Filipaiapụ 3:12 - Ibani New Testament

¹² Ḅẹgha ḅẹ́ a saḅa ḅọ́rọ́mam anịgha ḅẹ́ a kpainfamamam, a pa ịnyọ suarị a ine daḅo bẹ ḅara Krais Jizọs goo i daḅo ọ ḅụ pịrịnyẹ ma.

Filipaiapụ 3:12 ပူးပေါင်းရင်းမြစ်များ

Matiu 5:48

Anịgosi kpain fịnị, ị́yẹ́ Daá sobie fịnịḅọ kpain fịnị ḅara.

Fịrị Ḅara 9:15

Kị́nị́nyánáḅọ warị ọ pagharaa: <

Romapụ 8:39

anịgha ọgọnọ ju anịgha póghóló yọ, anịgha tuminikiri nnị tẹ́mẹ́nyẹ gonyẹ́ gonyẹ́ ine wa fófóomabịgha Tamuno ma ḅẹlẹma ḅụ, wa nyánányẹ Krais Jizọs wámịna Nyánáḅọ ḅụ ḅọ́rọ́.

1 Kọrịntịapụ 13:10

Kụ́ma kpain kárámá angaá nyẹ ma ḅo sáá anịsáa mpara mpara angaá nyẹ ma ẹmẹẹ́fábẹm.

1 Kọrịntịapụ 13:12

kụ́ma mị́sa wa tẹ́mẹ́ dighinyẹ ḅụ ḅuruḅuru ma árịarị, anịsáa, wa ḅo árịbẹm tọ́rụ́ na tọ́rụ́ na. Mị́sa a níminyẹ mpara mpara ḅụ imi; anịsáa anị ḅo karabẹm, Tamuno káara ḅara pa ị nimiḅara.

1 Kọrịntịapụ 9:24

Ọ kọkọ nimi ḅẹẹ mangị ti ma ḅụ, tọghaapụ mangịm kụ́ma gbẹ́rẹ́ḅọ anịị dienyẹ ma nyánákịarịḅọ. Anịgosi mangịị sị i dienyẹ ma nyánáakị ḅo bẹ ḅara.

2 Kọrịntịapụ 13:9

Wa bieḅẹlẹm ḅẹẹ wámịna tẹ́mẹ́ oḅuu sáá gonyẹ́ gonyẹ́, ọmịnị kụrọm. Anịgo wa pịghị tẹ́ghẹm ḅẹẹ, nyẹ gonyẹ́ gonyẹ́ ḅụ ọ kpain.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

Galesiaapụ 5:17

Siiamịẹnyẹ ojumẹnị dọghụnyẹ kịrịm Tẹ́mẹ́ ma dọghụarị nyẹ ḅụ, Tẹ́mẹ́ ma dọghụnyẹ pịghị kịrịm siiamịẹnyẹ ojumẹnị ma ḅụ. Mịná mmẹapụ ma iruonaapụ ḅụ imim, anịgosi ị́ ine ị mịẹ na ibinyẹ mịẹgha.

Ẹ́fịsọsapụ 1:4

Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 4:12

O mịma mịẹm pa Tamuno túminị́ tẹ́lẹ́ma warị pa Krais asọ duarịapụ ma fịrị pịrị, sị nnị ibima Krais oju ma, anịị Tamuno kubiri ogbo ma nama tẹ́lẹ́ma bẹ ḅara,

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

Filipaiapụ 3:16

Anị fịnị ḅara fịnị ḅara wa pa tórúku mú, pa wa duarị ólóghó ma dua mú mị́sa láa.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

Filipaiapụ 3:8

Anịma ngéréghaa; a nyẹ gonyẹ́ gonyẹ́ kiẹm káara bi faá ḅara, a mịma mịẹm ịḅụ opuma nyẹ́la nyẹ ma gosi, anịị Inyanaḅọ Krais Jizọs nimi ma, ọ sịbị goo a nyẹ gonyẹ́ gonyẹ́ gbiḅuumamam, nyẹ gonyẹ́ gonyẹ́ ịḅụ opu ịlọ́lị kpọ dighimam. Sị a nyẹ gonyẹ́ gonyẹ́ nyáná ḅo bẹ ḅara Krais bie.

1 Tẹsalonaikaapụ 5:15

Arịị ḅẹ́ gbẹ́rẹ́ḅọ sọ siinyẹ pa siinyẹ gbẹ́gha, kụ́ma sámámgba pa ọmịna mịẹmịẹnyẹ mịẹsị ibi mịẹ jụghọ jụghọ pịrị na pịghị kị́nị́mamgba pịrị.

2 Tẹsalonaikaapụ 2:13

Wa ịmịẹḅam pa Tamuno ḅẹẹbẹm wámịna Daa awọ, ọmịna sịbị goo, ọmịnị Kị́nị́nyánáḅọ ḅẹlẹmaapụ. Tọ́ntọ́ Tẹ́mẹ́ ma kụ́rọ ḅụ, ḅọ́rọ́ Tamuno parị sáá ma ḅụ ọ sẹ́lẹ́akịm ḅẹẹ ọ dụaḅọ́rọ́ma nyána, ọmịna minini ḅụ ḅọ́rọ́, na pịghị ọmịna minini karakárá ma ḅụ sị Tamuno ọrẹ a túminị́ pa ọ mịẹ.

1 Timoti 5:10

túminị́ pịghị ibima a nimim árị ibiamịẹnyẹ ḅụ, ibiḅara pa árị awọ didighi págháma ḅooḅọ, igonyiapụ datéréma ḅọ a wárịbie, ḅụ sitéréma fịrịnwangị jẹ́ mininiapụ pịrị, ḅárásua ḅụ́ḅáláḅálábie fịnịapụ pịrị, pịghị a ḅụ sághị ibifịrị nwángị pịrị.

1 Timoti 6:19

Mị ḅara ma nnị tụ́ma ngọ koko nna ḅụ pịrịarị, karakárá sughu isé nyẹ so n pịrịbẹnyẹ ḅoarị sáá ma ḅụ. Anịsáa anịị nnị ine tụ́ma duma nyáná ḅo bẹnyẹ anịị duma ma.

Hiburuapụ 12:14

Ḅụ́kọ́rọ́ma diin pa kị́nị́mamgba na fịnị pịghị ḅụ́kọ́rọ́ma tọ́ntọ́ duma kọọ mịma ofori, gbẹ́rẹ́ḅọ sọ ine Kị́nị́nyánáḅọ arịbịgha.

Hiburuapụ 12:23

Ọ Tamuno parị yii awọ ma kobiri ḅom, n sobie nnị ẹ́rẹ́ gịẹapụ, o Tamuno dámáḅómam kị́nị́mamgba ḅẹ́rẹ́kọḅọ, na pịghị n mịẹ kpainma ma karakárá ibiamịẹnyẹapụ tẹ́mẹ́.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

Jems 3:2

Wamịnị mamgba nyẹ mịẹ irima irimam, kụ́ma irimaghaḅọ amịna dugho bịpị ḅụ anị tumḅọ ma anịị kpain ḅo, n ḅọ pịghị n ḅọ oju gbọrụ ma ọlọbẹm.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.