Ẹ́fịsọsapụ 6:23 - Ibani New Testament

²³ Diin na ḅẹlẹma na minini Tamuno Daḅọ na Wányánáḅọ Jizọs Krais ḅara ḅo nyẹ fịnị wa jẹa mininiapụ ma pịrị.

Ẹ́fịsọsapụ 6:23 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 14:27

<

Romapụ 1:7

Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

Romapụ 15:33

A tẹ́ghẹ̄m ḅẹ Tamuno, diin pa wa pịrịarịḅọ ọmịnị kị́nị́mamgba na fịnịị. Anị ọkọ fịnị.

1 Kọrịntịapụ 1:3

Wámịna Dáḅọ Tamuno na pịghị Wányánáḅọ Jizọs Krais, tọ́rụ́kụrụkụ́rụ́ na diin pa ọ pịrị.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Galesiaapụ 6:16

Tamuno diin na ọrẹ lolomakúkúbie fịnị mịị dugho kóróma ẹ́gẹ́rẹ́ ma duaapụ pịrị, nna duma ḅụ na pịghị Tamuno túminị́ mamgba.

Ẹ́fịsọsapụ 6:24

Tamuno tọ́rụ́kụrụkụ́rụ́ fịnị kunema nyanagha ḅẹlẹma pa wámịna Nyáná ḅo Jizọs Krais ḅẹlẹmaapụ pịrị.

1 Tẹsalonaikaapụ 5:8

Kụ́ma wamịnị, éné ma nyẹ; anịgo wamịnị wa ḅụ ọlọbẹm. Wa minini na ḅẹlẹma suabẹm n gbolu daa kúkúbie gbẹ́nyẹ ḅara, na wámịna dụaḅọ́rọ́ma tọ́rụ́ dighinyẹ ma anịị wámịna ikúlélusú.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

2 Tẹsalonaikaapụ 3:16

Wámịna Nyánáḅọ ori ọ ḅụgbọrụ ọ ḅarabie diin saghị ḅoḅọ diin pa ọ pịrị sámámgba ḅụ asọ kirikiri ḅụ. Kị́nị́nyánáḅọ ọmịnị kị́nị́mamgba na fịnịị.

1 Timoti 1:14

Wámịna Nyáná ḅo pịghị opuma ori tọ́rụ́kụrụkụ́rụ́ pa opuma ịḅụ sara wásámam. Ọ Krais Jizọs ḅara saghị ḅo minini na ḅẹlẹma pa i pịrị bimam.

1 Timoti 1:3

A bim ḅẹ́ ịrị Ẹ́fịsọs ḅụ fịnị, a dugho ị pịrị ḅara ma a Masidoniya múuarị sáá. Jẹa túminị́ Ẹ́fịsọs ma ḅụ iruonyẹ anịị nnị diearịnyẹ, asọ dọghụ sị n kikii.

1 Timoti 5:8

Ine amịna mịnaapụ siḅegha ḅọ, anịị taa na awọ pa tórúku tarị, anị tumḅọ ma ọḅụ pa minini ma gbimam, mininighaḅọ ibi anị tumḅọ ma nẹngịm.

1 Pita 5:14

Ọ Krais ḅẹlẹma ma pa jụghọ jụghọ ḅolo. Ọmịnị Krais bie fịnịapụ ma diin ọmịnị mamgba na fịnịị.

3 Jọn 1:14

Ḅọlọgha sa ḅụ a ị́yẹ́ árịbẹm, anịsa wa tọ́rụ́ na tọ́rụ́ na ḅụ ẹ́gẹ́rẹ́bẹm.

Puu Findi 1:4

Sịbịpị ma Jọn ḅara anịị anị saghị ḅo Esiya ḅẹrẹtọ yọ ḅụ fịnị sọ́nọ́ma sọsị ma pịrị nyẹ́ẹ́: Tamuno, mị́sa fịnịḅọ, ḅọ́rọ́maa sáá fịnịḅọ na pịghị ḅo bẹ sa fịnịḅọ pịghị ori imine tórúku fịnị sọ́nọ́ma Tẹ́mẹ́ ma ḅara saghị ḅo tọ́rụ́kụrụkụ́rụ́ na diin fịnị ọ pịrịị.