Filipaiapụ 4:14 - Ibani New Testament

¹⁴ Kụ́ma ọmịnị ibiḅara mịẹm ḅẹ ọ ḅárásua i pịrịị ị́yẹ́ ḅụḅáláḅálá ma ḅụ.

Filipaiapụ 4:14 ပူးပေါင်းရင်းမြစ်များ

Matiu 25:21

<<Ọ nyánáḅọ pagharam, <Ị mịẹlamam ịrị ibi pịghị sẹ kụ́rọ fịrịnwngiḅọ! Dụḅagha nyẹ ḅụ i sẹ kụrọmam. A tọgha nyẹ pa i ḅarabie suabẹm. Sọḅo sị ḅo ị nyánáḅọ na bieḅẹlẹ!>

Romapụ 15:27

Nnị bieḅẹlẹ ḅụụ anị mịẹm, anịị nnị nna ḅara ọlọ sa. Ḅọ́rọ́ Juughaapụ ma Juuapụ ma tẹ́mẹ́ju karịibima ma ḅụ diekiri nyanam, nnị Juuapụ nna ḅara sa ọlọm sị nna tuminikiri ngọ pa nnị na die.

Galesiaapụ 6:6

Tọ́n ẹ́gẹ́rẹ́ ma daákịmáapụ, n nyáná ibinyẹ mamgba pa ḅárásua nna nyẹ́dieapụ pịrị.

Filipaiapụ 1:7

Sámámgba ọmịnị i tẹ́mẹ́bie imii anịma gosi anị ḅụ́gbẹm ḅẹ́ a kóróma nyáná ọ pịrị mị́sa a mịẹarị ḅara. Ḅẹẹ ọmịnị mamgba diekiri nyánam Tamuno nyáná i pịrị tọ́rụ́kụrụkụ́rụ́ ma ḅụ, mị́sa a ịkóli bie fịnị sa na pịghị a ịkóli bie ófórigha sa sị pịghị sẹ́kụrọ anị ḅụ pịghị anị mịẹ anị kune nyánáa.

Filipaiapụ 4:18

A nyẹ gonyẹ́ gonyẹ́ nyanaḅomam bi ḅara ḅụ, anị bi wasam! A binyẹ gonyẹ́ gonyẹ́ a nyánam mị́sa Epaforoditọs ọmịna dienyẹ akuoo i pịrịmaá sáá. Anị nnị mịẹ Tamuno pịrị akị dọghụ igwaa.

1 Timoti 6:18

Kụ́rọ ḅara pa dugho n pịrị ḅẹ́ nnị ibi nyẹ mịẹ, nnị opuma ibifịrị nwángị, n ḅara findi wásáma, sámámgba n tẹ́lẹ́ma jẹ́apụ na nyẹ die ḅụ.

Hiburuapụ 10:33

Jẹ́ sáá imi, ámáogbo anịị nnị o wiri sị pịghị ọmịnị mbasị, jẹ́ sáá ọ pịghị ọ ḅụ pa nwọfịnị sii árịarịapụ ma na gbolomam.

Hiburuapụ 10:34

Ọ pịghị ikólinaapụ dua tọ́rụ́siarịm nnị pịghị ọmịna ngọ kaakị sa, ọ pịghị bieḅẹlẹ ḅara pa ọmịna faá ma akịm, tegó o nimim ḅẹ́, ọmịna nyẹ ma nẹ́ngị nyẹ nyánam, pịghị fịnị mú gbámásó láa ḅẹnyẹ.

Hiburuapụ 13:16

O bieḅárámá ma ibi mịẹsị pịghị ḅárásua jụghọ jụghọ pịrị, tegó, mị Tamuno tẹ́mẹ́ ḅẹ́lẹ́maarị igwaa.

Puu Findi 1:9

Irị anịị Jọn, ọmịna mịnaḅọ owitụ́wọ, pịghị Jizọs duaarị gbẹ́rẹ́ḅọ irị ọ́ḅụ gbẹ́rẹ́ḅọ ngịrịma pa ori ásẹ́mẹ́kiriapụ laarị tọ́rụ́siarị ma arịarịḅọ. Nnị i pa Patmọs ogbosúányẹ ḅụ kórómam a Tamuno ẹ́gẹ́rẹ́ ma dugho wásámam na pịghị Jizọs diepágháma karakárá gosi.