Filipaiapụ 1:27 - Ibani New Testament

²⁷ Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 1:27 ပူးပေါင်းရင်းမြစ်များ

Matiu 12:25

Jizọs nna kóróma nimim warị n ḅẹẹ, <

Fịrị Ḅara 2:46

Éné éné bie anịị nnị donaarị nyẹ ogboapụ ḅara Tamuoopuwarị ma bie, nnị pịghị nna fị́nyẹ fị gbólómam jụghọ jụghọ wárịbie bieḅẹlẹ kúkúbie na ḅụ siminima nna ḅụ,

Fịrị Ḅara 24:24

Éné ḅo kẹ́lẹ́ ḅọ́rọ́ sáá, Fẹlis na ọ taa Durusila Juu ọ́rụ́ḅọ warị ḅo ḅoo. Ọ warị fịrịma Pọl sii warị o pughu ọ Jizọs Krais ḅụ minini gbolomanyẹ dugho.

Fịrị Ḅara 4:32

Minini ogbo ma gbẹ́rẹ́ tẹ́mẹ́ nyanam. Gbẹ́rẹ́ḅọ so amịna nyánányẹ ḅẹgha ḅẹẹ ọ́ inyee, kụ́ma nnị nyána nyẹ gonyẹ́ gonyẹ́ nnị pa jụghọ jụghọ na diem.

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

Romapụ 1:5

Tamuno Krais ḅụ ḅọ́rọ́ tọ́rụ́kụrụkụ́rụ́ nyáná wa pịrịm sị wa sị ḅẹ́ wamịnị ḅo nfịrịmaapụ sọọ Krais ma ẹrẹ́sị, sị sẹ gonyẹ́ gonyẹ́ ḅụ wa túminị́ daá bẹ ḅara ḅẹ́ nnị ọḅụụ minini pịghị ọ bịpị pughu.

Romapụ 1:9

Tamuno, a itẹ́mẹ́ gbọrụ pa susi pịrịarịḅọ, anịị ọ Tụwọ ma gboloma ibi oku ma dugho wásáma ḅụ, ori ma anịị ị́yẹ́ onyésẹ̄ḅọ a sámámgba ọ pa biekórómáarị ḅara

Romapụ 10:8

Kụ́ma anị tẹ́ dugho: Tamuno oku ma i nana kikiam; ị bịpịbie na ị tẹ́mẹ́bie imi, anịị wa dugho pághámaarị minini ẹ́gẹ́rẹ́ ma.

Romapụ 15:16

ḅẹ́ a Krais Jizọs fịrịnwangịḅọ sọọ Juughaapụ ma pịrị sị Tamuno ma igwagwaḅọ ḅara a Tamuno ma ibi oku dugho wásámaarị, Juughaapụ ma warị ḅo Tamuno daakị bẹ agba sọ, Tọ́ntọ́ Tẹ́mẹ́ fófóoma ọ pịrịnyẹ.

Romapụ 15:29

A nimim ḅẹ́ a ḅo ọ fịnịnga láa sa a bifụfụ Krais karịibima na ḅobẹm.

1 Kọrịntịapụ 1:10

I jẹa mininiapụ a ọ́ tẹ́ghẹ̄m wámịna Nyánáḅọ Jizọs Krais ẹrẹ ḅụ ḅẹẹ ó gbẹ́rẹ́ bịpịfie si puama ọmịna ogboku bie fịnịbịgha ḅara. Ọ ḅụ pa gbẹ́rẹ́nyẹ mịẹ ọmịna kúkúbie na ọmịna kóróma ḅụ.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

2 Kọrịntịapụ 9:13

Ọ nwángị fịrị ma nyána sị die pághámaarị nyẹ gosi tọghaapụ boma pa Tamuno pịrịbẹm ọmịnị Krais ibi ọkụ́ ma osii ḅara, ọ pịghị dugho pághámaarị nyẹ, ọ pịghị ḅara findi nnị na diearị ḅara na pịghị kị́nị́mamgba na.

Galesiaapụ 1:7

Jẹ́ ibi oku ofori, a mịma dughoarị tegó jẹ́apụ imi ḅụḅáláḅálá pa ọ pịrịarịapụ n pịghị asọ dọghụ Krais ibi oku ma dima dọ́ghụm.

Ẹ́fịsọsapụ 1:13

Ọmịnị sọ ḅo Krais túminị́ sọm ọ tụ́ma ẹ́gẹ́rẹ́ ma náa sáá, dụaḅọ́rọ́ma akuoo ọ pịrị ibi oku ma, ọ Krais ḅụ mininim, Tamuno pịghị o mini Tọ́ntọ́ Tẹ́mẹ́ pa ọmịna ḅụ ilíghíma suam ḅẹ́ ọmịnị onyẹẹ.

