17 Didighigha nnị ị́yẹ́ ọmbịnyẹ́ pa ọmịna minini mịẹ pa Tamuno pịrị ágbáa ma ḅụ karị sárábẹm anị ḅọ́rọ́ ọkọfịnị fịnị. I bieḅẹlẹm ḅẹ a ọmịnị kị́nị́mamgba na bieḅẹlẹ.
Iyẹ duma iḅụ sọ́nyẹ sọ́gha, a binyẹ a pa ine iyẹ fịrị ma nwángị sịbị láama, si pịghị ine Wányánáḅọ Jizọs Krais pa i fịrịma fịrị ma nwángị fama, fịrịị ma anịị Tamuno tọ́rụ́kụrụkụ́rụ́ ibi oku ma dugho wásáma.
Kuma ọ wa pagharam ḅẹẹ, <<Ọ tegósi owu i tẹ́mẹ́ nainnainmaarị? Ḅẹẹ a tẹ́lẹ́mámam ḅẹẹ ịkóli ngéréghaa nnị i pa suabẹnyẹ; kụ́ma pịghị fịị Jerusalem ḅụ Kị́nị́nyánáḅọ Jizọs ma ẹrẹ́sị.>>
Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.
ḅẹ́ a Krais Jizọs fịrịnwangịḅọ sọọ Juughaapụ ma pịrị sị Tamuno ma igwagwaḅọ ḅara a Tamuno ma ibi oku dugho wásámaarị, Juughaapụ ma warị ḅo Tamuno daakị bẹ agba sọ, Tọ́ntọ́ Tẹ́mẹ́ fófóoma ọ pịrịnyẹ.
I bieḅẹlẹbẹm a nyánányẹ gonyẹ́ gonyẹ́ fama pighi ị ḅụgbọrụ, sị a pa ine ḅárásua ọ pịrịbẹ ḅara. Mịma anị mịẹbẹ sị ọ kálá ḅara pa i ḅẹlẹma a opuma ọ ḅẹ́lẹ́mam gosi?
Nnị wa biesimam, wa pa sámámgba bieḅẹlẹarị, wa igonyinapụ kịkam, kụ́ma wa tọgha tọghaapụ pa álásọ́maarị, wa ḅẹnyẹ ḅẹnyẹ nyánágháapụ kịkam, anịsọ wa nyẹ gonyẹ́ gonyẹ́ nyánam.
Tẹ́mẹ́bie a binyẹ na pịghị a tọ́rụ́ dighinyẹ anị ḅẹ́ ị́yẹ́ fịrị ma ḅụ a ọḅụ daagha, kụ́ma sámámgba ḅụ, pịghị mị́sa ma ḅụ a opuma tẹ́mẹ́kụ́rọ nyánábẹm sị gboro gboro kuu akuoo Krais pịrịbẹm, a duma a pịghị fịị o.
Mị́sa i bieḅẹlẹarị a nyáná ọ pịrịarị tọ́rụ́siarị ma go, ojumẹnị ḅụ a arịarị tọ́rụ́siarị ma ḅụ ḅọ́rọ́, a ḅárásua anị karamaarị kọnyẹ́ ma Krais árị tọ́rụ́siarị ma ori oju gosi, anịị Tamuno kubiri ogbo ma.