Filipaiapụ 3:19 - Ibani New Testament

¹⁹ Kọ́rịfịnị anịị nna kunema, tegó nna kálá Tamuno anịị nna fúro, n pa ḅụ́gịrịrị bẹnyẹ anịị n pa bịbịkpọarị nyẹ, mị tuminikiri gbolomanyẹ gonyẹ́ gonyẹ́ anịị n sịbịbie kịẹ pịrịarịnyẹ.

Filipaiapụ 3:19 ပူးပေါင်းရင်းမြစ်များ

Matiu 16:23

Jizọs tọ́rụ́ pighim sị Pita ḅẹẹ, <<Ị́yẹ́ ọḅụju sọọ, Satanị! Ịrị asọ mgbẹsẹ dapịrị sọ ị pịrịm; ḅẹẹ ịrị Tamuno ju ofori, kụ́ma túminị́ ju.>>

Matiu 25:41

<

Ibi Oku Ma Luk Anị Gịẹ Ḅara 12:19

Anịsáa a ịḅụ ḅẹbẹm ḅẹ́: <<Í mánámāná fị́nyẹ kokowarị ị́ ḅụ pịrịmam ine tọgha kụ́rá ḅụ ị́yẹ́ akịị ḅẹnyẹ anịgo ịnyọ́sárá, saghị fị́nyẹ fị, iru ḅuu sị ḅụ tii.>> >

Ibi Oku Ma Luk Anị Gịẹ Ḅara 16:19

<

Ibi Oku Ma Luk Anị Gịẹ Ḅara 18:4

<<Ḅọlọ sáá ḅụ ḅẹ́rẹ́kọḅọ ma, ọ ḅẹnyẹ ḅẹnyẹ mịẹgha. Kụ́ma kunema ọ ḅoo ọ ḅụ ḅẹm ḅẹẹ,

Romapụ 16:18

Ọkọfịnị nyẹ ma mịẹarịapụ fịrịnwangị wámịna Nyánáḅọ Krais pịrịgha kụ́ma nna opu furo. Nna ḅẹ́lẹ̄ bịpị na túminị́ kombo ẹ́gẹ́rẹ́ nnị oḅori pa ḅẹnyẹ ḅẹnyẹ nímighaapụ sịarị.

Romapụ 6:21

Ọ tẹ́ sọnyẹ nyánáḅọ, mị́sa ọ ḅụgịrịrịmaarị nyẹ ma ḅụ? Ọḅụkụ́nọma fịị anị mịnanyẹ ma dighiḅoarị nyẹ!

1 Kọrịntịapụ 3:3

Tegó, ọ pa duma kọọarị mị tuminikiriapụ duma kọọarị ḅara. Nyẹ́mọ́ni ọmịna ogboku bie fịnị sáá, ọ pịghị jụghọ jụghọ na kamkoro sáá, anị diegha ḅẹẹ ọmịnị mị tuminikiri bẹapụ, duma kọọarị n duma kọọarị ḅara?

1 Kọrịntịapụ 5:2

Anịsáa ị́yẹ́ opuamịẹnyẹ anị tegósi sughuu? Anịmanakaragha biesii ịḅụ biibiegháa? Ọkọfịnị nyẹ ma mịẹḅọ ma ọmịnị n ḅọ deesi ọmịna mịẹgbólóma ḅụ.

1 Kọrịntịapụ 5:6

Ị́yẹ́ bịpịkpọ ma ibighaa, ọ mịị kaḅụ ma nimigha dughonyẹ ḅẹẹ, kálá yisti tụ́wọ anịị fịtúrú kpo ma gbọrụ sughumaarị nyẹ?

2 Kọrịntịapụ 11:12

A pa a mịẹarịnyẹ ma mịẹbẹm mị́sa, sị isi <> ma n go pa bịpịkpọ ḅẹnyẹ nyánábịgha ḅara, sị dugho ḅẹ́ wa fịrị ma nwángịarị ḅara anịị nnị sọ nwángịarị ḅara.

2 Kọrịntịapụ 11:15

Anịgo anị iwọnyẹ sọbịgha ḅọ́rọ́ ori fịrịnaapụ n ḅụ dima sị karakárá ibiamịẹnyẹ fịrịnaapụ fịnị ḅára fịnịị. Ọḅụkụ́nọma, nnị n ḅara la na ibi gbẹfịnyẹ nyánábẹm.

Galesiaapụ 6:13

Tọ́ngọ̄ pẹ́lẹ́apụ ma sọ mịnị ólóghó ma kokogha, anị so nnị dọghụarị ọmịnị tọ́ngọ̄ pẹ́lẹ́ n bịpịkpọ bẹ ḅara ḅẹ́ ọmịnị ọ ḅụ warịsom sị nnị ọmịna tọ́ngọ̄ pẹ́lẹ́.

Filipaiapụ 2:21

Ọ́rụ́ḅọ ọ́rụ́ḅọ amịna ḅụ, amịna ḅụ dọghụarị gbẹ́rẹ́ḅọ sọ Jizọs Krais nyẹ doghughaa.

Kolosiapụ 3:2

Ọmịnị ọmịna kóróma pa sobie fịnịnyẹ ma ḅụ gbánā, kiribie fịnị nyẹ́maghaa.

2 Tẹsalonaikaapụ 1:9

Gbámásó guluguluma fomḅara anịị nnị árị bẹnyẹ, nnị n foofomabẹm Kị́nị́nyánáḅọ ma tórúku na pịghị ori ḅụ́gbérépuma kụ́rọ ḅụ.

2 Tẹsalonaikaapụ 2:12

Tamuno mịma mịẹm sị náa karakáráma mininighaapụ, kụ́ma siiamịẹnyẹ ḅẹlẹma, Tamuno ḅẹ́rẹ́si pa n pịrịbẹm.

2 Tẹsalonaikaapụ 2:8

Anịsáa, Siisịbịbie ḅọ ma ọ ḅụ diebẹm, kụ́ma Wányánáḅọ Jizọs Krais ḅoo sáá. Ori ọ bịpịbie págháḅo fọ́rụ pa ḅáa bẹḅọ pịghị ọrẹ ḅụ́gbérépuma baá pa o guluguluma.

1 Timoti 6:5

pịghị sámámgba nna tẹ́mẹ́bie ịlọlịapụ na ḅẹrẹ kpángịrị, mịnị tọ́ntọ́ ẹ́gẹ́rẹ́ ma karakárá nyánágháapụ. Nnị kórómaarị ḅẹ́ Tamuno nimi ma anịị ḅọ́rọ́ igbii nyána asọ.

2 Timoti 3:4

aka ḅara pa túminị́ túlúma ḅẹ́rẹ́ ḅụ suu, sịbịbie kiẹgha pa nyẹ mịẹ, nọmụ ḅara pa opuamịẹnyẹ mịẹ, fị na ḅuu na ḅẹlẹma tụ́ma Tamuno ḅẹlẹma nakaragha.

Jems 4:16

Kụ́ma mị́sa ọmịnị opu ibiamịẹnyẹ mịẹarị pịghị bịpịkpọarị, anị bịpịkpọ mamgba karakáragha.

2 Pita 2:1

Ḅọ́rọ́maa sáá iruo ikiakoroapụ págháḅom túminị́ ma ogbobie, anị gbẹ́rẹ́ ḅara ma anịị iruo nyẹ́dieapụ so págháḅo bẹ ḅara ọmịna ogboku bie. Nnị ḅọghu ḅara ḅụ kị́nị́ḅáa bẹ na iruo dienyẹ akuo ḅobẹm, n pịghị n dụaḅọ́rọ́ma Nyánáḅọ ma pighibẹm, anị ḅụ ḅọ́rọ́ buapághá ḅara ḅụ kị́nị́ḅáa dighiḅọ nna ḅụ pịrị.

