Fịrị Ḅara 13:43 - Ibani New Testament

⁴³ Kobiri ma kunema, tọgha Juuapụ na tọgha Juughaapụ, Juuapụ tẹ́ghẹ̄ ḅara ogbo sọmaapụ Pọl na Banabas duam nnị na ẹ́gẹ́rẹ́apụ sị n tẹ́mẹ́ mịẹ kụ́rọ́ma ḅẹẹ nnị Tamuno tọ́rụ́kụrụkụ́rụ́ ḅụ sẹrẹrẹ toruku muu.

Fịrị Ḅara 13:43 ပူးပေါင်းရင်းမြစ်များ

Matiu 23:15

<

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Fịrị Ḅara 13:50

Kụ́ma Juuapụ ma mú ama ma bie opu kiri ḅụ fịnị sị Tamuno dighi ḅáláfaarị ẹ́rẹ́ na ama ma bie sịbịdáapụ ma timi sághịm. Nnị warị Pọl na Banabas pa tọ́rụ́siarịma warị n deesi anị ḅẹrẹtọ yọ ngaa.

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

Fịrị Ḅara 14:3

Pọl na Banabas aningáa fịnị ḅọlọm, pịghị ḅáláfaghaa ḅara pa Kị́nị́nyánáḅọ gbolomanyẹ dugho pághámam, ọ pịghị diem ḅẹẹ nna oku, ori tọ́rụ́kụrụkụ́rụ́ gbolomanyẹ, karakárányẹ o kụrọ pa nnị pịrị sị nnị ḅụ́gbérépuma nyẹ na tọ́rụ́ nẹ́ngị fịrị nwángịị bẹ ḅara.

Fịrị Ḅara 16:14

Lidiya, Tiyatira ḅụ saghị ḅoḅọ anịị wa naáapụ ma ḅụ gbẹ́rẹ́ḅọ, opu igbii láa bịtẹ anịị a dẹrịarị nyẹ. Mịị ọ́rụ́ḅọ ma anịị susi Tamuno pịrịarị ọ́rụ́ḅọ, Kị́nị́nyánáḅọ warị a kúkúbie findi sị a birifama Pọl dugho pághámaarị oku ma pịrịm

Fịrị Ḅara 17:17

Anịgo ọ warị Juuapụ kobiri yọ ma ḅụ, Juuapụ na Juughaapụ Tamuno dighi ḅáláfaarịapụ ma na dughonyẹ́ nyána ọ pịghị éné gbọrụ gbọrụ ámáogbo ma ḅoapụ na dughonyẹ́ nyánáarị.

Fịrị Ḅara 17:34

Jẹa owiapụ ḅo o duam sị pịghị mininii, Dionisiosi pịghị nna ḅụ gbẹ́rẹ́ḅọ, pịghị ámáḅẹ́rẹ́dughoapụ ḅụ gbẹ́rẹ́ḅọ, nnị Damaris pa sị gbẹ́rẹ́ḅọ sọ nna bie imii, na pịghị jẹapụ na.

Fịrị Ḅara 17:4

Nna ḅụ jẹapụ mịnyẹ ma n ḅụ́koróm, n warị Pọl na Sailas dua, anị gbẹ́rẹ́ ḅara ma anịị sịbịdá ẹ́rẹ́ámáapụ ma na pịghị Tamuno dighi ḅáláfaarị Girikiapụ ma sọ n dua ḅara.

Fịrị Ḅara 18:7

Ọ warị n wáriso sị so mú gbẹ́rẹ́ Juughaa ḅọ n Taitọs Jọstọs pa sịḅọ na ngaa, Tamuno nimi tumḅọ, ịrị ọ wárị ḅọ́rọ́ gbẹ́rẹ́kiri ị Juuapụ kobiri yọ ma lam.

Fịrị Ḅara 2:10

Jẹapụ Frigiya na Pamfiliya, jẹapụ Ijipiti na pịghị Libiya mparanga Sirini na kikianyẹ, wámịna ḅụ jẹapụ, Rom ḅụ saghịḅom.

Fịrị Ḅara 28:23

Nnị warị pịghị éné pẹ́lẹ́ ọ pịrị, nnị pẹ́lẹ́ éné ma ḅụ n pịghị ibiḅara pa ḅom ọ fịnịngaa ma ḅụ sị dedebie akị mú ḅupiri láa, ọ sanguma so amadakiri ẹ́gẹ́rẹ́ ma dughofindi n pịrịm, ọ pịghị asọ dọ́ghụm nnị Jizọs gbolomanyẹ akanyaḅo o Mosis ólóghó diri ma na ikiakoroapụ ma gịẹnyẹ goo n pịrị ḅara.

Fịrị Ḅara 6:5

Nfịrịmaapụ ma dughonyẹ ma opuma mininiapụ mamgba ḅụḅẹ́lẹm, nnị warị Sitivin sẹlẹ pághámaḅo, ori míníni ibima kụrọḅọ, Tọ́ntọ́ Tẹ́mẹ́ sọ ọ ḅụ imi, pịghị Filipụ na Prokoros na Nikano na Timọn na Pamanas na pịghị Nikolasị Antịọkụ ḅụ saghị ḅo Juughaḅọ, kụ́ma pịghịmam sị saghị Juuapụ ḅara pa Tamuno tẹ́ghẹ̄.

