Fịrị Ḅara 1:3 - Ibani New Testament

³ Dii a mmẹẹ́ si, ọ fịịfama sáá, ori ọḅụ pa nnị diem tọgha sa, na pịghị asọ kịrịkị́rị́ ḅụ, diearịnyẹ tẹ́mẹ́ mmẹẹ́ mmẹẹ́ mịẹgha ḅụ ḅẹ́ o dumam. Nnị ori arịm ọ pịghị nnị ná Tamuno amadakiri ma gbólómanyẹ dughom.

Fịrị Ḅara 1:3 ပူးပေါင်းရင်းမြစ်များ

Matiu 21:43

<

Matiu 28:9

Buapághá ḅara ḅụ Jizọs nnị na donam warị sịbịpị pa n sị. Nnị warị mangị ọ damaḅo ọ ḅụọ ku sị susi ọ pịrị.

Matiu 3:2

<<Ọ sii ḅụ pịghị tegó so ama ásẹ́mẹ́kiri ma kikiamam.>>

Matiu 4:2

Ọ dii amẹsi pa ḅurukụ́ma fama sáá ḅa na dii na, fị́nyẹ ḅoo ọ tárịm.

Ibi Oku Ma Mak Anị Gịẹ Ḅara 16:19

Kị́nị́nyánáḅọ Jizọs nnị na ẹ́gẹ́rẹ́ fama sáá, nnị ori akị sobie múm, sị muu Tamuno amaḅaranga kpọrọfịnị.

Ibi Oku Ma Jọn Anị Gịẹ Ḅara 20:26

Gbẹ́rẹ́ wiki ḅo ḅọ́rọ́ sáá Jizọs ọḅụduaapụ pịghị sima warị bie imi. Tọmọs sọ nnị na imim. Ḅụ́pọ́ ma ikasim n ḅẹ́sọ, Jizọs ḅo nnị ogboku bie sẹm sị dugho ḅẹẹ, <>

Ibi Oku Ma Jọn Anị Gịẹ Ḅara 21:1

Mịma ḅọ́rọ́ sáá, Jizọs sima ọ ḅụ pa ori ọḅụduaapụ diem Tiberios tọ́rụ́ angaá. Mịị anị kiriakị ḅara:

Ibi Oku Ma Jọn Anị Gịẹ Ḅara 21:14

Mịị tẹ́rẹ́ kárámá sáá Jizọs ọ ḅụ pa ori ọḅụduaapụ die nyẹ ọ fịị ḅụ saghị fama sáá.

Fịrị Ḅara 13:31

tọgha éné ọ pịghị ọ ḅụ pa ọ nana Galili ḅụ ḅọ́rọ́ Jerusalem muuarịapụ diem. Nnị mị́sa onyẹsẹ́ ọ pịrị Izirẹlịapụ ma pịrịm.

Fịrị Ḅara 19:8

Pọl Juuapụ kobiri yọ ma sọm, sị tẹ́rẹ́ akalụ́ sịbị, ḅáláfaghaa ḅara pa ẹ́gẹ́rẹ́ ma kọ wásáma, tẹ́ghẹ̄ ḅara pa asọ dọghụ sị anị nna ḅụ koro Tamuno amadakiri ma gbolomanyẹ.

Fịrị Ḅara 28:23

Nnị warị pịghị éné pẹ́lẹ́ ọ pịrị, nnị pẹ́lẹ́ éné ma ḅụ n pịghị ibiḅara pa ḅom ọ fịnịngaa ma ḅụ sị dedebie akị mú ḅupiri láa, ọ sanguma so amadakiri ẹ́gẹ́rẹ́ ma dughofindi n pịrịm, ọ pịghị asọ dọ́ghụm nnị Jizọs gbolomanyẹ akanyaḅo o Mosis ólóghó diri ma na ikiakoroapụ ma gịẹnyẹ goo n pịrị ḅara.

Fịrị Ḅara 28:31

Ọ Tamuno so amadakiri gbolomanyẹ dugho pághámam, pịghị Jizọs Krais gbolomanyẹ pa túminị́ die, pịghị ḅáláfaghaa ḅara na kikigha ḅara pa ẹ́gẹ́rẹ́kọọm.

Fịrị Ḅara 8:12

Kụ́ma nnị ḅo Filipụ dugho wásámaarị, Tamuno amadakiri gbolomanyẹ na pịghị Jizọs Krais ibi oku ma minini sa, nnị mingi pa n saram owiapụ na ẹ́rẹ́ na.

Romapụ 14:17

Tamuno ma kọnsịn ma fị na ḅụ na ḅụghaa, kụ́ma karakárá ibiamịẹnyẹ ḅụ, diin ḅụ, na bieḅẹlẹ ḅụ Tọ́ntọ́ Tẹ́mẹ́ ma pịrịarịnyẹ.

Kolosiapụ 1:13

Ọ wa duapághámaḅomam kánákáná kụ́rọ ma ḅarabie sị wamịnị akuoo pa ọ ḅẹlẹma Tụwọ ma kọnsịn amadakiri bie sua.

1 Tẹsalonaikaapụ 2:12

Wamịnị ọ tẹ́mẹ́ kụ́rọ́mam, wamịnị o bie diinmam, wa pa dugho ọ pịrịarị ḅẹẹ, ọ sị Tamuno ma ḅẹ́ o ḅoo diekiri nyáná ori amadakiri na, ori ipine ḅụ, ọmịnị ọ ḅụḅẹlẹ duma kọọ.

1 Jọn 1:1

Súghú saghị sa fịnịnyẹ ma, wa pịghị namaa nyẹ ma, wa pịghị wamịna tọ́rụ́ pa arịmáa nyẹ ma, wa tọ́rụ́ pa dighim pịghị ḅara pa anị lama, mịma anịị duma ẹ́gẹ́rẹ́ ma wa gịẹ pa ọ fịrịma nyẹ.