Ẹ́fịsọsapụ 6:6 - Ibani New Testament

⁶ Ọ mịma mịẹma nnị tọ́rụ́ pa o dighiarị sa ngéré, tegó ọ dọ́ghụm ḅẹ́ nnị ibi ẹrẹ pa ọ sị, kụ́ma ọ mịnị ọ tẹ́mẹ́ gbọrụ pa Tamuno dọghụnyẹ mịẹ, Krais ómóniapụ ḅara.

Ẹ́fịsọsapụ 6:6 ပူးပေါင်းရင်းမြစ်များ

Matiu 12:50

Ḅẹẹ i Daá sobie fịnịḅọ ma ḅụḅẹ́lẹ́nyẹ mịẹarịḅọ gonyẹ́ gonyẹ́ anị tumḅọ ma anịị ị́yẹ́ amịna owiḅọ, ị́yẹ́ amịna ọ́rụ́ḅọ na pịghị ị́yẹ́ nyingiḅọ.>>

Matiu 7:21

<< pa i sịapụ mamgbagha ásẹ́mẹ́kiri ma sọbẹm, kụ́ma ị́yẹ́ Daá sobie fịnịḅọ ma binyẹ mịẹḅọ gonyẹ́ gonyẹ́.

Ibi Oku Ma Mak Anị Gịẹ Ḅara 3:35

I daa ma binyẹ mịẹḅọ gonyẹ́ gonyẹ́, n ḅo anịị ị́yẹ́ mịná owiḅọ na ị́yẹ́ amịna ọ́rụ́ḅọ na pịghị ị́yẹ́ nyingiḅọ.>>

Romapụ 6:17

Kụ́ma wamịnị ịmịẹḅam pa Tamuno ḅẹbẹm! Tegó gbẹ́rẹ́sa biri ọmịnị omoni sọ sii pịrịm, kụ́ma mị́sa ọ nyánáḅọ karakárá dienyẹ ma ọ tẹ́mẹ́ gbọrụ pa anị dughonyẹ mịẹm.

1 Kọrịntịapụ 7:22

Ḅẹẹ Kị́nị́nyánáḅọ sị maá ómóniḅọ ma n ḅo anịị Kị́nị́nyánáḅọ ḅụ ḅụ nyánámáaḅọ, anị gbẹ́rẹ́ ḅara ma amịna ḅụ nyánámáaḅọ sị Krais sịḅọ, n ḅọ anịị Krais ómóniḅọ.

Galesiaapụ 1:10

Mịma anị die ḅẹ́ a túminị́ ḅẹlẹma bẹnyẹ mịẹarị? Ọkọ fịnịgha, a binyẹ anịị Tamuno ḅẹlẹma bẹnyẹ. Ḅọ́rọ́ ḅẹ́ a túminị́ go pa iḅẹlẹma bẹnyẹ mịẹarị, anịsáa a ine Krais fịrịnwangịḅọ ẹrẹ fịbịghaa.

Ẹ́fịsọsapụ 5:17

Anịgo oḅoriapụ sọ ma, kụ́ma dọghụ pághámaḅo Kị́nị́nyánáḅọ i ḅara binyẹ sị i mịẹ.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Kolosiapụ 1:9

Mịma gosi, wa sághị o gbolomanyẹ náa sa éné éné wamịnị ịnyọsáragha ḅara pa tẹ́ghẹ̄ ọ pịrịarị pịghị Tamuno ḅara biiarị ḅẹ́ Tamuno ori níminyẹ ọ tọ́ọ ḅará pa ọ pịrị bimáa na pịghị ọ Tẹ́mẹ́ sághị ḅoo opúniminyẹ mamgba na akanyaḅo pa ọ pị́rị́.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

1 Tẹsalonaikaapụ 2:4

Anịmanakaragha, wamịnị ẹ́gẹ́rẹ́kọarị Tamuno bi ḅara, tegó ọ́ wa daádighiman sị árị ḅo ḅẹ́ ori ine mị ibi oku dugho wásáma pa wa ḅarabie suabẹm. Wamịnị asọ dọghụgha ḅẹ wa túminị́ tẹ́mẹ́ mịẹ ḅẹ́lẹ́maa, kụ́ma Tamuno tẹ́mẹ́ mịẹ ḅẹ́lẹ́maa, anịị wa mịẹarịnyẹ ori ma anịị pịghị wámịna tẹ́mẹ́bie nimiḅo.

1 Tẹsalonaikaapụ 4:3

Ḅẹẹ mịị Tamuno binyẹ, ḅẹẹ ọ tọ́ntọ́ ḅụ fịnị ḅẹ́, gbẹ́rẹ́ḅọ sọ yáakuu ḅụ ófórigha nwángị kọma, ọkọfịnị nyẹ ḅụ ọ gbẹ́rẹ́ sáá ọ ḅụ fóofóo ma.

Hiburuapụ 10:36

Í ingịrịma nyáná na ibim, si ị ine Tamuno tọ́nyẹ mịẹbẹ ḅara, si o minini nyẹ mamgba nyánáḅoo.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

1 Pita 2:15

Tamuno bim ḅẹ́, ọmịnị ọmịna ibifịrị ḅụ ḅọ́rọ́ o nyẹ ḅụ ófórigha oḅoriapụ ma bịpị pụ́ma nna oḅori ẹ́gẹ́rẹ́ ḅụ.

1 Pita 4:2

Ḅẹ́ mị́sa saghị bịpịmú, ọmịnị ọmịna duma kọnyẹ́ ma kọọ tuminikiri Tamuno tọ ḅara, mịnị duma kọma tuminikiriapụ sii duma kọarị ḅara.

1 Jọn 2:17

Tuminikiri ma na anị bie fịnị sị túminị́ tarịarịnyẹ ma, káaḅọ́rọ́arị; kụ́ma Tamuno ma tọ́nyẹ mịẹapụ duma gbámásóbẹm.