Romapụ 11:6

Tamuno túminị́ sẹlẹakiarị ori tọ́rụ́kụrụkụ́rụ́ ḅụ ḅọ́rọ́, nnị nwángị fịrị ḅụ ofori, anị ḅọ́rọ́ nna fịrị ḅụ ḅọ́rọ́, tọ́rụ́kụrụkụ́rụ́ mịnị tọ́rụ́kụrụkụ́rụ́bịgha.

Romapụ 3:24

Tamuno ọ ḅụ na wa mịẹ karakárámamam Krais ḅụ ḅọ́rọ́ wámịna dụapághámaḅo, ọ papa die wa pịrịnyẹ. Túminị́ karakárá ibiamịẹnyẹapụ sọm Krais Jizọs ḅụ ḅọ́rọ́, nna duapághámaarịḅọ.

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Romapụ 5:21

kunema, sii fịị kụ́rọ pa túminị́ taa ḅara ma, anị gbẹ́rẹ́ ḅara ma Tamuno ma tọ́rụ́kụrụkụ́rụ́ ma taám, karakárá ibiamịẹnyẹ ḅụ, sị wamịnị akuoo duma gbámásó bie suu wámịna Nyánáḅọ Jizọs Krais ḅụ ḅọ́rọ́.

2 Kọrịntịapụ 5:11

Wa nimim Kị́nị́nyánáḅọ dighi ḅáláfa dughoarịnyẹ, anịgo, wa ḅụ́kọ́rọ́ma túminị́ tẹ́ghẹ̄m. Tamuno káara ḅara pa wa nimim, ọmịnị sọ pịghị wa nimim.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 5:1

Krais ḅụ́nyana pa wa pịrịmam. Mị́sa árị ḅẹ́ ọ ḅụ́nyánáapụ ḅara pa fịnịm. Ọ́mị́nị́ jẹ́ pa ómóni sọ ólóghó ma pịrịma.

Galesiaapụ 5:4

Ọmịnị ólóghó ma koko ḅụ ḅọ́rọ́ Tamuno na karakárá ḅụ fịnị dọghụapụ, ọmịnị ọmịna ḅụ fófóomámam Krais ḅụ, ọ Tamuno ma tọ́rụ́kụrụkụ́rụ́ ḅụ sóóró pághámam.

Ẹ́fịsọsapụ 2:8

Tegó Tamuno tọ́rụ́kụrụkụ́rụ́ gosi anịị ọ ḅọ́rọ́ma nyána nyẹ minini ḅụ ḅọ́rọ́ mịma Tamuno ḅara anịị anị sághị ḅo nyẹ ọmịna ḅárabiegha anịị Tamuno dienyẹ,

Filipaiapụ 3:16

Anị fịnị ḅara fịnị ḅara wa pa tórúku mú, pa wa duarị ólóghó ma dua mú mị́sa láa.

Filipaiapụ 4:1

Anịma gosi, ịyẹa nángwọ́apụ, ọmịnị a ḅẹlẹma sị anị dọghụapụ, ị́yẹ́ bieḅẹlẹ na ị́yẹ́ ogunu. Mị ḅara ma anịị ọ pa sẹ́kụrọ bẹnyẹ Kị́nị́nyánáḅọ ma bie, ịyẹa nángwọ́apụ.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:28

Wamịnị o dugho wásámam, opu níminyẹ ḅụ nyẹ pa kị́nị́mamgba diearị pịghị nna biri nụ́nụ́arị, sị wa kị́nị́mamgba akuoo bẹ ḅara Krais toruku kpain ḅara ḅụ.

Taitọs 2:11

Ḅẹẹ Tamuno tọ́rụ́kụrụkụ́rụ́ dụaḅọ́rọ́ma akuoarị nyẹ anị ḅụ pa túminị́ mamgba diemam.

Hiburuapụ 12:15

Ọmịnị árị ḅẹẹ, ọ Tamuno tọ́rụ́kụrụkụ́rụ́ pa ọḅụgbigha. Gbẹ́rẹ́ḅọ sọ si lakpo nyánáma sị anị wáriso anị sẹnị ḅo opuma ḅẹ́rẹ́ dighi kị́nị́mamgba pịrị.

Hiburuapụ 13:9

O minima tọ́rụ́kịrịkị́rị́ dienyẹ ọ daa irima karakárá asọ ma ḅụ. Anị ibim ḅẹẹ tumḅọ biebẹ ịnyọ nyáná ḅo Tamuno tọ́rụ́kụrụkụ́rụ́ ḅụ, mịnị saghị fị́nyẹ ólóghó kokogha, ọmịna bie mị ólóghó ma kokoapụ, mị ólóghó ma so ḅárásua n pịrịgha.

1 Pita 5:12

Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

1 Jọn 2:28

Pịghị mị́sa, ị́yẹ́ ibi awọ, ọmịnị ọ nana gbẹ́rẹ́ ḅụ ḅụ fịnị, si ori ọ ḅụ diepágháma bẹ sa, wa tẹ́mẹ́kụ́rọ nyánábẹm si téghelébịgha ḅara sị mú ḅọghu ori ḅo ma ḅụ.

2 Jọn 1:9

Krais dienyẹ ma wáriso ḅọ gonyẹ́ gonyẹ́ sị jẹ́ asọdua, nḅọ Tamuno nyanagha, kụ́ma dienyẹ ma ḅụ fịnịḅọ gonyẹ́ gonyẹ́ Daḅọ ma na Tụ́wọ ma na nyánam.