Filipaiapụ 1:6 - Ibani New Testament

⁶ Anịgosi a ibima nimim ḅẹ́ Tamuno mịị ibifịrị ma saghị ḅọ ma ọmịna ḅụ, anị saghị bịpị mubẹm akị mú ori anị mịẹ kárámá sa láa Jizọs Krais éné ma ḅụ.

Filipaiapụ 1:6 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 6:29

Jizọs pagharam, <>

Fịrị Ḅara 11:18

Nnị mịma náa sáá, nnị mịnị ine ẹ́gẹ́rẹ́gha, kụ́ma Tamuno bomam ḅẹẹ, <>

Fịrị Ḅara 16:14

Lidiya, Tiyatira ḅụ saghị ḅoḅọ anịị wa naáapụ ma ḅụ gbẹ́rẹ́ḅọ, opu igbii láa bịtẹ anịị a dẹrịarị nyẹ. Mịị ọ́rụ́ḅọ ma anịị susi Tamuno pịrịarị ọ́rụ́ḅọ, Kị́nị́nyánáḅọ warị a kúkúbie findi sị a birifama Pọl dugho pághámaarị oku ma pịrịm

1 Kọrịntịapụ 1:8

Ọ pịghị́ ọ mịẹbẹm bịpị ọ ḅụ laagha mú kunema láa, wámịna Nyánáḅọ Jizọs Krais pịghịma ḅo bẹ éné.

2 Kọrịntịapụ 1:15

I tẹ́mẹ́kụ́rọ mịnanyẹ mamgba pịrịm anị a go ọrụtọ nyẹ parị ma ḅụ sị á ọ fịnịanga ḅo sị mmẹẹ́ karịiḅi ọmịna nyẹ sọọ bẹ ḅara.

2 Kọrịntịapụ 2:3

Anị a go anị ábálálá ma gịẹ ọ pịrịnyẹ. A bigha ḅẹ́ a ọ damaḅo, sị i tẹmẹ miẹḅẹ́lémaapụ ma, ḅo i tẹ́mẹ́ miẹsima. A itẹ́mẹ́bie mininim ḅẹ́ ị bieḅẹlẹarị sa, ọmịnị mamgba sọ bieḅẹ́lẹ́bẹm.

2 Kọrịntịapụ 7:16

Ị bie opuma ḅẹlẹm ḅẹ́ a ine ọmịna ḅụ káara biekpọ nyánábẹm.

2 Kọrịntịapụ 9:4

Anị fịnị ḅara ḅọ́rọ́ Masidoniyaapụ ma ịnáná ḅo ḅo sị arịḅo ḅẹẹ nịị ọ tẹ́lẹ́maghaa, anị tọ́rọ́fịnị ḅụ́gịrịrị dighiḅọ wa pịrịbẹ, anị pịghị dighiḅọ ọ pịrịbẹ ḅụ́gịrịrị wa biekpọma nyána ḅara ma ọmịna ḅụ.

Galesiaapụ 5:10

A Kị́nị́nyánáḅọ ḅụ tẹ́mẹ́kụ́rọ nyánam ọ fịnị angaá ḅẹ́ ọ jẹ́ kịrị kóróma nyánábịgha, pịghị ọmịna sịbịbie galagalamarịḅọ ma n ḅọ tẹ́ nyẹ, tẹ́ nyẹ o Tamuno ḅara gbẹ́nyẹ nyánáḅobẹm.

Ẹ́fịsọsapụ 4:12

O mịma mịẹm pa Tamuno túminị́ tẹ́lẹ́ma warị pa Krais asọ duarịapụ ma fịrị pịrị, sị nnị ibima Krais oju ma, anịị Tamuno kubiri ogbo ma nama tẹ́lẹ́ma bẹ ḅara,

Filipaiapụ 1:10

Sị ọmịnị ine ibiḅaa nyẹ ma sẹlẹakị bẹ ḅara. Anịsáa, anịị ọmịnị ọmịna ḅụ dụaḅọ́rọ́ma bẹnyẹ, ịlọ́lị ḅụ na pịghị bịpị ḅụ laagha ḅụ, Krais éné ma ḅụ.

