Filipaiapụ 1:15 - Ibani New Testament

¹⁵ Karakárányẹ ḅẹ́ jẹ́apụ Krais ibi oku ma dugho wásámaarị tọ́rụ́akụ na kamkoro ḅụ kụ́ma jẹ́apụ pịghị ibi kúkúbie ḅụ.

Filipaiapụ 1:15 ပူးပေါင်းရင်းမြစ်များ

Matiu 23:5

<

Fịrị Ḅara 10:36

O nimim ọ pa Izirẹlịawọ fịrịma oku, diin ibi oku ma dugho wásámaarị, Jizọs Krais kị́nị́mamgba Nyánáḅọ ḅụ ḅọ́rọ́.

Fịrị Ḅara 11:20

Kụ́ma jẹa mininiapụ, Saiprọs na Sirini ḅụ saghị ḅo owiapụ, Antịọkụ muum warị oku ma dugho wásáma pa Juughaapụ sọ pịrịị, anịị Jizọs Krais gboloma ibi oku ma.

Fịrị Ḅara 5:42

Éné mamgba Tamunoopuwarị ma bie, pịghị túminị́ wárịbie anịị nnị Jizọs nnị Pulo pa Sịbị Saraḅọ ibi oku ma dugho wásámaarị nyẹ pịghị anị diearị.

Fịrị Ḅara 8:35

Filipụ saghị ẹ́gẹ́rẹ́m, warị mịị diri ma ḅụ saghị, sị Jizọs gboloma ibi oku ma dugho wásáma ọ pịrị.

Fịrị Ḅara 8:5

Filipụ Sameriya opu ama ma muum sị n Pulo pa Sịbị Saraḅọ dugho wásáma túminị́ ma pịrị.

Fịrị Ḅara 9:20

Ọ warị sáá ngúmágha pa nna kobiri yọ ma muu, si dugho wásáma ḅẹẹ, Jizọs ori anịị Tamuno Tụ́wọ.

Romapụ 2:8

Kụ́ma nna ḅụ nna ḅụ balaarịapụ sị karakáráma sịghị sị nnị ine irima nyẹ ma mịẹbẹ ḅara, anịapụ ma Tamuno n dighi iganịbẹm sị nna sịbị ḅẹ́rẹ́kọ.

1 Kọrịntịapụ 1:23

Wamịnị ma, wa n ḅaupálị Krais ma dugho wásámaarị, mị oku ma anị Juuapụ iganịmaarị, Juughaapụ ma anị nyẹ ḅụ oforighaa nyẹ sọm;

1 Kọrịntịapụ 13:3

A ine a nyánányẹ gonyẹ́ gonyẹ́ die gálágálámabẹm pịghị ị́yẹ́ oju saghị pịrị ḅẹẹ nnị anị dọ́ghụ́ma, kụ́ma a ḅẹlẹma nyanagha nyanagha anị mịẹ i pịrị ibi ófóri.

2 Kọrịntịapụ 1:19

Ḅẹ́ Jizọs Krais Tamuno Tụwọ, Sailas na Timoti na ịrị ma dugho wásáma ọ pịrịḅọ ma, ori <> na <> kụ́ma ọ ḅụ Tamuno <> ngéré ḅẹm.

2 Kọrịntịapụ 11:13

Mịná owiapụ ma nnị tụ́ma nfịrịmaapụghaa nnị mḅụ pa nfịrịmaapụ sị ḅara, kụ́ma nnị ọkọ fịnịgha, nnị nna fịrị ma pa oḅori pa kị́nị́ sịịarị, nnị nna ḅụ dimam sị túminị́ ḅẹẹ bẹ ḅara ḅẹẹ nnị karakárá Krais fịrịmaapụ.

2 Kọrịntịapụ 12:20

Ḅáláfa ịḅụ imi ḅẹẹ a aningáa láa bẹ sa a bi ḅara ọmịnị ọkọfịnịbịgha, ọmịnị sọ pịghị dọghụ ḅara a ọkọfịnịbịgha. Ḅáláfa ịḅụ imi, bẹ kam sọ, na jụghọ nyẹ mọnị, na ọfịrị kúkúbie, na ngéré fịị, jẹ́apụ dughosima, na opu ibiamịẹnyẹḅọ na nyẹ mịẹ gálágálá ma, anịị a árị bẹnyẹ.

2 Kọrịntịapụ 4:5

Wa wámịna ḅụ dugho wásámagha, kụma wa Krais dugho wásámaarị ḅẹ́ ori anị Kị́nị́nyánáḅọ sị wamịnị, ọmịna fịrịnwangịapụ Jizọs ẹrẹ́sị.

Galesiaapụ 2:4

Karakárányẹ ḅẹ́ jẹ́apụ ọkọ dọ́ghụm, oḅori pa kị́nị́ sịarịapụ sọ́ḅọ́rọ́ nnị sọ mininiapụ, mịnaapụ wámịna ogbobie sọḅom ḅọghu ḅara ḅụ, sị n dọghụ pághámaḅo bẹ ḅara wa nyáná ḅụ́nyana wa ḅo Krais Jizọs na gbẹ́rẹ́nyẹ mịẹ sáá, nnị Juuapụ ólóghó ómóniapụ pa wa mịẹ dọ́ghụm.

Filipaiapụ 2:3

Ọ bẹnyẹ bẹnyẹ mịẹma ọ nyánáḅọ ọ ḅụ pịrị bi sọ́nyẹ goo anịgha ọ pa álála ḅọ́rọ́ pa bịpịkpọ ḅẹnyẹ, kụ́ma ọ ḅụ sitéréma jụghọ jụghọ pịrị, jẹ́apụ pa nyẹ́sị ọmịna ḅụ nẹ́ngii.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.