Fịrị Ḅara 11:23 - Ibani New Testament

²³ Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Fịrị Ḅara 11:23 ပူးပေါင်းရင်းမြစ်များ

Matiu 16:24

Anịsáa Jizọs warị dugho ori ọḅụduaapụ pịrị, <<Ḅọ́rọ́ i dua bẹḅọ fịnịfịnị, anịḅọ ma n ḅọ ḅụ pighibẹm sị n ḅọ mgbẹsẹ sị́ dighi akị sị i dua.

Ibi Oku Ma Mak Anị Gịẹ Ḅara 2:5

Jizọs nna minini láa ḅara árị sáá, Jizọs ḅụọ na ḅara fịịḅọ ma ḅẹm, <>

Ibi Oku Ma Jọn Anị Gịẹ Ḅara 15:4

Ọmịnị iḅụbie fịnị, ịrị ma sọ ọmịna ḅụbie fịnị. Anị ḅụ ngéré mgbọ́lụ sua bẹ sị ḅara ofori; anị grepụ árị́dii ma ḅụ fịnịgha fịnịgha. Anị gbẹ́rẹ́ ḅara ma ọmịnị ine sịịmgbọlụ suabịgha ọ ḅọ́rọ́ iḅụbie fịnịgha.

Fịrị Ḅara 13:43

Kobiri ma kunema, tọgha Juuapụ na tọgha Juughaapụ, Juuapụ tẹ́ghẹ̄ ḅara ogbo sọmaapụ Pọl na Banabas duam nnị na ẹ́gẹ́rẹ́apụ sị n tẹ́mẹ́ mịẹ kụ́rọ́ma ḅẹẹ nnị Tamuno tọ́rụ́kụrụkụ́rụ́ ḅụ sẹrẹrẹ toruku muu.

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

Fịrị Ḅara 14:26

Anị ngaa ḅọ́rọ́ nnị dọghụ so Antịọkụ ḅom, nnị n saghị Tamuno tọ́rụ́kụrụkụ́rụ́ ḅụ sua ngaa, mị́sa n nwángị kárámá ma fịrị.

Fịrị Ḅara 15:40

Pọl, Sailas sẹlẹakịm sị soo, mininiapụ ma warị n saghị Kị́nị́nyánáḅọ tọ́rụ́kụrụkụ́rụ́ ḅụ sua.

Fịrị Ḅara 20:24

Iyẹ duma iḅụ sọ́nyẹ sọ́gha, a binyẹ a pa ine iyẹ fịrị ma nwángị sịbị láama, si pịghị ine Wányánáḅọ Jizọs Krais pa i fịrịma fịrị ma nwángị fama, fịrịị ma anịị Tamuno tọ́rụ́kụrụkụ́rụ́ ibi oku ma dugho wásáma.

Fịrị Ḅara 20:32

<

Fịrị Ḅara 4:36

Ori anịị mịị Josẹf ma, Livai furotụ́wọ nnị pịghị Saiprọs ḅụ yiiḅọ, nfịrịmaapụ ma Banabas pa sịḅọ (anịị <>)

Romapụ 12:8

ḅọ́rọ́ kị́nị́ tẹ́mẹ́ kụrọma, n ḅọ ọkọ mịẹ. Nyẹ die jẹapụ pịrịarịḅọ gonyẹ́ gonyẹ́ ḅara findi ma pịrị, ḅọ́rọ́ sịbịdá anị ị́yẹ́ dienyẹ i Tẹ́mẹ́ mamgba pa anị mịẹ, ḅọ́rọ́ lolomakúkúbie bieḅẹlẹ pa anị mịẹ.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

2 Kọrịntịapụ 1:17

A mịma tọarị sa, a sárásárá ḅara pa ịḅụ warịị́? A iyẹ nyẹ tọarị sa a tuminikiriapụ ḅara pa anị tọ́ọ, sị tẹ́lẹ́ma fịnị sị <> na <> ḅẹ́ anị gbẹ́rẹ́sa ma ḅụ?

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Kolosiapụ 1:6

ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

2 Timoti 3:10

Ịrị kọkọ ị́yẹ́ dienyẹ mamgba nimi, ị́yẹ́ duma ḅara, a goo a mịẹarịnyẹ mịẹnyẹ, ị́yẹ́ minini, ị́yẹ́ inéma, ị́yẹ́ ḅẹlẹma, ị́yẹ́ ngịrịma.

1 Pita 5:12

Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.

1 Jọn 2:28

Pịghị mị́sa, ị́yẹ́ ibi awọ, ọmịnị ọ nana gbẹ́rẹ́ ḅụ ḅụ fịnị, si ori ọ ḅụ diepágháma bẹ sa, wa tẹ́mẹ́kụ́rọ nyánábẹm si téghelébịgha ḅara sị mú ḅọghu ori ḅo ma ḅụ.

3 Jọn 1:4

Mịma nẹ́ngịma bieḅẹlẹ ofori a ḅo náa sa ḅẹ́ ị́yẹ́ awọ karakáráma ḅụ asọ nwángịarị.

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.