Fịrị Ḅara 15:4 - Ibani New Testament

⁴ Nnị ḅo Jerusalem la sa, mininiapụ ma na nfịrịmaapụ ma na sẹ́nịapụ ma n datérémam mịnaapụ ma anịị nnị Tamuno nnị pa nwángị fịrị mamgba dugho pịrịapụ.

Fịrị Ḅara 15:4 ပူးပေါင်းရင်းမြစ်များ

Matiu 10:40

<<Ọ dakóróma ḅo gonyẹ́ gonyẹ́ i dakórómam, pịghị i dakóróma ḅo fịnịfịnị Tamuno ma dakórómam.

Fịrị Ḅara 11:30

Nnị mịma mịẹm warị igbii ma pa sọsị sẹ́nịapụ ma fịrịma Sọl na Banabas ḅara.

Fịrị Ḅara 14:27

Nnị ḅo Antịọkụ láa sa, nnị sọsịapụ ma kobirim sị dugho n pịrị Tamuno nnị pa nwángịmáa fịrị, ọ pịghị asọ findi Juughaapụ pịrịmaá ḅara sị n mininii.

Fịrị Ḅara 15:12

Túminị́ mamgba mịnị ine ẹ́gẹ́rẹ́gha, nnị Pọl na Banabas náa n dugho págháma sáá, Tamuno n pa nwángịmáa opuma tọ́rụ daa nyẹ na ḅụ́gbérépuma fịrị Juughaapụ ma bie.

Fịrị Ḅara 15:2

Pọl na Banabas warị mịma go, nnị na opuma nụná nnị warị Pọl na Banabas na pịghị jẹ́apụ Antịọkụ ḅụ fịnịapụ tọ́ọ ḅẹ́ nnị Jerusalem muu sị muu nfịrịmaapụ ma na sẹnịapụ ma arịị mị ḅẹ́rẹ́ ma go.

Fịrị Ḅara 15:22

Anịsáa, nfịrịmaapụ ma na sẹ́nịapụ ma na sọsị gbọrụ warị nna ogbobie jẹa túminị́ sẹlẹakị warị nnị pa Antịọkụ fịrịma, nnị na Pọl na Banabas. Nnị mmẹẹ́ a túminị́ sẹ́lẹ́akịm, mininiapụ ma opuma osigha nyáná pịrịapụ, Judas nnị Basabas pa sịḅọ na Sailas.

Fịrị Ḅara 15:3

Sọsị ma, anịị mị fịrị ma pa nnị fịrịma nyẹ nnị warị Fonisiya na Sameriya ḅụ ḅọ́rọ́ dughoarị Juughaapụ ma pịghị Tamuno asọ duamaa ḅara, mị dughonyẹ ma warị opu bieḅẹlẹ akuoo mininiapụ ma ogbobie.

Fịrị Ḅara 15:6

Nfịrịmaapụ ma na sẹ́nịapụ ma kobirim ḅẹ́ nnị sịbịbie kịẹ anị pịrị.

Fịrị Ḅara 16:4

Nnị gbẹ́rẹ́ ama wáriso mú isi ngányẹ láa sáá, nnị nfịrịmaapụ ma na sọsị sẹ́nịapụ ma ḅẹ́rẹ́pẹ́lẹ́ bịpị Jerusalem ḅụ dugho n pịrị ḅẹẹ, n mịná ologho ma wárii.

Fịrị Ḅara 18:27

Apọlọs warị ọ tẹ́mẹ́bie tọ́ọ pẹ́lẹ́ sị warị ḅọ́rọ́ Akaya muu, Ẹ́fịsọs ḅụ fịnị mininiapụ ma ḅárásua ọ pịrịm, nnị ábálálá gịẹ pa Akaya ḅụ fịnị mininiapụ ma pịrịm ḅẹẹ nnị ọ daa kórómaa. Ori anị ngaa láa sáá, o ḅo opu ḅárásua ḅo sọ, Tamuno tọ́rụ́kụrụkụ́rụ́ ḅụ ḅọ́rọ́ ḅo mininimáapụ ma pịrịm.

Fịrị Ḅara 21:17

Wa mú Jerusalem láa sáá, mininiapụ ma ibiḅara pa wa daa kórómam.

Fịrị Ḅara 21:19

Pọl sịbịpị pa n siim warị ḅo nyẹ fịnị ḅara mamgba dugho nnị pịrị Tamuno ọ ḅara pa nwángịmáa fịrị mamgba Juughaapụ ogbobie.

Romapụ 15:18

A bịpị findi jẹ́nyẹ gobịgha, kụ́ma Krais i pa nwángịmáa fịrị ngéré gbólómanyẹ anịị a dugho bẹnyẹ, anịị asọ pa Juughaapụ ma die ḅẹ́ nnị Tamuno ma osii. A mịma mịẹmam ẹ́gẹ́rẹ́ ḅụ na pịghị fịrị ḅara ḅụ,

Romapụ 15:7

Ọ jụghọ jụghọ daakị, Krais ma sọ anịsa ọ daákịmaá ḅara sị túminị́ Tamuno ma túmíní.

1 Kọrịntịapụ 15:10

Kụ́ma Tamuno tọ́rụ́kụrụkụ́rụ́ ḅụ a mịị fịnị ḅara ma fịnịm, ọ nyáná i pịrị tọ́rụ́kụrụkụ́rụ́ papa faghaa, ọkọgha, a ịnyọsua fịrịnwangị nnị kị́nị́mamgba nẹngịm, anịsọ irịgha kụ́ma Tamuno ma tọ́rụ́kụrụkụ́rụ́ iḅụbie fịrịnwangịarị nyẹ.

2 Kọrịntịapụ 5:19

Wámịna oku dughoarị ḅẹẹ Tamuno Krais ḅụ ḅọ́rọ́ tuminikiri gbọrụ pa ọrẹ nángwọ́apụ mịẹarị Tamuno nna sii kịẹ kubirigha, kụ́ma ori oku ma pa wa pịrịmam, dugho pághámaarị nyẹ ọ ḅara warị nangwọapụ pa nnị mịẹarị ḅara.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Kolosiapụ 4:10

Ijẹa ikólinaḅọ Aristakọs, fịrịmam ḅẹ́ a obifama, Mak, Banabas mị́naḅọ sọ fịrịmam ḅẹẹ a obii. Nnị bịpị pa ọ pịrịmam Mak gbolomanyẹ, o ḅoo ḅo ọmịnị ọ daakórómaa.

2 Jọn 1:10

Anịgo, ḅọ́rọ́ kị́nị́ ọ damaḅom sị mị dienyẹ ma akuogha, anị tumḅọ ma daa ị wárị suu ma, pịghị ọ ḅẹ́ ma ḅẹ́ diin ị nana fịnị.