Filipaiapụ 3:17 - Ibani New Testament

¹⁷ Ọ jẹ́apụ dua á nyẹ mịẹḅara mịẹ ịyẹa nángwọ́apụ. Ọmịnị n pa ilíghíma sua, wa mịẹ pa o die ḅara ma duarịapụ.

Filipaiapụ 3:17 ပူးပေါင်းရင်းမြစ်များ

Romapụ 16:17

Mịnaapụ, a ọ tẹ́ghẹ̄m ḅẹ́ ọ tọ́rụ́ pa puama dighiḅoarịapụ ma ḅụ gbánā, mininiapụ mịẹarịapụ sị n bịghị pighi asọ mgbẹsẹ dighiḅọ ọ dáwọ ḅomaá dienyẹ ma pịrịarịapụ. Ḅụ kile nna ḅụ!

1 Kọrịntịapụ 10:32

Duma kọọ ị ḅụḅáláḅálá dighi gbẹ́rẹ́ḅọ sọ pịrịbịgha ḅara Juuapụ anịgha Juughaapụ anịgha Tamuno sọsị ma.

1 Kọrịntịapụ 11:1

Ọmịnị i ḅụọ dua, irịsọ Krais ḅụọ duaarị ḅara.

1 Kọrịntịapụ 4:16

Anịgosi a ọ tẹ́ghẹ̄m ḅẹẹ ọmịnị i daa a nyẹ mịẹ ḅara mịẹ.

Filipaiapụ 4:9

Pa fịrị ḅụ suu ọmịnị i ḅara dawọ pịghị nyánáḅonyẹ ị́yẹ́ ẹ́gẹ́rẹ́ ḅụ na pịghị ị́yẹ́ mịẹnyẹ ḅụ. Anịsáa, diin pa wa pịrịarịḅọ ma ọ́ nana fịnịbẹm.

1 Tẹsalonaikaapụ 1:6

Ọ wa daá, wa duma kọ ḅara kọọm pịghị Kị́nị́nyánáḅọ daa duma kọọ ḅara kọọ: anịsọnị ḅẹẹ ọmịnị opuma tọ́rụ́siarịm, ọ Tọ́ntọ́ Tẹ́mẹ́ ma ḅara ḅo bieḅẹlẹ pa ibi oku ma daákịm.

2 Tẹsalonaikaapụ 3:14

Jẹ́apụ ine imibẹm anị ngá mini wa pa fịrịmaarị oku ma osiibịghaapụ. Ọmịnị ọ ḅụ ẹbị anị túminị́ ma fịnị angaá ọ pịghị nnị na mịẹgbólóma nyẹ nyánáma, sị n ḅụ́gịrịrị ḅẹ́ ḅara.

2 Tẹsalonaikaapụ 3:7

Ọmịna ḅụgbọrụ kọkọ ibima nimi ḅẹẹ wa mịẹnyẹ anịị ọmịnị sọ mịẹbẹnyẹ. Wa itilagha wamịnị ọ nana fịnị sáá.

2 Tẹsalonaikaapụ 3:9

Wa mịma mịẹm, ḅẹgha ḅẹẹ wa kụrọ nyanagha, ọmịna ḅara ḅárásua bi, wa mịma mịẹm sị ọmịnị sọ árị sị wa dua wa mịẹḅara mịẹ.

1 Timoti 4:12

Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ.

Hiburuapụ 13:7

Ọmịnị ọmịna ḅọ́rọ́maa sịḅidaapụ pa biekóróma, Tamuno ẹ́gẹ́rẹ́ ma kọọ ọ pịrịapụ, okórómaḅo, n ḅárá warị duma kọ ḅara na pịghị n fịị ḅara sị nna minini daa nyẹ mịẹ.

1 Pita 5:3

Ọ kị́nị́nyánáapụ dighi Tamuno pa ọ pịrị ánánáawọ́ ma pịrịma, kụ́ma n siḅe sị nnị ọ duma kọọ ḅara pa duma kọọ.