Filipaiapụ 2:12 - Ibani New Testament

¹² Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Filipaiapụ 2:12 ပူးပေါင်းရင်းမြစ်များ

Matiu 11:12

Jọn Mingi Saraḅọ saghị oku ma dugho wásáma sáá akị muu mị́sa ma láa, sobie ásẹ́mẹ́kiri ma kụrọ ḅara pa yii kamaarị, tẹ́mẹ́kụ́rọ nyánápụ ngéré anị ine anị bie sọarịapụ.

Matiu 11:29

Iyẹ kọ́ngọ sua sị ma sua, sị i ḅara nyẹ dáwọ, ḅẹẹ a diin pịghị ḅụ sitéréma tẹ́mẹ́ nyánam, ọ pịghị ịnyọ́sárá nyáná ḅo ọmịna tẹ́mẹ́ pịrịbẹm.

Fịrị Ḅara 16:29

Ikóliwarị kúrúḅọ ma tọndọ gbilam, warị mangị ikóliwarị ma sọọ, jighe jighearị ḅáláfaa ḅụ ọ warị bịghịkoro Pọl na Sailas ḅụọ.

Fịrị Ḅara 9:6

Kuma saghị sị opu ama ma mú, anị ngaa n dugho ị pịrịbẹm ị mịẹbẹnyẹ.>>

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

1 Kọrịntịapụ 2:3

A ọ damaḅo sáá, ịnyọ ịḅụ ofori ḅáláfa mịẹm si ị́yẹ́ oju mamgba sẹ́ghịm.

1 Kọrịntịapụ 4:14

A mịma gịẹ ọ pịrịarị ḅẹẹgha ḅẹ́ a ọ ḅụ́gịrịrịma dọ́ghụm kụ́ma a againma pa ọ pịrịbẹ ḅara a ḅẹlẹma awọ ḅara.

2 Kọrịntịapụ 7:15

Anịma go ọ nyáná ọ pịrị ḅẹlẹma warị sághị sẹnị kụ́rọ, o biekóróma sa ḅẹ́ ọmịnị kị́nị́mamgba ọmịnị ori againma akị bim, ọ pịghị ḅáláfama na osigha ḅara pa ọ daa kóróma ḅara.

Ẹ́fịsọsapụ 6:5

Ómóniapụ ọ ḅáláfa na osigha pa tuminikiri ọmịna nyánáapụ dughonyẹ mịẹ, pịghị fíafía tẹ́mẹ́ pa anị mịẹ, sọ́ḅọ́rọ́ ọ fịrịnwangị Krais pịrịarị.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 1:29

Nnị mị tọ́rụ́kụrụkụ́rụ́ ma pa i pịrịmam ọ ḅụ ngéré minini ngéréghaa kụ́ma pịghị tọ́rụ́siarị ọ pịrị.

Filipaiapụ 1:5

Tegó ọ ḅárásua i pịrịmaá ḅara mịị ibi oku ma fịrị ḅụ, parị éné ma ḅụ akị ḅo mị́sa láa.

Filipaiapụ 1:6

Anịgosi a ibima nimim ḅẹ́ Tamuno mịị ibifịrị ma saghị ḅọ ma ọmịna ḅụ, anị saghị bịpị mubẹm akị mú ori anị mịẹ kárámá sa láa Jizọs Krais éné ma ḅụ.

Filipaiapụ 2:19

Anị ḅọ́rọ́ Tamuno ḅụ ḅẹ́leḅẹ́lẹ a tọ́rụ́dighiarị ḅẹ́ a Timoti fịrịma ḅo ọ pịrịbẹm ḅọlọghaa sáá ḅụ si a ọ gbolomanyẹ náa anị i tẹ́mẹ́ miẹḅẹ́lẹ́mabẹm.

Filipaiapụ 4:1

Anịma gosi, ịyẹa nángwọ́apụ, ọmịnị a ḅẹlẹma sị anị dọghụapụ, ị́yẹ́ bieḅẹlẹ na ị́yẹ́ ogunu. Mị ḅara ma anịị ọ pa sẹ́kụrọ bẹnyẹ Kị́nị́nyánáḅọ ma bie, ịyẹa nángwọ́apụ.

Filipaiapụ 4:15

Ọmịnị Filipaiapụ, ọmịnị ibima nimii ḅẹ́ a Masidoniya wáriso sáá, a ịwọma ibi oku ma dugho wásámaarị sáá, ọmịnị ngéré anịị ḅárásua i pịrị sọsị, ọmịnị anịị ị́yẹ́ sọnyẹ na ị́yẹ́ faá ḅụ diekiri nyánáapụ.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.

Hiburuapụ 12:1

Wamịnị, wa mị tọgha túminị́ nyanam, wa gbiri ikelekelé si onyẹ́sẹ wa pịrịapụ, anịgo anị ibim ḅẹẹ wa pa ngása, warịị wa pụ́nụ́marịnyẹ gonyẹ́ gonyẹ́ na pịghị wa fángálámaarị sii ma, sị wa pịghị ingịrịma nyána si wámịnị ine kụ́rọ́ma si wámịna tórúku fịnị mangị ma mangịị.

Hiburuapụ 4:1

Mị́sa Tamuno minini wa pịrịmam ḅẹẹ ori anị gbolomanyẹ dugho ịnyọ́sárá ma, wa anị nyánáḅobẹm. Anị ibibẹm wa ḅụ ẹḅịị sị, Tamuno mini wa pịrịnyẹ ma anị gbẹ́rẹ́ḅọ sọ gbarịbịgha ḅara.

Hiburuapụ 4:11

Anịgo wamịnị wa ine ḅara mamgba mịẹsị árị ḅẹẹ wamịnị anị ịnyọ́sárá ma nyánam sị gbẹ́rẹ́ḅọ so bịghịbịgha ḅara isiapụ bịghị ḅara nnị minini nyanagha gosi.

Hiburuapụ 5:9

Nnị o mịẹ kpainma sa, ọ warị anị ḅụ ḅọ́rọ́ gbámásó dụaḅọ́rọ́ma pa ọ dughonyẹ mịẹapụ gonyẹ́ gonyẹ́ pịrị.

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.