Filipaiapụ 4:17 - Ibani New Testament

¹⁷ Ḅẹgha ḅẹ́ a diepịrịnyẹ daakị dọ́ghụm, tụ́ma túminị́ árị sị sọnyẹ sọ ọ pịrịbẹnyẹ.

Filipaiapụ 4:17 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 15:16

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Ibi Oku Ma Jọn Anị Gịẹ Ḅara 15:8

Mịị ḅara anịị boma ḅọ́rọ́ ḅo Daḅọ ma pịrịarị ḅara ḅẹ́ ọmịnị opuma sịịmgbọlụ suam, pịghị ọ ḅụ die ḅẹẹ ọmịnị ị́yẹ́ ọḅụduaapụ.

Romapụ 15:28

Mịị fịrị ma i ḅara faá sa a pịghị n sịbị go daa ḅo igbii ma saghị n ḅárabie sua fama sa, a ḅọ́rọ́ ḅọ́rọ́ Spaini mubẹm sị agbā túlúma o dighi.

2 Kọrịntịapụ 11:16

Kúru a sima dugho: gbẹ́rẹ́ḅọ sọ sị ma ḅẹẹ irị oḅoriḅọ. Ọ ḅọ́rọ́ ọkọ sị sị, ị́yẹ́ akị nị ḅẹẹ ịrị oḅoriḅọ, irịsọ pịghị ine kẹ́lẹ́ bịpịkpọ bẹ ḅara.

2 Kọrịntịapụ 9:5

Anịgo a sịbịbie kịẹ anị pịrịm ḅẹẹ anị ibibẹm ḅẹ́, mịná mininiapụ ma tarị tarị ọ damaḅo ịḅụ, sị mú ọ ḅárafindi pịrịdọ́ghu nyẹ ma tẹ́lẹ́ma warị sị a ḅo láa ḅẹ́ sáá anị tẹ́lẹ́ma fịnịbẹm, mịma diebẹm ḅẹẹ ọ pịrị bim, mịnị ologho ḅara ḅụghaa.

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 4:11

A go mịma dughoarị nyẹ ḅẹgha ḅẹ́ nyẹ i palịmam tegó a dawọḅomam a nyánányẹ itọrụ bi bẹ ḅara.

1 Tẹsalonaikaapụ 2:5

Ọ Kọkọ ibima nimi ḅẹ wa ḅẹlẹ bịpị ẹ́gẹ́rẹ́ pa ọ́ dámaḅogha anịgha wa ọ damaḅo so ḅọ́rọ́ wamịnị ibi oku ma pa sọ́nyẹ mịẹ dọghụnyẹ ọmịna ḅara. Tamuno anịị wámịna onyésẹ̄ḅọ.

1 Timoti 3:3

N ḅo iru ḅuu tọ́rụ́ ḅámábịgha, owitẹ́mẹ́bie pa nyẹ́ mịẹgha, kụ́ma tẹ́mẹ́ ọfịrịgha tumḅọ, kamsọsọghaḅọ; ori igbii ḅẹ́lẹ́mabịgha;

1 Timoti 6:10

Ḅẹẹ, igbii ḅẹlẹma anịị tọ́rụ́kịrịkị́rị́ siinyẹ mamgba dighiḅoarị nyẹ. Jẹ́apụ igbii pụghọ tarị ma mịẹmam nnị asọ ịrị minini ma ḅụ, n warị pịghị tọgha tọgha tẹ́mẹ́ sima nyẹ pa nna kúkúbie fom kaamam.

Taitọs 1:7

Tamuno kubiri ogbo sịbịdáḅọ anịị Tamuno fịrị ma ḅara fịnịḅọ, ori ma anịị bịpị ḅụ lánaibighaḅọ, opuamịẹnyẹ tumḅọgha, owi tẹ́mẹ́ nyánágha, iru ḅụ tọ́rụ́ḅamaghaḅọ, ama owu ḅẹ́lẹ́maghaḅọ anịgha igbii pụghọ nyánághaḅọ.

Taitọs 3:14

Wámịna mịnaapụ Krete ḅụ fịnị mininiapụ ma ibifịrị nwángị ma pa nna mịẹmịẹnyẹ mịẹ, nnị ine éné éné ḅụ npalịma nyẹ nyáná nna ḅụ pịrịbẹ ḅara. Nnị sọ́nyẹ bie ofori duma kọọma.

Hiburuapụ 6:10

Tamuno ori anịị karakárá ḅo ma. Ori ọmịna fịrị pa bieḅáramabịgha anịgha ọ nyána ọ pịrị ḅẹlẹma, ọ pịghị nyáná, pịghị pa nyánáarị ḅárásua pa Krais asọ duaarịapụ ma pịrịarị.

1 Pita 5:2

A ọ tẹ́ghẹ̄m ḅẹ́, ọmịnị ánánákúrúapụ sọ Tamuno pa ọ pịrị ánánáawọ́ ma pịrị, ọmịnị ọ tẹ́mẹ́bie gbọrụ pa n siḅe Tamuno ma bi ḅara. Ọ mịẹma sọ́ḅọ́rọ́ nnị pa ọ kọngọ kpọm ọ pịghị mịẹma igbii go. Kụ́ma kúkúbie fịrịnwangị Tamuno ma pịrị dọghụ tẹ́mẹ́.

2 Pita 2:15

Nnị gbụ́nụ́nụ́ asọ ma warisomam si asọ ịrị. Nnị Balaam, Beza tụwọ asọ duamam, irima nyẹ ḅụ ọnyanaḅobe igbii ḅẹlẹma ḅo.

2 Pita 2:3

Nna opu pụghọ gosi, mị iruo nyẹ́dieapụ ma ọ ḅụ sọ́nyẹ mịẹbẹm n gba ọ pịrịbẹ ofori ofori lụghụ gosi. Ḅọlọmaa sa ḅụ, nna ḅẹ́rẹ́pẹ́lẹ́ tẹ́lẹ́ma wárịmam, n ḅa bẹḅọ ma so tọ́rụ́ findi fịnịarị.

Judu 1:11

Anị opuma sii n pịrịbẹm! Nnị Keni asọ duamam, igbii gosi nnị n ḅụ pa Balaam mịẹ irima nyẹ ma ḅụ suumam. Nnị Kora kụrọsịbịbie mịẹḅara pa nyẹ mịẹm, anị gbẹ́rẹ́ ḅara ma anịị n pịghị n guluguluma ḅara.