẹ́ gonyẹ́ ḅụ.>>

Fịrị Ḅara 16:13

Ịnyọ́sárá Éné ma ḅụ wamịnị ama bie ma warịsom sị mingi aka muu, wa sị ngaa ḅẹ́ wa Juuapụ árịbẹm nnị kobiri sị tẹ́ghẹ̄ bẹ angaá, Wamịnị anị ngaa kpọrọfịnị sị ẹ́gẹ́rẹ́kọọ anị ngaa kobiri ẹ́rẹ́ámáapụ ma pịrịm.

Fịrị Ḅara 17:10

Dii bie láa gbẹ́rẹ́kiri anịị mininiapụ ma Pọl na Sailas fịrịma Beriya muu nyẹ́. Nnị anị ngaa láa sáá, nnị Juuapụ kobiri yọ ma sọm.

Fịrị Ḅara 17:11

Mịnga fịnị túminị́ ma tẹ́mẹ́ sárásárá Tẹ́salonaika ḅụ fịnịapụ ma nẹngịm. Nnị birifama oku ma pughum éné gonyẹ́ gonyẹ́ ḅụ, nnị pịghị Tọ́ndiri ma dáwọm sị nimidọghu Pọl pa n dienyẹ́ ma ḅọ́rọ́ karakárá.

Fịrị Ḅara 17:13

Kụ́ma Tẹ́salonaika ḅụ fịnị Juuapụ náa sáá ḅẹ́ Pọl Tamuno ẹ́gẹ́rẹ́ ma dugho wásámaarị Beriya ḅụ, nnị anị ngaa ḅom sị túminị́ ma timi saghị n ḅẹ́rẹ́ dighi bẹ ḅara.

Fịrị Ḅara 20:4

Sopata, Piirus tụwọ, Beriya ḅụ saghị ḅoḅọ ọ nana múm, anịị pịghị Tẹ́salonaika ḅụ saghị ḅoapụ Aristakọs na Sekondọs, Gayọs Derbe ḅụ saghị ḅoḅọ, Tisikọs na Trofimọs Esiya ḅẹrẹtọ angaá ḅụ sághị ḅoapụ, na pịghị Timoti nnị na muu ḅara.

Fịrị Ḅara 27:2

Wa muu árụ́ ḅụ́lọm Adramitiyum ḅụ lụḅa sii sị Esiya ḅẹrẹtọ ngása fịnị ámá tọ́rụ́aka ḅụ fịnị ámá agbáá, wa wárii suasi. Aristakọs Masidoniya bie fịnị Tẹ́salonaika ḅụ saghị ḅoḅọ wamịnị ná imii.

Filipaiapụ 4:16

Gbẹ́rẹ́ sáá ngéréghaa, a ḅárásua bi sáá Tẹ́salonaika ḅụ, o pa i fịrịmam.

1 Tẹsalonaikaapụ 1:1

Irị Pọl ḅara anịị mị diri ma saghị ḅo nyẹ, Sailas na Timoti sọ bịpị suam, mị diri ma anị ḅo Tẹ́salonaika ḅụ fịnị sọsị ma pịrịm. Tamuno Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na ori diin fịnị ọ pịrị.

1 Tẹsalonaikaapụ 2:2

Ọ kọkọ nimi nnị wa pa tọ́rụ́siarịma ḅara pịghị wa wirikọsị ḅara Filipai ḅụ na wamịnị ọ dámaḅogha sáá Tẹ́salonaika ḅụ. Anịsọnị ḅẹ́ tọghaapụ mini wa pịrịgha, kụ́ma wámịna Tamuno kụrọ kúkúbie pa wa pịrịm sị wamịnị ine ọ ḅarabie saghị ḅo ibi oku ma dugho wásáma ọ pịrịm.

2 Tẹsalonaikaapụ 1:1

Ịrị Pọl ḅara anịị mịị diri ma saghị ḅoo nyẹ, Sailas na Timoti sọ bịpị suam. Mị diri ma anị ḅo Tẹ́salonaika ḅụ fịnị sọsị ma pịrịm Tamuno Daḅọ ma na Kị́nị́nyánáḅọ Jizọs Krais nyáná warị nyẹ.

2 Timoti 4:10

Demas mị tuminikiri ma ḅẹ́lẹ́mam gosi ori i kọ́rọ́ma soó Tẹ́salonaika múm. Kresensi soó Galesia múm, Taitọs warị Dalimasia muu.