Filipaiapụ 1:29

Nnị mị tọ́rụ́kụrụkụ́rụ́ ma pa i pịrịmam ọ ḅụ ngéré minini ngéréghaa kụ́ma pịghị tọ́rụ́siarị ọ pịrị.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Filipaiapụ 2:13

Tegó Tamuno sámámgba ọmịna ḅụ fịrị nwángịarị sị ọmịnị ine ọmịna tẹ́mẹ́bie o dọghụnyẹ mịẹ.

Filipaiapụ 2:16

Ọmịnị duma pịrị oku ma pa n pịrịarị sáá ọ ḅọ́rọ́ ọkọ mịẹmịẹ, a ḅara pụ́nụ́ nyẹ nyánábẹm a goo ọ pa bịpịkpọ ḅẹnyẹ Krais éné ma ḅụ tegó anị diebẹm ḅẹ́ a ịnyọ pa nwángị fịrị mamgba papa faghaa.

Kolosiapụ 2:12

Ọ mingi sara sáá nnị ọmịnị na Krais dipi gbolomam, mingi sara ḅụ n pịghị ọmịnị na Krais saghịmam, ọmịna minini Tamuno kụ́rọ ma ḅụ, fịị bie ọ sághịma ḅọ.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

2 Tẹsalonaikaapụ 1:11

Anịị wa go sámámgba tẹ́ghẹ̄ ọ pịrịarịnyẹ, wa pịghị biiarị ḅẹ́ Tamuno pa ọ sị sịị ma ọmịnị anị ḅụ ḅụ́gbẹ́ duma kọọ ori kụ́rọ ḅụ ọ pịghị mịẹsị ọmịnị ine ọ́ mịẹ dọghụ ibinyẹ mamgba mịẹ, sị pịghị ọmịna minini fịrị ma mịẹ kárámá.

2 Tẹsalonaikaapụ 3:4

Kị́nị́nyánáḅọ mịẹm sị wamịnị ine tẹ́mẹ́kụ́rọ nyáná ọ fịnị angaá; wa pịghị mininim ḅẹẹ ọmịnị ibiḅara mịẹarị ọ pịghị wa dugho ọ pịrịnyẹ ma mịẹ tórúku muubẹm.

Fịlẹmọn 1:21

Á mị diri ma gịẹárị ḅara, a tẹ́mẹ́kụ́rọ nyánam ḅẹ́ ị a ị ḅara bii nyẹ ị mịẹbẹm, ị pịghị mịẹ a ḅiiḅara nẹ́ngimabẹm.

Hiburuapụ 10:35

Ọ mịnị ọmịna biekpọma pa ngúmá ma tegó anị opu gbẹ́nyẹ pa ḅo ḅom.

Hiburuapụ 12:2

Wamịnị wámịna tọ́rụ́ pa Jizọs ḅụ gbánā, wámịna minini ḅára fịnịḅọ, saghị sị mú kunema la. Ori ọḅụ daagha mgbẹsẹ sị ma go, kụ́ma tórúku fịnị o kuruarị bieḅẹlẹ gosi, ori ingịrịma nyáná mgbẹsẹ sị ma pịrịm, ori mgbẹsẹ sị́ ọgọ́nọ́ fịị ma ḅụ́gịrịrị balagha. Mị́sa ọ Tamuno imine ma ámáḅara ngá kpọrọfịnịarị.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

2 Pita 3:10

Kị́nị́nyánáḅọ ma pịghịma ḅoo bẹ éné ḅobẹm fúrúḅọ ḅara ma. Anị éné ma ḅụ, so ma ẹmẹẹ́fábẹm, sobie fịnị a nyẹ ma kọrịfịnị ḅụ dọghụfámabẹm, tuminikiri ma na anị bie fịnịnyẹ mamgba paghaḅụ pa fịnịbẹm.