Nnị ọ daákịgha ama gonyẹ́ gonyẹ́, ọmịnị ámá ma wáriso, sị ọmịna ḅụọ sughu onwo gugu sara n pịrị, pa die ḅẹẹ, anị ḅụḅáláḅálá ma nna sịbị gbánam. Tamuno igani n kuruarị.>>
Ọmịnị a daakị Kị́nị́nyánáḅọ ma ẹrẹ ḅụ, Tamuno túminị́ mịẹ na ibiḅara sị a bi ḅárásua gonyẹ́ gonyẹ́ pa a pịrị, tegó a ḅárásua nyáná wámịna ḅụ tọghaapụ pịrịmam ịrịsọ nna ḅụ gbẹ́rẹ́ḅọ.
Ijẹa ikólinaḅọ Aristakọs, fịrịmam ḅẹ́ a obifama, Mak, Banabas mị́naḅọ sọ fịrịmam ḅẹẹ a obii. Nnị bịpị pa ọ pịrịmam Mak gbolomanyẹ, o ḅoo ḅo ọmịnị ọ daakórómaa.
Wamịnị ọ tẹ́ghẹ̄m, wámịna Daa awọ, ḅẹẹ ọmịnị ibima ọmịna ogboku bie fịrịnwangịarịapụ ma osii, ọ datụ́ghụ́ma pịghị againma pa ọ pịrịarịapụ Krais asọ ma ḅụ.
Ibifịrị nwángịarị sẹ́nịapụ ma sịbịdaapụ ḅara ma anị ḅụ́gbẹm ḅẹ́ nnị mmẹẹ́ kiri kuu pa n pịrị, nyẹ mamgba nẹ́ngị nyẹ, anịị ịnyọsua fịrị nwángịarịapụ ma oku ma dugho wásáma na nyẹ́die ḅụ.
Ọmịnị ọmịna sịbịdaapụ osii, pịghị n dughonyẹ mịẹ. Nnị ọmịna tẹ́mẹ́ kúruarị ịnyọsáragha pa, n pịghị dugho Tamuno pịrịbẹ ḅara n ḅárá warị o didighi ḅara. Ọ ḅọ́rọ́ nnị osisii, n bieḅẹlẹ ḅara pa nna fịrị nwángịbẹm, anịgha n sitẹ́mẹ́ pa nna fịrị nwángịbẹm. Anịma sọ́nyẹ sọọ ọ pịrịbịgha.
A ḅo sa, anịsa, a pa o biekórómabẹm ọ mịẹmáa nyẹ mamgba, ọ tọ́rụ́kịrịkị́rị́ ḅara pa wa dughosima ḅara na pịghị o dugho iruonyẹ! Anịma o furobịgha, mịnaapụ ma ḅo sa sọ ori n dakórómagha, n dakóróma dọghụapụ ori n kikim pịghị n deepágháma Tamuno kubiri ogbo ma bie.