Ẹ́fịsọsapụ 1:15

Mịma gosi, a ọmịna minini náa sáá éné éné Kị́nị́nyánáḅọ Jizọs ḅụ pịghị ọ nyáná ḅẹlẹma Tamuno tọ́ntọ́apụ mamgba fịnị angaá,

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Filipaiapụ 1:5

Tegó ọ ḅárásua i pịrịmaá ḅara mịị ibi oku ma fịrị ḅụ, parị éné ma ḅụ akị ḅo mị́sa láa.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Filipaiapụ 2:24

A pịghị Tamuno ḅụ tẹ́mẹ́kụ́rọ nyánam ḅẹẹ irịsọ pịghị ine ọ fịnị angaá ḅobẹm ḅọlọgha sáá ḅụ.

Filipaiapụ 3:18

Mịma a parị tọgha sáá ḅụ anị dugho o pịrịmam a pịghị owu mingi pa sima anị dugho ọ pịrịarị: ḅẹ́ jẹ́apụ imi nna duma mịẹsị nnị Krais iruonaapụ soom ori fịị mgbẹsẹ sị́ ọgọnọ ḅọ́rọ́.

Filipaiapụ 3:20

Wamịnị sobie amaapụ anịgosi wa wa ḅụ sẹ́ghịma wámịna dụaḅọ́rọ́ma ḅo Kị́nị́nyánáḅọ Jizọs Krais kúruarị sị o sobie saghị ḅoo.

Filipaiapụ 4:1

Anịma gosi, ịyẹa nángwọ́apụ, ọmịnị a ḅẹlẹma sị anị dọghụapụ, ị́yẹ́ bieḅẹlẹ na ị́yẹ́ ogunu. Mị ḅara ma anịị ọ pa sẹ́kụrọ bẹnyẹ Kị́nị́nyánáḅọ ma bie, ịyẹa nángwọ́apụ.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 1:4

Tegó wa namam ọmịna minini Krais Jizọs ḅụ, ọ pịghị nyáná Tamuno túminị́ mamgba pịrị ḅẹlẹma.

1 Tẹsalonaikaapụ 3:6

Mị́sa Timoti sóḅomam, ọ pịghị ọmịna minini na ọmịna ḅẹlẹma gboloma bieḅẹlẹma oku ma akuomam. O dugho wa pịrịmam ḅẹẹ sámámgba ọmịnị ibi kóróma nyáná wa pịrịarị, ḅẹẹ o biarị ọmịnị wamịnị árị bẹ ḅara, wamịnị sọ dọghụarị ḅara wamịnị ọmịnị arịị.

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

1 Timoti 1:11

Anị dienyẹ ma tumḅọ ine anị árịbẹm n sághị i ḅárabie sua ibi oku ma ḅẹ́ ịrị anị dugho wásámáa, ibi oku ma anịị túminí mamgba ḅụ́gbẹ́ Tamuno ipine diepágháma nyẹ.

1 Timoti 1:19

Pịghị ị́yẹ́ minini ọlọsẹma pịghị fíafía tẹ́mẹ́bie warị, jẹ́apụ jẹ́ sa nna tẹ́mẹ́bie pughugha anịgosi nnị nna minini gulugulumamam.

2 Timoti 4:7

A ibi owu sọmam, mangị ma a mangị mú sịbị lámam, a pịghị minini ma wárịmam.

Taitọs 2:10

anịgha n fúrú. Anịmanakaragha, nnị nna ḅụ die ḅẹ́ nna nyánáapụ ine nna ḅụ biegbánábẹm, mịma ḅụ ḅọ́rọ́ Tamuno wámịna Dụaḅọ́rọ́maḅọ dienyẹ ma kị́nị́mamgba anị ḅẹ́lẹ́mabẹm asọ mamgba ḅụ.

Fịlẹmọn 1:5

a náa sị, ị́ nyána Tamuno túminị́ mamgba pịrị ḅẹlẹma gosi, na pịghị ị́yẹ́ míníni wámịna Nyánáḅọ Jizọs ḅụ.

Jems 3:18

Diin miẹmiẹapụ sị diin dipi pịghị karakárá ibiamịẹnyẹ sughu sughum túminị́ ma ogbobie.

2 Pita 3:11

Mịnanyẹ ma mị ḅara pa gulugulufama bẹ ḅara ma, ọmịnị anịị tọ́rọ fịnị túminị́ ḅara? Ọ tọ́ntọ́ duma kọọ, pịghị ọmịna ḅụ saghị Tamuno ḅárásua,

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

Judu 1:3

A opuma kórómaarị a diri gịẹ ọ fịrịma wamịnị kị́nị́mamgba nyáná dụaḅọ́rọ́ma gbólómanyẹ ḅụ. Kụ́ma anị ḅoo ịḅụ korom ḅẹ, a ábálálá gịẹ pa ọmịna tẹ́mẹ́ kụrọma, ḅẹẹ ọmịnị owusọọ tórúku mú Tamuno gbẹ́rẹ́sa pa ori a túminị́ pịrị sị pịrị fama minini.