Filipaiapụ 3:9 - Ibani New Testament

⁹ A ḅo ịḅụ dọghụḅọ sáá ọ ḅụ, a mịnị i ḅárákúu karakárá ibiamịẹnyẹ nyanagha túminị́ ólóghó ma koko ḅụ nyánáarị nyẹ́maghaa. Mị́sa a nyáná karakárá ibiamịẹnyẹ anị n pịrịarịnyẹ ma tumḅọ minini Krais ḅụ ḅọ́rọ́, Tamuno ḅara saghị ḅoarị karakárá ibiamịẹnyẹ ma minini ḅụ anịị anị saghị ḅoarị nyẹ.

Filipaiapụ 3:9 ပူးပေါင်းရင်းမြစ်များ

Matiu 9:13

Kụ́ma muu mịma dughonyẹ nimiḅo: A ḅogha ḅẹẹ a ḅo ibiamịẹnyẹapụ sị, kụ́ma siiamịẹnyẹapụ.>>

Romapụ 1:17

Tegó ibi oku ma die pághámaarị Tamuno túminị́ akuo karakárá ibiamịẹnyẹ ḅụ su ori na nnị na, mịma anịị minini ḅụ ḅọ́rọ́ parị ákị mú kunema láa, tọ́ndiri ma dugho ḅara, <>

Romapụ 10:10

Wámịna minini ḅụ ḅọ́rọ́ anịị wa ḅọ́rọ́ karakárá ibiamịẹnyẹapụ sọnyẹ Tamuno tórúku; wámịna bịpị ḅụ dugho pághámá nyẹ ḅụ ḅọ́rọ́ anịị wa dụaḅọ́rọ́ma nyánányẹ.

Romapụ 16:7

Andronikọs na Juniyas bii, i jẹa Juuapụ i nana ikólibie fịnị fịnịapụ. Nfịrịmaapụ ma ogbobie nnị ibima n nimim, nnị pịghị parị ịḅụ Krais asọ duam.

Romapụ 5:21

kunema, sii fịị kụ́rọ pa túminị́ taa ḅara ma, anị gbẹ́rẹ́ ḅara ma Tamuno ma tọ́rụ́kụrụkụ́rụ́ ma taám, karakárá ibiamịẹnyẹ ḅụ, sị wamịnị akuoo duma gbámásó bie suu wámịna Nyánáḅọ Jizọs Krais ḅụ ḅọ́rọ́.

Romapụ 8:1

Anịgo Krais Jizọs na gbẹ́rẹ́ ḅụ ḅụ fịnịapụ ma, ḅẹ́rẹ́ mịnị nna ḅárasigha.

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

1 Kọrịntịapụ 1:30

Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.

2 Kọrịntịapụ 5:17

Anịgosi, Krais na gbẹ́rẹ́nyẹ mịẹḅọ gonyẹ́ gonyẹ́, n ḅọ ịwọma nnị tẹ́mẹ́ḅọ sọmam olom nyẹ ma somam, iwọnyẹ ma ḅomam.

2 Kọrịntịapụ 5:21

Krais, sii ḅụ ofori ḅọ, Tamuno mịẹm o siiḅọ sọọ wa pịrị sị ọ ḅụ ḅọ́rọ́ wa ḅo Tamuno karakárá ibiamịẹnyẹ sọ́bẹm.

Galesiaapụ 2:16

Anịsọ wa nimim ḅẹ́ tumḅọ ḅo Tamuno na karakárá ḅụ fịnịm, anị tumḅọ ma Krais ḅụ nyáná minini ḅụ ḅọ́rọ́, ólóghó ma dughonyẹ mịẹgha ḅụ. Wamịnị sọ Krais Jizọs ḅụ mininimam sị nnị wa pa Tamuno na karakárá ḅụ warị, Krais Jizọs ḅụ wa nyáná minini ḅụ ḅọ́rọ́, ólóghó ma dughonyẹ mịẹgha ḅụ. Ḅẹ́ nnị ólóghó ma ngéré dughonyẹ mịẹarịḅọ pa Tamuno na karakárá ḅụ warịbịgha.

Filipaiapụ 3:6

Wámịna daapụ tẹ́ghẹ̄ ḅara ma warị ịḅụ fị, a sọsị ma pa tọ́rụ́siarịmam. Ólóghó ma koko ḅụ saghị ḅo karakárá ibiamịẹnyẹ ma ḅụ a kpain fịnịm.

2 Timoti 1:9

O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

Taitọs 3:5

ọ wa duaḅọ́rọ́mam, ḅẹgha ḅẹ́ wa mịẹ ọ pịrị ibinyẹ gosi kụ́ma ori lolomakúkúbie ḅụ ḅọ́rọ́ ọ wa ḅọ́rọ́mam. Ọ wa duaḅọ́rọ́mam Tọ́ntọ́ Tẹ́mẹ́ ma ḅụ ḅọ́rọ́, sii ḅụ wa sịrị siḅọ sị ịwọma wa yii na pịghị ịwọ duma pa wa pịrị.

Hiburuapụ 6:18

Tamuno minini nyẹ na o fị ọḅọọ ma anịị mmẹẹ́ nyẹ ine dima bigha nyẹ, mịma diearị ḅẹ́ Tamuno ine epeletibịgha. Tamuno mịị mmẹẹ́ nyẹ ma pa wa tẹ́mẹ́kụ́rọmam ḅẹ́ wamịnị mangị o bie sọ́maapụ ma, ine ọlọ kụrọma bẹ ḅara wámịna tórúku fịnị tọ́rụ́ dighinyẹ ma.

Jems 3:2

Wamịnị mamgba nyẹ mịẹ irima irimam, kụ́ma irimaghaḅọ amịna dugho bịpị ḅụ anị tumḅọ ma anịị kpain ḅo, n ḅọ pịghị n ḅọ oju gbọrụ ma ọlọbẹm.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

1 Jọn 3:4

Siinyẹ mịẹḅọ gonyẹ́ gonyẹ́ Tamuno ólóghó korom tegó siiamịẹnyẹ anịị Tamuno ólóghó bịpị kokogha.