Filipaiapụ 3:15 - Ibani New Testament

¹⁵ Wamịnị kị́nị́mamgba tẹ́mẹ́ ḅụ sẹ́nịmaapụ mamgba mị gbẹ́rẹ́ duma ma nyánábẹm. Kụ́ma ḅọ́rọ́ ọmịna ḅụ jẹ́apụ jẹ́ kịrị duma nyáná nyáná. Tamuno mịma mịẹbẹm ọmịna ibima anị akanyaḅo.

Filipaiapụ 3:15 ပူးပေါင်းရင်းမြစ်များ

Matiu 5:48

Anịgosi kpain fịnị, ị́yẹ́ Daá sobie fịnịḅọ kpain fịnị ḅara.

Ibi Oku Ma Luk Anị Gịẹ Ḅara 11:13

Ḅọ́rọ́ ọmịnị sii láa ḅara pa siiapụ nimim ọ mịnị ibinyẹ pa ọmịnị awọ pịrị ḅara, ọmịna sobie Daḅọ ma anịị ori Tọ́ntọ́ Tẹ́mẹ́ pa ọ ḅara biapụ pịrịbịgha ḅọ?>>

Ibi Oku Ma Jọn Anị Gịẹ Ḅara 6:45

Nnị gịẹ kórómam ikiakoroapụ diri ma bie ḅẹẹ, Daḅọ ma naaḅọ gonyẹ́ gonyẹ́ sị o ḅarabie nyẹ dáwọ i dámáḅobẹm.

Ibi Oku Ma Jọn Anị Gịẹ Ḅara 7:17

Ḅọ́rọ́ Tamuno binyẹ mịẹ dọghụḅọ fịnịfịnị n dọghụ pághámaḅobẹm ḅọ́rọ́ ị́yẹ́ dienyẹ ma Tamun ḅara saghị ḅo anịgha a ị́yẹ́ kụ́rọ pa anị diearị.

Romapụ 15:1

Wamịnị kụ́rọ sẹapụ wámịna minini ḅụ ḅárásua nna minini kụrọghaapụ ma pịrị na ibim sị nna ikúnyẹ ma dighi. Wamịnị wámịna bie ngéré mịẹ ḅẹ́lẹ́mabịgha.

1 Kọrịntịapụ 14:20

Ị jẹa mininiapụ ọmịnị awọamaapụ kịkama ọmịna kóróma ḅụ, siinyẹ gbolomanyẹ ḅụ ọmịnị awọamaapụ kịka, kụ́ma ọmịna kóróma ḅụ ọ sẹnịapụ dighi.

1 Kọrịntịapụ 2:6

Wa opu nyẹ́nimi oku ma dugho wásáma minini ḅụ sẹ́nịmaapụ ma pịrịm. Kụ́ma mị opu níminyẹ ma anị mị tuminikiri opu niminyẹgha anịgha mị tuminikiri táarịapụ opu níminyẹ nna kụ́rọ ḅoo papanyẹ soarị nyẹ.

Galesiaapụ 5:10

A Kị́nị́nyánáḅọ ḅụ tẹ́mẹ́kụ́rọ nyánam ọ fịnị angaá ḅẹ́ ọ jẹ́ kịrị kóróma nyánábịgha, pịghị ọmịna sịbịbie galagalamarịḅọ ma n ḅọ tẹ́ nyẹ, tẹ́ nyẹ o Tamuno ḅara gbẹ́nyẹ nyánáḅobẹm.

Ẹ́fịsọsapụ 1:17

wámịna Nyánáḅọ Jizọs Krais Tamuno ḅara biiarị, ipine nyáná Daḅọ, ḅẹẹ ọ Tẹ́mẹ́ ma pa ọ pịrị, níminyẹ pa ọ pịrịbẹḅọ, sị Tamuno ma pa o die, sị ọmịnị ibima ọ nimi bẹ ḅara.

Kolosiapụ 1:28

Wamịnị o dugho wásámam, opu níminyẹ ḅụ nyẹ pa kị́nị́mamgba diearị pịghị nna biri nụ́nụ́arị, sị wa kị́nị́mamgba akuoo bẹ ḅara Krais toruku kpain ḅara ḅụ.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

1 Tẹsalonaikaapụ 4:9

Mịnaapụ ma ḅẹlẹma gbolomanyẹ, o bigha gbẹ́rẹ́ḅọ sọ anị gbolomanyẹ gịẹ ọ pịrị Tamuno ọ ḅara na pa o diemam ọ jụghọ jụghọ ḅẹlẹma bẹ ḅara.

2 Timoti 3:17

Mịị ḅárá ma fịrịnwangị Tamuno pịrịarịḅọ gonyẹ́ gonyẹ́ nyẹ́dáwọ ḅụ karakárámabẹm sị ori ine ibifịrị gonyẹ́ gonyẹ́ nwángị bẹ ḅara.

Hiburuapụ 5:14

Tụ́ma mbgọlụ fị́nyẹ fịnị sẹ́nịapụ pịrịm, nnị sámámgba anị fịarị sa, nnị ine ibinyẹ na siinyẹ na nimim.

1 Jọn 2:5

Ori ẹ́gẹ́rẹ́ ma dughonyẹ mịẹ ḅo gonyẹ́ gonyẹ́, n ḅọ ḅụ anịị wa nyáná Tamuno pịrị ḅẹlẹma ma káara nyẹ. Wa pa nimi bẹ ḅara ḅẹ́ wa Tamuno na bịpị ogbo sua nyanam anịị: