Filipaiapụ 1:21 - Ibani New Testament

²¹ Ḅẹ́ mị́sa ịrị a duma duma, a duma Krais pịrịm a fị́ị́ fịị, anị sọnyẹ mịẹm.

Filipaiapụ 1:21 ပူးပေါင်းရင်းမြစ်များ

1 Kọrịntịapụ 1:30

Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.

1 Kọrịntịapụ 3:22

Ḅọ́rọ́ Pọl, Apọlọs, Pita, mị tuminikiri, duma na fịị na, mị́sa biri nyẹ na pịghị tórúku ju nyẹ mịnanyẹ mamgba ọmịna nyẹẹ.

2 Kọrịntịapụ 5:1

Mị́sa wa nimim ḅẹ́ ḅọ́rọ́ wa bie angaá wárị ma mịẹ tuminikiri kaaka, wa Tamuno ḅara saghị ḅo wárị nyánam sobie, túminị́ ḅara pa namaghaa nyẹ, sị fịnị mú gbámásó la bẹnyẹ.

2 Kọrịntịapụ 5:6

Anịgo sámámgba wa biekpọ nyánam, wa nimim bẹ wa tuminikiri ojumẹnị ḅụ fịnị sa gonyẹ́ gonyẹ́, wa ḅọlọ angaá ḅụ imi Kị́nị́nyánáḅọ wárị ma ḅụ.

2 Kọrịntịapụ 5:8

Wamịnị opuma biekpọ nyánam tụ́ma biiarị ḅẹ́, wa mị tuminikiri ojumẹnị wárị ma wáriso sị mú ámáọ́gọ́nọ Kị́nị́nyánáḅọ na fịnị

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Galesiaapụ 6:14

Ịrị ọkụ́ma Tamuno minini ma ḅẹ́ a jẹ́nyẹ pa bịpịkpọ wámịna Nyánáḅọ Jizọs Krais mgbẹsẹ sị́ ma sima, anị ḅụ ḅọ́rọ́ tuminikiri ma fịịmam a fịnị angaá, a pịghị fịịmam tuminikiri ma fịnị angaá.

Filipaiapụ 1:20

Tẹ́mẹ́bie a binyẹ na pịghị a tọ́rụ́ dighinyẹ anị ḅẹ́ ị́yẹ́ fịrị ma ḅụ a ọḅụ daagha, kụ́ma sámámgba ḅụ, pịghị mị́sa ma ḅụ a opuma tẹ́mẹ́kụ́rọ nyánábẹm sị gboro gboro kuu akuoo Krais pịrịbẹm, a duma a pịghị fịị o.

Filipaiapụ 1:22

A pa dumafịnị fịnị, mịma dughoarị ḅẹ́ a sọnyẹ sọ fịrị nwángịbẹm, anịgosi a nimigha mị́sa a sẹ́lẹ́akị bẹnyẹ.

Filipaiapụ 1:23

Amaḅara i nụ́nụ́arị ẹ́rẹ́ḅara i nụ́nụ́arị a opuma biiarị ḅẹ́ a mị duma ma wáriso sị mú Krais na fịnị, mịma anị kọkọ ibiḅaa;

Filipaiapụ 2:21

Ọ́rụ́ḅọ ọ́rụ́ḅọ amịna ḅụ, amịna ḅụ dọghụarị gbẹ́rẹ́ḅọ sọ Jizọs Krais nyẹ doghughaa.

Kolosiapụ 3:4

Krais ọmịna duma ma, ọ ḅụ diepágháma sáá, ọmịnị sọ ọmịna ḅụ diepághámabẹm ipine ḅụ.

Puu Findi 14:13

Anịsáa a warị sobie sághị pụghọ náa dughoarị nyẹ ḅẹẹ, <><>