Fịrị Ḅara 15:20 - Ibani New Testament

²⁰ Anịmanakaragha wa ábálálá gịẹ nnị pịrịbẹm ḅẹ́ nnị nna ḅụ fófóoma túminị́ pa igwagwaá oru pịrị fị́nyẹ ḅụ, tegó nnị anị pa igwagwaá oru pịrịm gosi, n pịghị nna ḅụ si yáakuu ḅụ ofori nwángị ḅụ, ḅẹẹ nnị pịghị n nụ́nụ́ḅa nama pẹẹ́ ma, anịgha pulo ḅuu.

Fịrị Ḅara 15:20 ပူးပေါင်းရင်းမြစ်များ

Fịrị Ḅara 15:29

Ọmịnị nnị pa igwagwaá oru pịrị nama pẹẹ́ ma, pulo oju ḅụ págháḅoarị nama pẹẹ́ ma, n pịghị nnị nụ́nụ́ḅa nama pẹẹ́ ma, ọ pịghị ọ ḅụ si yáakuu ḅụ ofori nwángị ḅụ. Ọ ḅọ́rọ́ ọ ḅụ warị warịị mịnanyẹ ma ḅụ, ọmịnị ibiḅara mịẹbẹm. Ọmịnị ibima fịnị.>>

Fịrị Ḅara 21:25

Kụ́ma ḅo mininimaa Juughaapụ ma wa ábálálá pa nnị fịrịmamam ḅẹ́ n jẹ́ éné jẹ́ éné nnị n pa igwagwaá oru pịrị fị́nyẹ fị ma, anịgha pulo táḅa, anịgha n ḅa sị pulo anị bie sara págháa nama pẹẹ́, ḅẹ́ n pịghị nna ḅụ fófóoma yáakuu ḅụ ofori nwángị ḅụ.>>

1 Kọrịntịapụ 5:11

A dughoarịnyẹ anị ḅẹẹ ịrịị ọ nana mịẹgbólómanyẹ nyánáma, Krais ḅụ mininiḅọ pa amịna ḅụ sịḅọ. Kụ́ma n ḅọ yáakuu ḅụ ofori nwángị kọọarị anịgha opu tọ́rụ́ nyánam anịgha n ḅara pa kárányẹ tẹ́ghẹ̄arị, anịgha n ḅọ kị́nị́ dughosima ḅọ, anịgha iru ḅụ tọ́rụ́ ḅáma ḅọ, anịgha fúrúḅọ. Anị tumḅọ ma anị ibighaa ịrị ọ nana kpọrọfịnị sị nyẹ́fịị.

1 Kọrịntịapụ 6:13

Gbẹ́rẹ́ḅọ ḅẹẹbẹm ḅẹẹ, <> Kụ́ma Tamuno mịná mmẹẹ́ ma gulugulumabẹm, ojumẹnị ma anịị tumḅọ pa yáakuu ḅụ ofori nwángị kọọ bẹ nyẹ́gha, kụ́ma nnị anị pa fịrịnwangị Tamuno pịrịị. Tamuno anịị pịghị oju ma siḅearị ḅọ

1 Kọrịntịapụ 6:18

Mangịị soo yáakuu ḅụ ofori nwángị ḅụ. Tumḅọ mịẹarị sii mamgba nna oju na mịẹnyẹ nyanagha, kụ́ma yáakuu ḅụ ofori nwángị kọḅọ siinyẹ pa amịna oju mịẹm.

1 Kọrịntịapụ 6:9

O nimigha ḅẹẹ siinyẹ mịẹarịapụ ma Tamuno amadakiri ma nyánáḅobịgha, ọmịnị oḅori pa ọ ḅụ sima, n kárányẹ tẹ́ghẹ̄arịapụ, anịgha yáakuu ḅụ ofori nwángị kọ́arịapụ anịgha amịna jẹ́ owiapụ na munoarịapụ

1 Kọrịntịapụ 7:2

Kụ́ma yáakuu ḅụ ofori nwángịma opuma bim gosi, owitụ́wọ gonyẹ́ gonyẹ́ amịna táa nyáná, ọ́rụ́ḅọ gonyẹ́ gonyẹ́ sọ amịna dee nyánáa.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

2 Kọrịntịapụ 12:21

Ḅáláfa ịḅụ imii ḅẹẹ, a aningáa la bẹ sa parị sáá mịẹnyẹ, pịghị sima mịẹbẹm Tamuno i siminimabẹm ọmịna toruku. Ḅáláfa ịḅụ imi ḅẹ́ a owubẹm parị sa pa ịlọ́lị duma kọ́arịapụ gosi, na pịghị ḅụ́gịrịrịma duma kọ́arịapụ gosi.

