Filipaiapụ 3:10 - Ibani New Testament

¹⁰ A dọghụnyẹ ḅẹẹ, a Krais nimii na pịghị fịị ḅụ ọ saghịma kụrọ ma nimi si pịghị diekiri nyáná ori fịị ḅụ, ḅoo pịghị ọ fịnị ḅara fịnị ori fịị ḅụ.

Filipaiapụ 3:10 ပူးပေါင်းရင်းမြစ်များ

Matiu 20:23

Jizọs dugho n pịrịm, <<Ọ gbarịgha ḅara ḅụ ị́yẹ́ tọ́rụ́siarị ọmọngọ ma bie ḅuubẹm, kụ́ma ị́yẹ́ amaḅara ngá na ị́yẹ́ ẹ́rẹ́ḅara ngá kpọrọfịnị ma i ḅarabie ofori. Mịná kiri ma anị fịnị i Daá tẹ́lẹ́ma warị pịrịmáapụ ma pịrịm.>>

Ibi Oku Ma Jọn Anị Gịẹ Ḅara 10:18

Gbẹ́rẹ́ḅọ sọ i ḅarabie anị akịịghaa, kụ́ma a i ḅara na anị saghị kórómam. A kụrọ nyáná pa anị saghị kóróma pịghị kụrọ nyáná pa sima anị saghị akị. Mịị Daḅọ ma tọ́ọ i pịrịnyẹ sị a mịẹ.>>

Ibi Oku Ma Jọn Anị Gịẹ Ḅara 17:3

Gbámásó duma ma nyáná bẹ ḅara, anịị ịnimii, ịrị ngéré karakárá Tamuno ma, na Jizọs Krais ị fịrịmaḅọ ma nimi.

Romapụ 8:17

Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.

Romapụ 8:29

Tamuno sẹlẹakịmaapụ ma, ọ pịghị n fófóoma wárim sị n ḅo ọ Tụwọ fịnị ḅara fịnịị, o Tụ́wọ ma parị nnị yiiḅọ sọ bẹ ḅara tọgha mịnaapụ ogboku.

Romapụ 8:36

Tọ́n diri ma bie n gịẹ kóróma ḅara ḅẹẹ, <<Ọ sịbị go wa fịị na tọ́rụ́donam éné mamgba ḅụ; nnị wamịnị ákịm sọ́ḅọ́rọ́ n kọngọ pẹlẹ bẹ ánáná.>>

2 Kọrịntịapụ 1:10

Kụ́rọ ḅáláfama fịị kụ́rọ ḅụ ọ wa ḅọ́rọ́mam ọ pịghị wa ḅọ́rọ́mabẹm, wa pịghị wámịna tọ́rụ́ dighinyẹ pa ọ ḅụ gbánām ḅẹ ọ pịghị sima wa ḅọ́rọ́mabẹm,

2 Kọrịntịapụ 1:5

Wa diekiri nyáná ḅara ma Krais mánámāná tọ́rụ́siarị ḅụ, anị ḅara ma anị wa pịghị Krais ḅụ ḅọ́rọ́, diekiri nyána ḅara Tamuno opu biedịịnma ḅụ.

2 Kọrịntịapụ 13:4

Karakárányẹ ḅẹ́ Krais kụ́rọ ḅụ faá ḅụ nnị ọ ḅaupálịm, kụ́ma mị́sa Tamuno kụ́rọ ḅụ ḅọ́rọ́ Krais dumafịnịm. Wamịnị sọ ọ nana gbẹ́rẹ́nyẹ mịẹ ḅụ, wa ḅo kụ́rọ nyánágháapụ dighim. Kụ́ma wamịnị na ọ nana mịẹgbólóma ḅụ wa Tamuno kụ́rọ ma nyánábẹm ori duma bie.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Galesiaapụ 6:17

Mị́sa saghị bịpịmú, gbẹ́rẹ́ḅọ sọ mịnị ḅụḅáláḅálá pa i pịrịma tegó ị́yẹ́ oju a dighi ilíghíma ma diearị ḅẹ́ ịrị Jizọs Krais ómóniḅọ.

Ẹ́fịsọsapụ 4:13

sị wamịnị mamgba ḅo bịpị pa ogbo sua gbẹ́rẹ́ minini ḅụ, pịghị bịpị pa ogbo sua Tamuno Tụwọ ma nimi ḅụ, wamịnị sẹ́nịmaapụ ḅara pa nyẹ mịẹbẹm, sẹnị sị mú Krais láa ḅara la.

Filipaiapụ 3:8

Anịma ngéréghaa; a nyẹ gonyẹ́ gonyẹ́ kiẹm káara bi faá ḅara, a mịma mịẹm ịḅụ opuma nyẹ́la nyẹ ma gosi, anịị Inyanaḅọ Krais Jizọs nimi ma, ọ sịbị goo a nyẹ gonyẹ́ gonyẹ́ gbiḅuumamam, nyẹ gonyẹ́ gonyẹ́ ịḅụ opu ịlọ́lị kpọ dighimam. Sị a nyẹ gonyẹ́ gonyẹ́ nyáná ḅo bẹ ḅara Krais bie.

Kolosiapụ 1:24

Mị́sa i bieḅẹlẹarị a nyáná ọ pịrịarị tọ́rụ́siarị ma go, ojumẹnị ḅụ a arịarị tọ́rụ́siarị ma ḅụ ḅọ́rọ́, a ḅárásua anị karamaarị kọnyẹ́ ma Krais árị tọ́rụ́siarị ma ori oju gosi, anịị Tamuno kubiri ogbo ma.

Kolosiapụ 2:13

Gbẹ́rẹ́ sáá biri tẹ́mẹ́ ḅụ ọ fịị famam ọmịna sii gosi, ọmịnị ma pịghị ólóghó nyánágha Juughaapụ gosi. Kụ́ma mị́sa Tamuno ọmịnị pa duma bie suamam Krais ḅụ. Tamuno pịghị wámịna sii mamgba wáriso wa pịrịm.

Kolosiapụ 3:1

Anịsáa éné éné ọ Krais na fịị ḅụ saghịmáa ḅara, ọmịnị ọmịna tẹ́mẹ́bie pa sobie fịnịnyẹ ḅụ gbánaá Krais Tamuno ámáḅara angaá kpọrọfịnị angaá.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

2 Pita 1:13

A pa dumafịnị sa, anị ḅụ́gbẹm ḅẹ́ a mịnanyẹ ma pa ọmịna biekóróma.

1 Jọn 2:3

Wa ḅọ́rọ́ Tamuno ologho ma koko, wa biekụ́rọ nyánábẹm ḅẹ́ wamịnị o nimim.

1 Jọn 2:5

Ori ẹ́gẹ́rẹ́ ma dughonyẹ mịẹ ḅo gonyẹ́ gonyẹ́, n ḅọ ḅụ anịị wa nyáná Tamuno pịrị ḅẹlẹma ma káara nyẹ. Wa pa nimi bẹ ḅara ḅẹ́ wa Tamuno na bịpị ogbo sua nyanam anịị:

Puu Findi 1:18

Irịị anịị duma fịnịḅọ ma! A fịị sáá imii, kụ́ma mị́sa a duma muu ḅẹsá ḅẹsá lam. A kụ́rọ nyáná ḅo fịị pịrịm na fịịmaapụ ma tuminikiri.