Filipaiapụ 2:16 - Ibani New Testament

¹⁶ Ọmịnị duma pịrị oku ma pa n pịrịarị sáá ọ ḅọ́rọ́ ọkọ mịẹmịẹ, a ḅara pụ́nụ́ nyẹ nyánábẹm a goo ọ pa bịpịkpọ ḅẹnyẹ Krais éné ma ḅụ tegó anị diebẹm ḅẹ́ a ịnyọ pa nwángị fịrị mamgba papa faghaa.

Filipaiapụ 2:16 ပူးပေါင်းရင်းမြစ်များ

Matiu 10:27

A dugho ọ pịrịnyẹ kánákánábie, éné bie baá ḅụ anị dugho págháma; biri ḅụ n pụghọ tẹ́rẹ́ ma dughonyẹ, warị osu ḅụ anị dugho págháma.

Ibi Oku Ma Luk Anị Gịẹ Ḅara 12:8

<

Ibi Oku Ma Jọn Anị Gịẹ Ḅara 6:63

Tẹ́mẹ́ ma duma pịrịm; ojumẹnị ma sọnyẹ pịrịgha. A kọọ ọ pịrịmaá ẹ́gẹ́rẹ́ ma anịma anịị tẹ́mẹ́ nnị pịghị duma.

Ibi Oku Ma Jọn Anị Gịẹ Ḅara 6:68

Saimọn Pita ọ pagharam, <

Fịrị Ḅara 13:26

<

1 Kọrịntịapụ 1:8

Ọ pịghị́ ọ mịẹbẹm bịpị ọ ḅụ laagha mú kunema láa, wámịna Nyánáḅọ Jizọs Krais pịghịma ḅo bẹ éné.

1 Kọrịntịapụ 9:26

Anị a go mangịarị nyẹ ḅẹẹ a mangị mú sịbị láama, a pịghị oḅoli pa fọ́rụ ḅaghuḅọ ḅara pa ḅaghugha.

2 Kọrịntịapụ 1:14

Ọmịnị sọ pịghị kálá ḅara pa wamịnị akanyaḅo ḅara, ḅẹ́ wamịnị go anị o go bịpịkpọ na ibii nyẹ, ọmịnị ma pịghị wámịna nyẹ ḅara ma Wányánáḅọ Jizọs Krais sima ḅo bẹ éné.

Galesiaapụ 2:2

A aningáa ma múm tegó, Tamuno ị tọ́rụ́ findim ḅẹ́ a muu. A aningáa fịnị sáá, ngaḅụ, a Tamuno kubiri ogbo ma sịbịdaapụ na ẹ́gẹ́rẹm. Á bim nnị akanyaḅo a dugho wásáma Juughaapụ pịrịarị ibi oku ma, a bigha ị́yẹ́ fịrịị parị sáá, na mị́sa na ḅo papanyẹ sọọ.

Galesiaapụ 4:11

Anị i tẹ́mẹ́bie ḅụḅáláḅálá pa i pịrịarị bẹ ị́yẹ́ tọ́rụ́siarị mamgba ọmịna ḅụ anị ḅo papanyẹ sọm.

Filipaiapụ 1:10

Sị ọmịnị ine ibiḅaa nyẹ ma sẹlẹakị bẹ ḅara. Anịsáa, anịị ọmịnị ọmịna ḅụ dụaḅọ́rọ́ma bẹnyẹ, ịlọ́lị ḅụ na pịghị bịpị ḅụ laagha ḅụ, Krais éné ma ḅụ.

Filipaiapụ 1:6

Anịgosi a ibima nimim ḅẹ́ Tamuno mịị ibifịrị ma saghị ḅọ ma ọmịna ḅụ, anị saghị bịpị mubẹm akị mú ori anị mịẹ kárámá sa láa Jizọs Krais éné ma ḅụ.

1 Tẹsalonaikaapụ 2:19

Ọmịnị ma, ọmịnị ma ngéré jẹ́apugha anịị wámịna tọ́rụ́ dighinyẹ, wámịna bieḅẹlẹ wa go pịghị bịpịkpọarị nyẹ Tamuno wa pa nwángị kárámá maá fịrị Wányánáḅọ Jizọs Krais tórúku o ḅo bẹ sáá.

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

Hiburuapụ 4:12

Tamuno ẹ́gẹ́rẹ́ ma anị dumam pighi i bịrịm anị oḅú mmẹẹ́ tọ́rụ́ nyáná áláápụ́-ágidi nẹngịm, anị nyẹ gonyẹ́ gonyẹ́ pẹ́lẹ́ mú tumḅọ tẹ́mẹ́ na biebẹ duma dona angaá lam, pịghị mú mgbe na mgbe mẹnị dona ngaa láa. Anị ḅẹ́rẹ́kọ tumḅọ tẹ́mẹ́ kórómaarị nyẹ na tumḅọ tẹ́mẹ́ tarịarịnyẹ mamgba pịrịpịrịm.

1 Pita 1:23

Nnị sima o yiimam, dumafịnị pịghị gbámásó Tamuno ẹ́gẹ́rẹ́ ma ḅụ ḅọ́rọ́, n sima o yiigha fịị bẹ tumḅọ duma pághámaḅoarị sịmgbọlụ ḅụ ḅọ́rọ́.

1 Jọn 1:1

Súghú saghị sa fịnịnyẹ ma, wa pịghị namaa nyẹ ma, wa pịghị wamịna tọ́rụ́ pa arịmáa nyẹ ma, wa tọ́rụ́ pa dighim pịghị ḅara pa anị lama, mịma anịị duma ẹ́gẹ́rẹ́ ma wa gịẹ pa ọ fịrịma nyẹ.

Puu Findi 22:17

Tẹ́mẹ́ ma na deeyaa biiḅọ ma ḅẹẹm, <<Ḅoo!>> Mịma náa ḅo gonyẹ́ gonyẹ́ pịghị ḅẹẹbẹm, <<Ḅoo!>> Pụghọ sámụ́nọ ḅo gonyẹ́ gonyẹ́ ḅoo; dọghụḅọ gonyẹ́ gonyẹ́ duma pịrị mingi ma daakị, igbii gbẹ́gha pa.