Galesiaapụ 5:19

Siiamịẹnyẹ ojumẹnị ma nwángịarị fịrị kị́nị́mamgba arịarị, mịị anị: yáakuu ḅụ ofori nwángị kọọ, ịlọ́lị duma, obiri ḅara pa nyẹ mịẹ,

Ẹ́fịsọsapụ 5:3

Ọmịnị kọkọ Tamuno túminị́, anịgo anị ibighaa ḅẹ́ yáakuu ḅụ ófórigha nwángị kọọ anịgha, ịlọ́lị duma anịgha oputọrụ, ḅẹ́ nnị anị gbolomanyẹ goo o mịná bie.

Kolosiapụ 3:5

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

1 Tẹsalonaikaapụ 4:3

Ḅẹẹ mịị Tamuno binyẹ, ḅẹẹ ọ tọ́ntọ́ ḅụ fịnị ḅẹ́, gbẹ́rẹ́ḅọ sọ yáakuu ḅụ ófórigha nwángị kọma, ọkọfịnị nyẹ ḅụ ọ gbẹ́rẹ́ sáá ọ ḅụ fóofóo ma.

Hiburuapụ 12:16

Gbẹ́rẹ́ḅọ so sẹ́fịma, anịgha Tamuno nimighaḅọ dighi Esọ o kiri dẹ́rịḅọ parị tụwọ ḅara gbẹ́rẹ́ fị́nyẹ bọlị gosi.

Hiburuapụ 13:4

Ẹ́rẹ́yáa anị kị́nị́mamgba opu osigha pa pịrị na ibinyẹ, deeapụ na taapụ na jụghọ jụghọ ḅụ minini na ibim, Tamuno ḅẹ́rẹ́kọbẹm ama dọghụapụ ma sịbị na pịghị yáakuu ḅụ ofori nwángị kọ́arịapụ ma sịbị.

1 Pita 4:3

Ọ tọgha sa ngumamam ḅọ́rọ́maa sa, ọ Tamuno nímighaapụ ma dua n mịẹarịnyẹ mịẹ sa, ọmịnị ọmịna duma famam, ḅụ ọlọgha ámánwángị, kuraghaa nyẹ pụghọ tarị, iru ḅụ tọ́rụ́ḅáma, fị na ḅụ bieḅẹlẹ, iru ḅụ ti kóróma, pịghị oḅori pa kị́nị́ sị, opuma ḅụ pa n kara tamuno tẹ́ghẹ̄ pịrị.

Puu Findi 10:2

Ọ ḅarabie o findi gbẹ́rẹ́ kálá iko diri ọlọm. Ori ọrẹ amaḅara ḅụọ pa tọ́rụ́ ḅụ gbánam warị ori ẹ́rẹ́ḅara ḅụọ pa kiri ọ́gọ́nọ gbánāa.

Puu Findi 10:8

Anịsáa sobie a parị naamaá pụghọ ma sima ẹ́gẹ́rẹ́ i pịrịm ḅẹẹ, <>

Puu Findi 2:14

Kụ́ma a jẹ́ kálányẹ nyánam a pa ọmịnị ọlọọ bẹnyẹ: ọmịna ḅụ jẹ́apụ Balaam dienyẹ ma duaarị Balak dieḅọ nnị Izirẹlịawọ daa mú siinyẹ bie suu bẹ ḅara, ori n suma ḅara ḅẹẹ nnị n pa igwagwaá nkára tamuno pịrị fị́nyẹ fịị sị pịghị yáakuu ḅụ ófórigha nwángị kọọ.

Puu Findi 2:20

<

Puu Findi 9:20

Mịị tẹ́rẹ́ tọ́rụ́siarị díghíarị ḅụḅáláḅálá ma ḅaghaapụ sị kọapụ ma, n mịnị nna mịẹnyẹ ḅụ pịghịgha, n pa susi oru pịrịarị, na pịghị nnị odoḅala pa kara nyẹ na pị́naḅala nyẹ, ọjọ bala nyẹ, dapịrị na sị na, mịnanyẹ anịị n kárányẹ, ine nyẹ arịgha nyẹ, nyẹ naagha nyẹ anịgha ine nwángịgha nyẹ.