2 Pita 2:13

Nnị dighiḅọ tọ́rụ́siarị ma pịghị tọ́rụ́siarị pa n gbẹ́bẹm. Nna ḅụ, tuminikiri tọ́rụ́ ḅẹlẹ anịị nna ojumẹnị tarị nyẹ gonyẹ́ gonyẹ́ pa anị pịrị kị́nị́mamgba tórúku n ḅara sụụma ọ nana nyẹ́fịarị sa n ḅụ́gịrịrị na kpọti dighiḅọ ọ pịrịm. Sámámgba nnị oḅori pa kị́nị́ si asọ n ḅụ ḅẹlẹarị.

2 Pita 2:3

Nna opu pụghọ gosi, mị iruo nyẹ́dieapụ ma ọ ḅụ sọ́nyẹ mịẹbẹm n gba ọ pịrịbẹ ofori ofori lụghụ gosi. Ḅọlọmaa sa ḅụ, nna ḅẹ́rẹ́pẹ́lẹ́ tẹ́lẹ́ma wárịmam, n ḅa bẹḅọ ma so tọ́rụ́ findi fịnịarị.

Judu 1:10

Kụ́ma mịnaapụ ma nnị akanyaḅogha nyẹ gonyẹ́ gonyẹ́ dughosimaarị, nnị fịnị ḅara so ḅọ́rọ́ pirinama, nnị ine sịbịbie kiẹgha tẹrẹmẹ n ḅẹnyẹ ḅẹnyẹ mịẹ. Samangba ḅụ n tẹ́mẹ́bie sọọ nyẹ gonyẹ́ gonyẹ́ anịị n mịẹarịnyẹ. Nnị kọarị mịẹnyẹ mamgba sịarị ḅẹẹ n nimim n mịẹarịnyẹ, anịị n ḅaarị nyẹ.

Judu 1:16

Mịná túminị́ ma sáá mamgba nnị gụ́nụ́gụ́nụ́arị ḅẹ́rẹ́ pa jẹ́apụ sịbị sẹ, nnị nna ojumẹnị biiarị siinyẹ duaarị, nnị opuamịẹnyẹ mịẹarị sị jẹ́apụ gbolomanyẹ ḅụ ibi bịpịfie sị n binyẹ n ḅara la bẹ ḅara.

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.

Puu Findi 18:7

Tọ́rụ́siarị na opu ḅụakụ pa a pịrị a pa a ḅụ pịrị opu na loghuloghu dumafịnị ḅara. A pa dugho a ḅụ pịrịarị:

Puu Findi 19:20

Ḅáláfáma nama ma nnị ikólinaḅọ ḅara ḅụ okuakịm ori na iruo ikiakoroḅọ, ḅụ́gbérépuma fịrị nwangimaaḅọ ọ tórúku. (Mịná ḅụ́gbérépuma fịrị ma anịị ọ pa ḅáláfáma nama ma ilíghíma nyánáapụ ma oḅori pa n sịị nyẹ, na pịghị susi n tẹ́mẹ́ sị anị pa biekóróma bẹnyẹ pịrịmáapụ) Ḅáláfáma nama ma na iruo ikiakoroapụ ma duma ḅụ anịị nnị n pa kọrịfịnị ésiḅe ma bie gbi suanyẹ ọpọlịḅuruma pa kọrịarị nyẹ.

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>

Puu Findi 22:15

Kụ́ma nụ́ngọbie anịị obiri na pịghị tọ́rụ́kịrịkị́rị́ egberi ikiakoroapụ, yáakuu ḅụ ofori nwángị kọọapụ, susi n kárányẹ pịrịarịapụ na pịghị iruonyẹ ḅẹlẹmaapụ ẹ́gẹ́rẹ́ ḅụ na pịghị mịẹnyẹ ḅụ.