Filipaiapụ 2:7 - Ibani New Testament

⁷ Mịma nakaragha, ori ọ ḅụ pa gbẹ́rẹ́nyẹ sọ mịẹghaa, warị omoniḅọ ḅara pa ọ ḅụ wárii. O ḅoo tumḅọ sọọm pịghị tumḅọ ḅara ḅụ ḅoo.

Filipaiapụ 2:7 ပူးပေါင်းရင်းမြစ်များ

Matiu 12:18

<

Matiu 20:28

Anị gbẹ́rẹ́ ḅara ma Tumḅọ yii Tụ́wọ ma ḅogha ḅẹ nnị fịrịnwangị ọ pịrị, kụ́ma ori fịrịnwangị kị́nị́ pịrị sị ori duma pa tọghaapụ sịbị sáá gbẹm.>>

Ibi Oku Ma Mak Anị Gịẹ Ḅara 9:12

Jizọs pagharam ḅẹẹ, <

Ibi Oku Ma Luk Anị Gịẹ Ḅara 22:27

Tụọ dụḅaḅá, kpọrọfịnị sị nyẹ́fịarịḅọ anịgha fị́nyẹ ma mịẹ jẹ́apụ pịrịarịḅọ? Karakárányẹ kpọrọfịnị sị n fị́nyẹ mịẹ pịrịarịḅọ ma. Kụ́ma irị a ọmịnị ogboku bie imii fị́nyẹ mịẹ ọ pịrịarị ḅo ḅara.

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

Romapụ 1:3

Mịị oku ma Tamuno Tụ́wọ ma gbolomam, wámịna Nyánáḅọ Jizọs Krais. Ojumẹnị ḅụ ori ma anịị Deviti furotụ́wọ.

Romapụ 15:3

Krais ọ ḅụ go ọ mịẹnyẹ mịẹgha o bieḅẹlẹ bẹ ḅará, anịmanakaragha, n gịẹ kóróma ḅara Tọ́ndiri ma bie, <>

Romapụ 15:8

A dugho ọ pịrịm ḅẹẹ, Krais o Juuapụ ómóniḅọ dighimam Tamuno karakáráma ḅụ, pa die ḅẹẹ, o minini nna tádọ́apụ ma pịrịnyẹ ori anị mịẹbẹm.

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

2 Kọrịntịapụ 13:4

Karakárányẹ ḅẹ́ Krais kụ́rọ ḅụ faá ḅụ nnị ọ ḅaupálịm, kụ́ma mị́sa Tamuno kụ́rọ ḅụ ḅọ́rọ́ Krais dumafịnịm. Wamịnị sọ ọ nana gbẹ́rẹ́nyẹ mịẹ ḅụ, wa ḅo kụ́rọ nyánágháapụ dighim. Kụ́ma wamịnị na ọ nana mịẹgbólóma ḅụ wa Tamuno kụ́rọ ma nyánábẹm ori duma bie.

2 Kọrịntịapụ 8:9

Ọ kọkọ wámịna Nyánáḅọ Jizọs Krais tọ́rụ́kụrụkụ́rụ́ nimi; ori ọrẹ opu láa ḅara balagha kụ́ma ọ ḅụ siminimam ọmịna sịbị go, sị ọrẹ simini ḅụ ḅọ́rọ́ ori ngọ pa ọkọọma bẹ ḅara.

Galesiaapụ 4:4

Kụ́ma karakárá sáá ma ḅo láa sa, Tamuno ọ Tụwọ fịrịmaḅom, ọ́rụ́ḅọ o yiim, Juuapụ ólóghó ḅara ḅụ ọ sẹ́nị págháḅom.

Filipaiapụ 2:6

Sámámgba ọ Tamuno fị́nị́ ḅara nyánam kụ́ma o kórómagha ḅẹ́ o kụrọ ḅara pa mịẹbẹm ori na Tamuno na gbasi.

Hiburuapụ 12:2

Wamịnị wámịna tọ́rụ́ pa Jizọs ḅụ gbánā, wámịna minini ḅára fịnịḅọ, saghị sị mú kunema la. Ori ọḅụ daagha mgbẹsẹ sị ma go, kụ́ma tórúku fịnị o kuruarị bieḅẹlẹ gosi, ori ingịrịma nyáná mgbẹsẹ sị ma pịrịm, ori mgbẹsẹ sị́ ọgọ́nọ́ fịị ma ḅụ́gịrịrị balagha. Mị́sa ọ Tamuno imine ma ámáḅara ngá kpọrọfịnịarị.

Hiburuapụ 13:3

Ikólibie fịnịapụ pa biekóróma, sọ́ḅọ́rọ́ ọmịnị na nnị na ikólibie ma ḅụ imii, ọ tọ́rụ́siarịarịapụ ma pa biekóróma sọ́ḅọ́rọ́ ọmịnị na nnị na tọ́rụ́siarị ma árịarị.

Hiburuapụ 4:15

Wamịnị igwagwaá áláḅọ nyanagha wa ḅụ fịnị ḅara ḅụ kóróghaḅọ, kụ́ma wa gbẹ́rẹ́ḅọ nyánam daádighi bie ḅọ́rọ́máaḅọ ngaa mamgba ḅụ, wamịnị sọ fịnị ḅara, kụ́ma ọ bịghịị sii pịrịgha.