Fịrị Ḅara 16:12 - Ibani New Testament

¹² Anị ngaa wa ḅọ́rọ́ mú Filipai lam, Masidoniya ḅẹrẹtọ yọ ḅụ fịnị gbẹ́rẹ́ ama, ama ma so Rom sughubie imii, wa tọgha dii fịnịm anị ngaa.

Fịrị Ḅara 16:12 ပူးပေါင်းရင်းမြစ်များ

Fịrị Ḅara 16:10

Pọl mị múnogha dáwọ ma a árịfáma gbẹ́rẹ́kiri, wamịnị anị gbẹ́rẹ́kiri tẹ́lẹ́mam sị sághị Masidoniya muum tegó wa tọpẹ́lẹ́m ḅẹ́ Tamuno wa sịmam ḅẹ́ wa ḅo ori ibi oku ma dugho wásámáa anị ngaa.

Fịrị Ḅara 16:21

Nnị wámịna ologho na kuragha mịẹmịẹnyẹ anịị n diearị nyẹẹ. Wamịnị Romapụ wamịnị ine mịnanyẹ ma daákịbịgha, anịgha anị pa fịrị ḅụ suu.>>

Fịrị Ḅara 16:9

Anị éné dii ma ḅụ Pọl múnogha dáwọkọm gbẹ́rẹ́ Masidoniya ḅo, sẹ́fịnị sị o tẹ́ghẹ̄arị ḅo ḅẹẹ, <<Ḅọ́rọ́ Masidoniya ḅoo sị ḅárásua wa pịrịị.>>

Fịrị Ḅara 18:5

Sailas na Timoti ḅo Masidoniya láa sáá, Pọl ori sáá fámam, Tamuno ẹ́gẹ́rẹ́ ma dugho wásámaarị, pịghị dugho págháma Juuapụ ma pịrịarị ḅẹẹ, Jizọs ori anịị n Pulo pa Sịbị Saraḅọ ma.

Fịrị Ḅara 19:21

Mịnanyẹ ma kiriakịfama sáá, Pọl warị ọ tẹ́mẹ́bie tọ́ọ pẹ́lẹ́ ḅẹ́ ọ Masidoniya na Akaya ḅụ ḅọ́rọ́ muu Jerusalem láabẹm. O warị ḅẹẹ, <>

Fịrị Ḅara 19:29

Mịị silé ma ámá gbọrụ ikélémam. Túminị́ ma warị Gayọs na Aristakọs, Pọl na nyẹ muarị Masidoniyaapụ ma fọ́nọ́ ámáogbo ma ḅoo.

Fịrị Ḅara 20:1

Silé ma yaghúu fama sáá, Pọl mininiapụ ma sị kobirim, sị biekụ́rọ́ma ẹ́gẹ́rẹ́kọọ n pịrị ḅẹ́, ọmịnị ibima fịnịị ọ warị nnị wáriso sị soo Masidoniya muu.

Fịrị Ḅara 20:3

ọ tẹ́rẹ́ akalụ́ fịnịngaa. Ọ tẹ́lẹ́maarị ọ ḅara warị Siriya muu bẹ ḅara, o ḅo nimiḅo sáá ḅẹ́ Juuapụ imi diatughu ọ pịrịmáapụ ọ warị Masidoniya ḅụ ḅọ́rọ́ pịghịma sọọ.

Fịrị Ḅara 20:6

Wa Filipai ḅụ árụ́ sim, n Yisti bie Ofori Fịturu Álálị ma fị so sáá, sọ́nọ́ a dii ḅo ḅọ́rọ́ sáá, wa ḅo nnị na donam Troas ḅụ, warị anị angaá sọ́nọ́ma dii fịnịị.

Fịrị Ḅara 27:2

Wa muu árụ́ ḅụ́lọm Adramitiyum ḅụ lụḅa sii sị Esiya ḅẹrẹtọ ngása fịnị ámá tọ́rụ́aka ḅụ fịnị ámá agbáá, wa wárii suasi. Aristakọs Masidoniya bie fịnị Tẹ́salonaika ḅụ saghị ḅoḅọ wamịnị ná imii.

Romapụ 15:26

Masidoniya na Akaya bie fịnị sọsị ma bieḅẹlẹ ḅụ nyẹ ósó pa ḅárásua Jerusalem bie fịnị sị minini igonyiapụ ma pịrịm.

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

Filipaiapụ 1:5

Tegó ọ ḅárásua i pịrịmaá ḅara mịị ibi oku ma fịrị ḅụ, parị éné ma ḅụ akị ḅo mị́sa láa.

1 Tẹsalonaikaapụ 2:2

Ọ kọkọ nimi nnị wa pa tọ́rụ́siarịma ḅara pịghị wa wirikọsị ḅara Filipai ḅụ na wamịnị ọ dámaḅogha sáá Tẹ́salonaika ḅụ. Anịsọnị ḅẹ́ tọghaapụ mini wa pịrịgha, kụ́ma wámịna Tamuno kụrọ kúkúbie pa wa pịrịm sị wamịnị ine ọ ḅarabie saghị ḅo ibi oku ma dugho wásáma ọ pịrịm.